|
ترتيبات السفر الى تركيا السلام عليكم ورحمة الله وبركاته كيفكم يا احلى منتدي اسالتي راح تكون عن ميزانيه الرحله لتركيا رحله لشخصين من جده الى طربزون 5 ليالي (دايركت ) ثم الى يلوه او بورصه 4 ليالي _ (بالنسبه ل يلوه وبورصه راح اكتفي ب المبيت في مدينه وحده على حسب اجوائها والاخرى تكون زياره ) ثم العوده الى سطنبول 5 ليالي موعد السفر نهايه سنه 2017 منتصف نوفمبر او نهايه اكتوبر ويكون وقت دراسه عندنا مو اجازه هكذا المخطط وقابل للتعديل الطلبات و الاساله الاجواء الاجواء هي اهم شي عندي بالسفررر الاجواء تقريبا في تلك المده كيف راح تكون ؟؟ (ابي اجواء بارده لكن مو مرا ومطر وما ابا ثلج او برد قارس ما اقدر اتحرك واتمشى براحتي ما احب البراد ) اي شهر يكون فيها ربيع و اجواءمناسب للي ابيه ؟؟ هل تركيا اجمل في الربيع او بداية شتاء ؟ ابي اجواء مطرررر وبرررد هذا المهم ما ابي ثلج .. ايهم افضل يلوه او بورصه ؟؟ هل لها فيزا وكم سعرها ومن فين اخذها ؟؟؟ كم سعر الطيران الداخلي من طربزون الى اسطنبول ؟؟ كم الميزانيه الي تكفي الرحله من تذاكر وفنادق و معيشه ؟؟ كم تقريبا في اليوم نصرف لكل مدينه مع العلم انو اكلنا محدود موكثير ومو اي شي يعجب زوجي ؟؟ حاليا شيكت على تذاكر الطيران للخطوط السعوديه جدا رخيصه لان من بدري ابي احجز .. هل في اشكاليه راح تواجهني لو حجزت من الان ؟؟؟ الفنادق راح يتم حجز الفنادق عن طريق البوكنق وراح احجز بنفسي واول مره الله يستر بالنسبه للفنادق ابي كل مدينه لها طابع خاص وكل فندق مختلف عن الثاني ايش تنصحوني من فنادق ويكون اسعارها مناسبه وليست غاليه ؟؟ طربزون ودي اسكن في كوخ او شي مقابل له او تكون في الغرفه باب يكون مطل على ارض خضراء مثل الي اشوفها في المواقع والتلفزون يلوه او بورصه شقه صغيره فيها اهم شي بلكونه وحوش خاص فينا وتكون مطله على البحر مباشره ما ابي اي شي يغطي المنظر اسطنبول فندق يكون فيه بانيو كبير وعميق ويكون نظيف والغرفه وسيعه ومريحه للنظر ويكون بعيد عن الازعاج والزحمه وشارع تقسيم الموصلات بالنسبه للمواصلات ايش تنصحوني فيها هل استاجر سائق مع سياره او اكتفي بالتكاسي ؟؟؟ وطرزون كيف نظامها من ناحيه المواصلات ؟؟ ( لم ازرها ابدا ) راح اروح ل يلوه او بورصه عن طريق البحر بالعباره كنوع من التغيير افكر في اسطنبول ويلوه اخذ سياره مع سواق ويكون معي طول الرحله .. ايش رايكم ؟؟ كم سعر السياره مع السائق ؟؟ كم سعر التكاسي وهل الاقيها في اي مكان ارحله ؟؟ كم سعر العباره ؟؟ بالنسبه لازنجول وسبنجا اين تقع هل تحتاج زياره او المبيت فيه ؟؟؟ هذي اول مره لي احجز لرحله بنفسي الله يسعدكم اذا نسيت شي ذكروني وخبروني ايش الاحتياجات وايش المهم وشكررا لكم على تعبكم معي ربي يسعدكم دائما ما تقصروا :e305::e305: |
اقتباس:
بحاول اجاوبك علي بعض الاستفسارت بالنسبة للفيزا تقدر تاخذها بكل سهوله اون لاين شوف هذا الموضوع لاخونا ماجد الفهد http://www.arabtrvl.com/vb/t71.html او من المطار عند الوصول علي ما اذكر 60 دولار بالنسبة للجو والاجواء طالما رحلتك داخل فيها الشمال فالاضل انك تسافر اما فى نهاية ابريل وحتي نهاية مايو او في بداية اكتوبر وحتي نصف نوفمبر الفنادق فى الشمال انصحك لا تحجز من النت والافضل الحجز عند الوصول طالما سفرك خارج الموسم طرابزون ما اذكر ان فيها اكواخ للسكن ولكن بتحصل فى باقى قري الشمال مثل اوزنجول وايدر و اوردو وغيرها والصرف اليومي في الشمال قليل مايتعدى 200 ليره في اليوم (من غير السكن) وفى اسطنبول او بورصه في حدود 500 المواصلات فى طرابزون والشمال عموما استأجر سيارة وقودها بنفسك فى اسطنبول الافضل المواصلات العامه او التاكسي وفى بورصة ممكن تستأجر سيارة مع سائق او بدون وسعر السيارة مع السائق فى حدود 150 دولار فى اليوم بالنسبة لاوزنجول تقع فى الشمال تبعد عن طرابزون حوالي ساعه وربع سبانجا تابعه لمحافظة سكاريا تبعد عن اسطنبول ساعه ونصف وعن بورصا ساعتين ونصف ولكن اذا زرت الشمال يغنيك عن سبانجا واذا فى شى ثاني بعد حاضرين |
وعليكم السلام الاجواء في الربيع جميلة نهاية شهر 4 وكذلك شهر 5 باردة ولكن براد معقول وطبعا في الشمال ابرد من اسطنبول الفيزا نعم لها فيزا ومن هنا تطلعينها http://www.arabtrvl.com/vb/t71.html والميزانية اليومية المتوسط لشخصين 500 ريال الحجز عادي ممكن تحجزي من الحين لكن اي تعديل على الحجز راح يكون برسوم بالنسبة للفنادق شوفي قسم الفنادق المواصلات اسطنبول ممكن تعتمدون على المترو والتاكسي متوفر في كل مكان لكن لابد من التعامل معهم بحذر لان كثير منهم يتعامل بالنصب اما خارج اسطنبول الافضل سيارة خاصة تستاجرونها انتم السائق مع السيارة داخ اسطنبول في حدود 120_150 دولار في اليوم اما خارج اسطنبول اذا راح تاخذونه من اسطنبول طبعا اغلى اوزنجول في الشمال التركي يعني تروحين لها من طربزون سبانجا ويالوا وبورصا مو ضروري تروحين لها لان الشمال يغني عنهم ولازم تشوفي تقارير عشان تاخذي فكرة هذي بعض المواضيع http://www.arabtrvl.com/vb/t5315.html http://www.arabtrvl.com/vb/t22872.html وبعدها راح احط لك مواضيع ثانية |
ربي يسعدكم حبايبي تركيا رحتلها السنه الي فاتت سكنت في يلوه واسطنبول الشمال للاسف مارحتلها باذن الله راح ازورها اروع ما كان بسفرتنا يلوه :e04b: اخذنا شقه تعتبر عماره مو شقه :14::3: ثلاث ادوار وكانت جدا اجواء جميله و مطر وهدوء وجمعت حبايب كانت افضل من اسطنبول الي كانت تعب ومشقه وفنادق وبعيد عن بعض المهم في الشمال المهم عندي السكن مو مشكله المدينه ابي مكان موجود فيه الاكواخ ويكون هادي لان ما ابي ازور اماكن كثيره هناك ابيها للراحه والمشي و الحجوزات ابيها كلها قبل السفر اروح هناك مرتاحه وما اشيل هم الي معذبني السياره ايش نوع اللرخصه الي يحتاجها زوجي ؟؟ وهل استخدم قوقل ماب ؟؟؟ واستاجار السياره حسيته مكلف علينا فماني عارفه كيف ارتب الموضوع بسببها الاجواء الي تكوني في ابريل واكتوبر كم درجة الحراره ؟؟ وهل هو وقت ربيع عندهم ؟؟ للشمال واسطنبول ؟؟ كيف تكون اجواء الربيع ودرجة الحراراه في اسطنبول ؟؟؟ مشكوورين على مساعدتكم ربي يباركلكم ويسعدكم |
اذا ما تبين تزورين اماكن كثيره فى الشمال خلى يومين طرابزون للراحة وبعدها باقى الممده فى اوزنجول طبيعة الشمال كلها متشابهه والاجمل هي اوزنجول لكن اعيد واكرر اختى لا تحجزون فنادق الشمال من النت طالما سفرك خارج الموسم لان فنادق الشمال عبارة عن موتيلات بسيطه واكواخ خشبية ومستواها متواضع ممكن يطيح حظك فى فندق سئ وخصوصا ان بعض الفنادق عندها اكثر من مبني واذا شافوك ما تعرف وضعوك فى المبنى الاقدم واذا ما عجبك ضاعت فلوسك لكن الحجز من الفندق نفسه بتحصل سعر ارخص وتشوف الغرفة بعينك لكن ممكن تحجزين فندق طرابزون من النت لانه بعد الوصول من رحلة طيران دوليه الافضل يكون فندقك محجوز بالنسبة للسياره فى الشمال مهمه جدا ولا تكتمل متعه الرحلة بدونها وغير مكلفة بالنسبة لشخصين سياره صغيره ممكن تحصلها 100 ليره فى اليوم ومثل ما ذكرت لك فى الشمال المصاريف اليوميه قليله اجواء فى اكتوبر وابريل فى الشمال طبعا بارده |
ابدا ما قد جربت هذي الطريقه بسفراتنا هذا الي مخليني متردده السياره قريت انها على 150 دولار في اليوم |
اقتباس:
الا شمال تركيا اوزنجول قرية صغيره كلها عباره عن بحيره صغيره ومن حولها اكواخ وموتيلات ومطاعم ايجار السياره 150 دولار هذا للسياره الفان مع السائق لكن السياره الى تقودها بنفسك متوسط سعرها اليومي من 100 الي 150 ليره وليس دولار يعنى حوالي 30 الي 40 دولار والافضل تاخذون لكم سياره ديزل وجير اوتوماتك وتكون اقنصادية وصغيره جربي هذا الموقع Rentalcars.com وهو الافضل من حيث الشركات المضمونه او economycarrentals.com هو الافضل من حيث السعر ولكن يتعامل مع مكاتب صغيره او عند الوصول لمطار طرابزون وعند بوابه الخروج بتشوفين علي اليمين مكاتب تاجير ايضا خارج موسم الصيف بتحصلين السيارات متوفره والاسعار طيبه المهم اختاروا مكتب لشركه عالمية معروفه مثل اوفيس او يورو كار او بادجت |
| الساعة الآن 10:14 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO