|
اسطنبول و الاوضاع الامنية السلام عليكم مسافرين بكره على اسطنبول ان شاءالله ولكن الاوضاع ماتطمن ابدا خصوصا بعد تحذيرات امريكا من السفر الى تركيا وبعد اصرار تركيا على المشاركة في حرب الموصل اعطونا نصائحكم كيف نقدر نتغلب على القلق الي راح يلازمنا طول السفرة حتى في المطار وكيف نقدر نحس بالامان اكثر انا اقترحت على الاهل ان مانروح للاماكن الي فيها سياح كثير وزحمة ناس ونبتعد قدر الامكان عن التجمعات وحتى الاسواق الشعبية والمفتوحة مانزورها بس مع كذا القلق موجود واحس اننا تورطنا لما حجزنا على اسطنبول فكرت في الشمال التركي بس الجو حاليا فيها مايشجع بررررد شديد وانطاليا اغلبها سياح اجانب بورصة ممكن نروحها بس ماحنطول فيها كثير طمنونا و نبغى اقتراحاتكم الله يسعدكم علما اننا استخرنا كثير في سفرتنا هذي |
وهل صحيح بخصوص الترام حطوا شرطيين معاهم رشاشات يفتشوا كل واحد يركب الترام ؟؟؟؟ |
اخي الكريم بالنسبة للوضع الامني بفضل من الله مافي اي اشكاليات حاليا وكل شي بخير حسب علمي تم تشديد الاجرائات الامنية بالمناطق السياحية لضمان امان السائحين بالنسبة لاسطنبول ولكن من الافضل الابتعاد عن السكن فى منطقة تقسيم انا لى صديق متواجد فى اسطنبول حاليا ويرسل لى سناب ومستمتع بالاجواء والله انه ما عرف عن التفجير غير مني انا وخارج اسطنبول تكون الاوضاع اهدئ مثل بورصة وسبانجا ويالوفا |
اهلين وسهلين فيك انا اشوف تشديد الأمن نطقه بصالحكم وتركيا بلد أمن جداً كنت قبل شهر في اسطنبول وكنت اشاهد رجال الأمن بالأسلحه في الميادين مثل السلطان احمد وتقسيم اشوفه انه من صالحنا توكل على الله وانا اتابع ناس كثير بالسناب حالياً متواجدين والوضع طبيعي بالأخير الأمر راجع لك |
قُل إِنَّ المَوتَ الَّذي تَفِرّونَ مِنهُ فَإِنَّهُ مُلاقيكُم ثُمَّ تُرَدّونَ إِلى عالِمِ الغَيبِ وَالشَّهادَةِ فَيُنَبِّئُكُم بِما كُنتُم تَعمَلونَ [الجمعة: ] أرسلت بواسطة iPhone بإستخدام Tapatalk |
السلام عليكم وجزاكم الله خير لكل من رد ومشكورين انا حاليا باسطنبول اليوم صباحا وصلنا والاوضاع عادية جدا لاحظت قلة عدد الاجانب من الجنسيات الاوروبية والامريكية وزيادة عدد الخليجيين وخصوصا السعوديين ماشاءالله في كل مكان اشوفهم حتى المطار ماكان فيه زحمة نهائيا واليوم زرنا منطقة السلطان احمد ومنطقة سيركجي وامينونو وركبنا الترام كذا مرة والحمدلله الامور مستقرة وطبيعية ايضا لاحظت قلة اعداد السوريين بشكل واضح عن السنة الماضية |
عليكم بالعافيه استمتعوا ولا تنسونا من الصور والتقرير :58: |
السعوديين الأسبوع الجاي أجازه وتعرف قبلها بكم يوم أصبح عاده السحب علي الدوام حمدلله علي السلامه |
السلام عليكم ورحمة الله وبركاته رجعنا من السفر من اسطنبول من يومين والحمدلله والاوضاع الامنية ممتازة ومافي داعي للخوف والقلق انتشار الشرطة في كل مكان وسياراتهم المصفحة والهولكوبتر دايما في الجو والاسواق الشعبية مثل السوق المصري او جراند بازار والمولات والمتاحف والاماكن الاثرية كلها يتم فيها التفتيش قبل الدخول بالنسبة للترام ماكان فيه تفتيش بس كان في رجال امن عند كل محطة ترام والمترو فيه تفتيش ورجال الامن موجودين بكثرة فيه والحمدلله امن وامان |
الحمد لله على سلامتكم. |
| الساعة الآن 04:58 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO