|
رايكم ومساعدتكم ببرنامجي لتركيا حجزت لتركيا هالسنه لمده 16 يوم تقسيم الايام 3 ايام اسطنبول 4ليالي اوزنجول 2ليلتين بايدر 4 ليالي طرابزون 3ليالي اسطنبول وش رايكم بتقسيم الايام وماهي الفنادق اللي ترشحونها بكل مدينه؟ هل الشقق بتكون مناسبه بالشمال؟ الافضل احجز من شركات بالسعوديه او اذهب للفندق بالخرايط واحجز هناك؟ ومارأيكم بايجار سياره الافضل مع السايق او بدون وكم اسعارها؟ مالافضل من هالشركات وهل احجز من النت منها او وقت الوصل بيكون ارخص؟ Garenta او بدجت واسف ع الاطاله. |
احجز سياره من النت افضل من الشركات العالميه تضمن حقك يا عزيزي والاحداثيات شف موضوع ماجد القطري الشقق مناسبه في الشمال في ايدر سكنت في فندق اسمه ايدر ريزورت اول ما توصل تشوفه رابع فندق يسار لون اللوحه بنفسجي موف كذا ازنقول ابع عند الزحمه حول البحيره وبتلقي سكن بإذن الله |
حجز السكن في الشمال يعتمد على وقت السفر اذا موسم ممكن تجد صعوبة في الشمال ضروري سيارة انت تسوقها اما في اسطنبول ممكن سيارة مع سائق او مواصلات عامة الفنادق فيه خيارات كثيرة في قسم الفنادق |
الف شكر اخ فيصل واخت زهره ع الردود المفيده سؤال مهم نسيت اطرحه كم المبلغ اللي يكفي ل16 يوم بتركيا شامل الفنادق والسياره والمعيشه حصلت عرض من شركه تركيه بتكلفة 5050 دولار شامل الفنادق والسياره والسواق وتذاكر داخليه لشخصين وطفل هل مناسب او مبالغ فيه السعر؟ |
لا اخوي اعتقد المبلغ مرتفع جدا شوف شركة ثانية او اعتمد على نفسك اسال الشركة الموجود اعلانها في الاعلى يمكن يعطونك عرض افضل |
4 ايام لازونجول كثيرة خليها فقط 3 اياماسطنبول و 3 ازونجول و 5 طرابزون و ايدر يومين واخر 3 ايام اسطنبول وبورصة تزورها روحة ورجعة بنفس اليوم بالنسبة للفنادق في ازونجول هناك جراند ازونجول وطرابزون بارك سكوير و نوفوتيل و فندق رمادا اذا كانت ميزانيتك تسمح افضل شيء تتواصل مع شركة موثوقة يرتبولك برنامج كامل مع السيارة وسائق خاص وهكذا تتفاد زحمة السير في اسطنبول :66: https://www.arabtrvl.com/vb/t27272.html |
اخويgunner10 واخوي أطياف شكرا لردودكم بالنسبه للعرض اللي ذكرته من الشركه اللي تتكلمون عنها وانا اشوف انه مبالغ فيه جدا |
تور فور ارابز للسياحه و السفر اقتباس:
استاذي الكريم بخصوص البرنامج لما يكون مبالغ فيه يكون البرنامج نفسه لايستحق هذا السعر برنامج حضرتكم طبعا بعد قرائتي للتعليق تم الاتطلاع عليه من قبل الاستاذ جاد مدير المبيعات في الشركه بالنسبه للسكن اللي تم اختياره والرحلات في كل لايام ع اكثر من 5 مدن يعني سعره ممتاز حضرتكم مانكم مضطرين طبعا الالتزام بنفس البرنامج بامكانكم تطلبون من اللي رتبلكم البرنامج يعطيكم برنامج اخر باقل سعر اكيد موجود الفرق بين فنادق الاربع نجوم و الخمسه اكيد موجود والسياره لما تبقى معكم كل الايام غير لما يكون بي ايام حره والرحلات لما تكون مع جروب اكيد اقل من الخاص يعني في كثر طرق استاذي تختلف بين برنامج واخر لكن نحن بشكل عام دائما كأول خيار نعطي الأفضل ونبدا بعدها بالتغير بالبرنامج بما يرضي العميل ويتناسب مع ميزانيته اللي حاسبها للرحله لذلك استاذي الكريم نحن طبعا اول شيئ يسعدنا قدومكم ع تركيا سواء معنا او مع غيرنا بالنهايه تنورون تركيا لكن برنامج حضرتكم كبرنامج وفنادق يعتبر ممتاز وطبعا لو تبي برامج باقل سعر اكيد موجود وشكرا مره اخرى لمروركم:e304: اللطيف |
متى تاريخ سفرك عشان توضح الصوره ؟ |
السلام عليكم انا ولله بنصحك انتي بس تحجز الطيران اما الفنادق و الحلات او السيارات عن طريق شركة لان يكون عندهم تعامل مع الفنادق و يجيبو اسعار اقل و رحلة موفقة لك ان شاء الله |
| الساعة الآن 07:39 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO