|
بوردنق مطار أتاتورك! السلام عليكم ورحمة الله وبركاته أخواني عندي رحلة من زيورخ إلى اسطنبول و بعدها ب ساعتين ونص رحلة من اسطنبول للسعودية مع العلم أن التذاكر تم شراءها بشكل منفصل على الخطوط التركية المشكلة إنه حسب اللي فهمته من التواصل معهم انه ما أقدر أقص البوردنق حق الرحلة الثانية من مطار زيورخ و يجب اني أدخل تركيا و أطلع من المطار و أرجع أدخل من جديد والصراحة أحس الوقت ما يساعد + راح أضطر أدفع حق الفيزا تقريبا 500 ريال عشان ساعتين! فهل البوردنق الإلكتروني (عن طريق الجوال ) يمشي عندهم بحيث أقدر أعدي من التفتيش و بوابة الطيارة بالجوال أو لازم تذاكر؟ ولو في حالة اضطريت أدخل تركيا هل الوقت كافي أعد من الجمارك و أدخل من جديد |
اقتباس:
عليكم السلام كلامهم صحيح بالنسبة للبوردنق بس ممكن تتجاوز المشكلة بالبوردنق الالكتروني ولا اعلم هل هو مقبول او لا لكن المشكلة ليست هنا المشكلة ان العفش لازم تستلمه وهذا يتطلب انك تدخل تركيا وهذا يتطلب فيزا والشي الاخر الوقت ما راح يساعد في دخول تركيا واستلام والعفش واعادة شحنة مطار اسطنبول مزدحم الله ييسر امرك |
حياك الله العفش ماراح أشحنه راح يكون معي بالطيارة + حنا شباب يعني ماعندنا إشكال نتنقل لكن هل المطار عبارة عن صالات متباعدة و لا مبنى واحد بحيث بوابة الخروج من المطار قريبة من بوابة الدخول ؟ |
اخوي لازم تدخل تركيا تختم الجواز وبعدين تصعد فوق لصالة المغادرون لكن عندي لك حل في ممر خاص من المطار الدولي الى الداخلي لكنه سريع جدا يكون بين البوابة 101 و102 اسال عنه راح تحصله وبعدين بعد ما تدخل صالة الطيران الداخلي تطلع وتروح صالة المغادرون الدولية هذا افضل حل او تعدل حجز او تقعد باسطنبول يوم الى يومين وبعدها تذهب الى سويسرا |
شاكر ردك على حسب خبرتك إجرائات ختم الجواز والخروج من المطار سريعة ؟ ثانيا لازم أدخل المطار من جديد و أقص البوردنق فهل بوابة الخروج من المطار قريبة من بوابة الدخول وهل الفيزا الإلكترونية راح توفر علي وقت أثناء الإجرائات ؟ |
مثل ما ذكر مشرفنا فيه ممر يسمح للمستعجلين بتجاوز ذلك أنصحك تتأكد تكلم السفاره التركيه أو القنصليه السعوديه في تركيا بخصوص هل يوجد حاجه للتأشيره بما أنك ما راح تغادر المطار فعليا |
اقتباس:
وموفق اخوي |
وعليكم السلام والله الافضل انك تعدل حجزك ساعتين ونص قليل غير انه ممكن يكون فيه تاخير بالرحلة وتشييك الجوازات دائما زحمة ياخذ وقت |
شاكر ردودكم و تفاعلكم ياخوان وبعد سؤال الخطوط التركية أفادوا بأنه على حسب الموظف اللي بمطار الرحلة الأولى ممكن يربط الرحلتين سوا و في حالة الرفض ممكن التوجه لمكتب الترانسفير قبل الجوازات و في حالة الرفض راح نستخدم البوردنق الإلكتروني |
بالتوفيق وباذن الله امورك تتسهل |
| الساعة الآن 10:32 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO