|
ارجو المساعدة يااخوان....تنظيم 10 ايام عسل... السلام عليكم ورحمة الله وبركاته... مساكم وصبحكم الله بالخير كلن ووقت زيارته للموضوع..:yolks00220: قدر الله علينا وقررنا الزواج :(33): نسال الله التوفيق... وبعد مباحثات طويله وعديده ومديده :(90): استقر بنا الحال على رحلة 10 ايام عسل الى بلاد الاتراك...ياوروم ياوروم :(89): الرحلة بتكون 29 مارس لمدة 10 ايام...واتوقع الوقت هذا بيكون البرد لازال شايف شغله.. اعجبني احد التقارير في احد المنتديات غير هالمنتدى جمع بين الشمال التركي واسطنبول.. بطرحه هنا واتمنى منكم طرح ملاحظاتكم واضافاتكم وتعديلاتكم عليه واكون لكم من الشاكرين... التقرير يبدأ من الطائف-اسطنبول-طرابزوان ( من اسطنبول الى طرابزون مباشرة بعد الوصول في المطار ) والعودة طرابزون-اسطنبول-الطائف الخطوط المستخدمة : الخطوط التركية ( داخليا ودوليا ) الفنادق : 1- فندق Zorlu Grand hotel في طرابزون ليلتان 2- فندق Sirin Motel Uzungol في اوزنغول 4 ايام 3- فندق Grand Star في تقسيم اسطنبول 4 ايام المطلوب: 1- افضل الاماكن اللي تنصحوني اروح لها في هذه المدن وتوزيعها على حسب الايام او اذا تنصحون بتغيير اي منها؟ 2- هل الشمال في هذا الوقت من السنة بيكون جوه بارد جدا وثلوج وماراح استمتع بمناظر وطبيعة الشمال التركي؟ 3- ميزانية 20 الف كافية لكل شي من الالف الى الياء؟ 4-تنصحوني باستئجار سيارة هناك ؟ وهل القيادة ممتعة هناك ولا يوجد فيها مشاكل ومريحة اكثر من هجولة المواصلات؟ 5- رحم الله والدين من دخل هذا الموضوع وحاول مساعدتي بأي معلومة مهما كان يراها صغيرة او بسيطة لانها راح تفيدني كثير لانها الزيارة الاولى لي وماراح تكون الاخيره اذا الله احيانا.. انا اضفت الشمال لاني انسان احب الطبيعة والمناظر الطبيعية وافضلها على اني ازور متاحف وقصور ومدن..اعشق الريف اكثر.. |
رد: ارجو المساعدة يااخوان....تنظيم 10 ايام عسل... وعليكم السلام 1- بالنسبة للإسطنبول هذي اهم الاماكن فيها http://www.arabtrvl.com/vb/t295.html وبالنسبة للشمال هذي اهم الاماكن http://www.arabtrvl.com/vb/t1707.html 2-توقيتك نهاية الشتاء وحتى لو الجو برودته مقبولة ماراح يكون فيه طبيعة بالشكل المطلوب يكون الجو حلو وفيه طبيعة في نهاية ابريل 3- الميزانية بإذن الله كافيه على اعتبار إن السكن والتذاكر بتكلف 9000 اقل او اكثر شوي 4- استئجار سيارة ضروري خارج اسطنبول لكن في اسطنبول استخدم المواصلات العامة افضل وبالتوفيق |
رد: ارجو المساعدة يااخوان....تنظيم 10 ايام عسل... حبيب ألبي مبروك مقدما يا غالي 20 ألف ممتازة بس شيل منها التذاكر لإنه التذاكر ممكن تحصل بألف وممكن ب 5000 ع كل حال الشمال شيله من راسك لن تستمتع أصلا لا أنصح فيه حتى من أبريل فكيف بمارش المهم سيارة من المطار ( أتاتورك مثلا ) وبالعبارة تريح يوم في يلوا في فندق لوفا هوتيل LOVA Hotel وبعدها بورصا في فندق هيليتون 3 أيام ومنه تستمتع بالفعاليات الشتوية وتختم بسبانجا يومين في الفندق الجميل Booking.com: ظپظ†ط§ط¯ظ‚ Richmond Nua Wellness Spa - ط³ط¨ط§ظ†ط¬ط§, طھط±ظƒظٹط§ وتختم بالفندق الجميل جدا Booking.com: CVK Hotels Park Bosphorus - ط¥ط³ط·ظ†ط¨ظˆظ„, طھط±ظƒظٹط§ تحتاج سيارة طبعا وأكيد أنصحك بها وبقوة التكلفة المتوقعة متوسط لكل شيء من 1500-2000 ريال يوميا شامل كل شيء بالتوفيق |
رد: ارجو المساعدة يااخوان....تنظيم 10 ايام عسل... الشمال التركي في مارس حسب كلام الخبراء انة غير مناسب ممكن تستبدلة ببورصة ويليوا او سبانجا وماحولها والطبيعة بتكون قريبة من الشمال التركي وفي نفس الوقت بتوفر ثمن الطيران الداخلي حوالي 1200 ريال تذكرتين تساجر فيهم سيارة صغيرة طول فترة اقامتك بالنسبة للصرف حاول تشوف فنادق في حدود 500 ريال يوميا في 10 ايام 5000 صرف يومي مع حدود 500 ريال في 10 ايام 5000 السيارة ايجارها وديزلها 10 ايام حدود 2500 مجموع 12500 بدون تذاكر |
رد: ارجو المساعدة يااخوان....تنظيم 10 ايام عسل... ياجعل ربي يسلمكم ان شاء الله... عاجز عن شكرككم ومعلوماتكم القيمه...وبصراحه نويت اكنسل الشمال مع انه امنيتي كنت اشوف سحر اوزنجول من كلام الناس عنها...لكن ان شاء الله نخليها السفره القادمه...بما ان الخطه تغيرت انا راح امشي على كلام اخوي ماجد وخطته اللي وضعها.. بس فيه اشياء مافهمتها !! انت قلت من المطار اخذ سياره بعدين اروح يلوا عباره!!! ايضا افضل اني اخلي اليومين في هيلتون بورصا والثلاث ايام في سبانجا لانها حسب ماسمعت اقرب للشمال من ناحية الطبيعة والاجواء.. واخيرا ياليت نغير اخر فندق في تقسيم لاني بجلس 5 ايام في اسطنبول وراح كون مكلف تقريبا 6000 لوحده مع انه سحرني الفندق :yolks00650: لمن شفت الصور يعني ياليت نلاقي شي قريب من روعته وبسعر اقل... واشكركم مره ثانية على مساعدتكم لي... |
رد: ارجو المساعدة يااخوان....تنظيم 10 ايام عسل... بالتوفيق حبيبي والله يجمع بينكم ع خير ويتمم لك انا برضوو ع نفس الدرب بس انت خلاص ع وشك :(114): بس آنا بالعيد ان شاء الله وفتحت موضوع وما قصر الاخوه راح اتابعك اذا لقيت فندق باسطنبول يناسب للعرسان اكتبه هنا نستفيد كلنا وانتظر باذن الله رجعتك والتقرير عشان انا باذن الله رايح حجزت الطيران . وحاجز فندق اللي منتجع .. اللي حط لك اخونا فهد طبعا الفندق باستشارته وفعلا عجبني .. اللي حاب اقول لك هو احجز من موقع الفندق مسوي عرض شوف مشاركتي هذه فيها الرابط حق الفندق http://www.arabtrvl.com/vb/51455-post16.html انا حجزت اول ببوكينغ ولما دخلت الموقع وشفت العرض حجزت عندهم وباقي ما كنسلت حق بوكينغ راح اكنسله باذن الله بس للان انتظر ارتب اموري اكثر واكثر كنت اتمنى لو بيسحبوا المبلغ عشان ارتاح اني حاجز .. خخخخ ما ابغا الفلوس عندي .. لدرجة افكر احجز الغير مسترجع هههه بس الواحد ما يضمن ممكن يعدل الرحلة بأي وقت .. ع الرغم من حجز الخطوط بالتوفيق |
رد: ارجو المساعدة يااخوان....تنظيم 10 ايام عسل... حبيبي شوكلاط يعطيك العافيه... اكيد ابشر اي شي الاقيه بحطه هنا... انا جالس اسبق الزمن على قولتك ماعاد باقيلي وقت غلطتي ماخلصت امور من بدري... |
رد: ارجو المساعدة يااخوان....تنظيم 10 ايام عسل... اي والله حبيبي صادق .. انا شوفني باقي اكثر من 5 شهور او خمس شهور واسابيع لكن تقريبا من شهر وزيادة وانا افتش واشوف وابحث الله يسهل لنا جميييعا كان عندي خيار انا حطيته ببالي مطل ع البسفور فندق ماربيين بوسفوروس أو Eurostars Hotel Old City منطقة الفاتح وكنت انتظر الخبراء يعطونا رأيهم .. بس حتى الان ما احد رد اذا مافي خيارات مناسبه فأنا ممكن واحد من الاثنين هذه والارجح الاول :200: |
رد: ارجو المساعدة يااخوان....تنظيم 10 ايام عسل... السلام عليكم... تم عمل الحجوزات للتذاكر عن طريق الخطوط التركية ذهاب 29 مارس والعوده 9 ابريل تم تقسيم الايام وحجز الفنادق كما يلي : 29-30 مارس فندق Nidya Hotel Galataport اسطنبول يومين 31-2 مارس-ابريل فندق مركز مؤتمرات وسبا هيلتون بورصا ثلاث ايام 3-4 ابريل فندقRichmond Nua Wellness Spa سبانجا يومين 5-8 ابريل فندق CVK Hotels & Resorts Park Bosphorus Istanbul اسطنبول اربعة ايام 9 ابريل رحلة العودة المطلوب منكم تكرما يااخوان مساعدتي في توزيع الزيارات على حسب الايام والفنادق اللي تم حجزها.. من وصولنا الى مطار اتاتورك وارشادنا بافضل وسيلة للوصول لفندق Nidya Hotel Galataport والزيارات المناسبة الى حين موعد المغادرة.. انا قريت كثير وعرفت افضل الاماكن باسطنبول بس مااعرف كيف اوزعها بحسب قربها من الفنادق اللي بسكنها...يعني ترتيب البرنامج اليومي ميييييح :(47): ايضا متى ومن وين تنصحوني استأجر سيارة لسبانجا لانه بحسب مافهمت انها هي الوحيده اللي ببرنامجي تحتاج سيارة الباقي مايحتاج... شاكرا ومقدرا لكم تعاونكم سواءا من زار الموضوع وساعدني اول من شرفنا بزيارته فقط :(127): |
رد: ارجو المساعدة يااخوان....تنظيم 10 ايام عسل... اقتباس:
بالنسبة لي الاول افضل |
| الساعة الآن 05:20 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO