|
الرجاء مساعدتكم *استفسارات عن تركيا * السلام عليكم ورحمة الله انا وعائلتي لاول مره راح نسافر لتركيا وعندي بعض الاسئلة الله يجزاكم خير اولا - انا مدة رحلتي ١٨ يوم من نهاية يوليو لحد بداية اغسطس شرايكم بالتقسيم هل تنصحوني ازيد منطقه ؟ ٤ ايام بإسطنبول -٥ايام بطربزون-٥ايام بأوزنجول-٤ايام بإسطنبول ثانيا- وش تنصحوني بالسكن لعائلة مع العلم بأسطنبول راح نستخدم المواصلات العامه من مترو وغيره ؟ ثالثا- الطيران الداخلي من وين احجز وكيف احجز ؟ رابعا - سمعت لازم فيزا هل صحيح وكيف استخرجها ؟ خامسا-كيف احجز سائق في منطقة طرابزون واوزنجول ووش تنصحوني فيه ؟ سادسا- كيف الاسعار بالمنطقه لطلعات اليوميه تقريبا من غير السكن والسواق ؟ سابعا- ايش الافضل احجز انا بنفسي السكن من بوكينق والطيران ولا من مكتب سياحي ؟ وأي نصايح ممكن تفيدني ياليت تسردونها والله يجزاكم خير ويعافيكم مقدما:20: |
وعليكم السلام ورحمة الله وبركاته أفضل أنكم تستأجرون سياره ما راح تضيعون بالشمال التركي 10 ايام بالشمال ياليت تتوزع بين ازنقول طرابزون أيدر أوردو ومن ريزا تزورن منتجع ريدوس يعني منطقه كزيدار اللي فيها المنتجع يومين مع أيدر ويومين أوردو وثلاث أيام ازنقول وأربع أيام طرابزون والبقيه أسطنبول طبعا تختلف حسب ما تحبون الطيران الداخلي التركيه ( الأناضول) بيقاسوس أونور الصرف يختلف حسب عدد العائله فيه اللي يصرف من غير السكن 300 وفيه اللي يصرف 600 وفيه اللي بينهم السكن بما أنه موسم بوكينق يعتبر غالي مقارنه بأسعار الماضي بوكينق أكثر بـ 200 ليره أو أكثر |
تنظيم البرنامج جيد نوعا ما الفيزا بظن استخراجها طريقة شكلية فقط بالنسبة للحجوزات شوفي بين البوكينغ و المكاتب الاخص احجزيه ورحلة موفقة لكم ام شاء الله |
عليكم السلام ورحمة الله مدة الرحلة تكفي لزيارة عدة اماكن بالنسبة لتقسيم الايام 4 اسطنبول 4ازونجول 5 طرابزون منها زياره يوم واحد لمدينتي ايدر وريزا 5 اسطنبول ومنها زياره يوم واحد لمدينة بورصه لانه 5 ايام بأزونجول كثيره تكفي فيها 4 ايام من يوم الوصول ثاني يوم حر وثالث يوم تزرون السلطان مراد ورابع يوم بحيرة السمك بالنسبة لسكن يا ريت تذكري كم شخص لأعرف ايش انصحك فيه ( فنادق أو شقق فندقيه ) لحجز تذاكر الطيران الداخلي انصحك تحجزي من الخطوط التركية والافضل ترتبي مع شركة سياحية في تركيا موثوقة لترتيب جميع الرحلات والسكن |
اقتباس:
طيب ممكن ارقام احدى الشركات الموثوقه ؟ والله يجزاك خير |
اقتباس:
اولا السياره كم تكلفتها تقريبا لمدة عشر ايام بالشمال ؟ الطيران الداخلي احجز من نفس موقعهم بالانترنت ؟ فيه غير بوكينق ؟ |
اقتباس:
طبعا يفضل شقق فندقية |
ما حجزت من بوكينق وهو وقت عيد الا فندق انيمون في اوردو ولا أتعامل مع أي شركه السياره معي وأتفرج علي السكن اللي يعجبني القيمه كانت سياره صغيره تقريبا الفين ريال 11 يوم |
اقتباس:
الله يجزاك خير |
هذا موضوع عن طريقة اخراج الفيزا وتطلع خلال دقائق https://www.arabtrvl.com/vb/t71.html وهذا موضوع عن طريقة الحجز للطيران الداخلي https://www.arabtrvl.com/vb/t1265.html وهذا ايضا حجز لخطوط ثانية https://www.arabtrvl.com/vb/t142.html |
| الساعة الآن 01:08 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO