هل 4 ايام تكفي في اسطنبول ، وهل تنصحون بتعديل الحجز بمقابل من اجل زيادة عدد الايام
 

السلام عليكم

اخواني انوي السفر لتركيا في سبتمبر وحجزت وخلصت كل الامور الخاصة بالحجوزات وخليت الحجز 11 يوم مقسمه 7 ايام في طرابزون و 4 ايام في اسطنبول

طبعا انا حاجز عن طريق شركة سفر وسياحه بالخبر .

الآن افكر ازيد ايام السفر بحيث يصير بدل 11 يوم يصير 13 او 14 يوم يعني تصير 6 او 7 ايام في اسطنبول

لاني سمعت يمدحون اسطنبول واحس السفره ماراح تكفي

لكن التعديل على حجوزات الطيران فيه غرامه قالي تدفع 200 ريال عالتذكرة وحنا 3 اشخاص يعني بدفع 600 ريال عشان ازيد يومين

بالاضافه الى حجز فندق للايام الاضافيه يعني حسبتها لو باخذ فندق رخيص يبغالي ازيد من 1200 الى 1500 ريال من ضمنها غرامة تعديل حجز الطيران


من واقع تجربتكم هل ترون انه تستاهل ادفع غرامه تعديل حجز عشان ازيد يومين وهل 4 ايام كافيه لاسطنبول بما فيها يوم المغادره يعني اليوم الرابع بغادر الى السعوديه


وبإيش تنصحوني

افيدوني وجزاكم الله خيراً

وعليكم السلام ورحمه الله وبركاتو

هذا الشي يحكمه ميولك هل انت من محبين زيارة المتاحف والقصور وبنوراما تركيا لان هذا اكثر ماتشتهر فيه اسطنبول وايضا من اهم ما يزوره روادها المولات للتسوق والاسوق الشعبيه والكوفيهات والمطاعم وايضا يوجد بها حدائق وبها رحلة البسفور ورحله الى جزيرة الاميرات والجزء الاسيوي من اسطنبول وما سحتويه من شارع بلغرد وتل العرايس والاوت لت وايضا يوجد مدينة الملاهي فيالاند وحديقه الميني تورك واكثر من هذا

وبالنسبه لزيادة عدد الايام فانت هل تريد التسوق وهل انت من عشاق زيارة المتاحف والقصور وهل تحب حياة المدينه ارى ان تدخل كذا موضزع عن اسطنبول وتتصفحه وبعد كذا تجاوب على هذه الاسئله اذا كان نعم فتوكل على الله واحجز واذا كان لا فخلك على حجزك

عن نفسي اذا بتمدد خل التمديد بدايت الرحله لان اللي فهمته انك اذا وصلت اسطنبول مباشر بتواصل الى طربززن اذا يتمدد رحله قدم الوصول واجلس اليومين باسطنبول في منطقه قريبه من تقسيم والمده الثانيه بعد العوده من طربزون تصير بالسلطان احمد او المناطق القريبه منها


بالتوفيق

تم الإرسال من SM-G935F باستخدام Tapatalk

https://www.arabtrvl.com/vb/t22872.html

تم الإرسال من SM-G935F باستخدام Tapatalk

حياك اختي

انا ما احب المتاحف والاشياء التراثيه حتى زوجتي لكن حبيت امدد لان يمدحون الرحلات البحريه والمطاعم والاسواق فيها فأحس 3 ايام ماتكفي

فهل 4 ايام تكفي حق هالشي بما فيه يوم المغادره ؟

مبلغ 600 ريال لـ 3 اشخاص معقولة

اسطنبول تستاهل اكثر حتى لو انتوا ما تحبون المتاحف والاثار

لكن الحر راح يعكر عليك الجو خصوصا في النهار

مو سبتمبر الجو يكون حلو ولا ؟

لان والعلم عند الله شفت حالة الطقس بتكون كويسه

شكرا جزيلا لكل من علق وتفاعل
واحتاج المزيد من الآراء والنصايح

مشكور عالافاده ياغالي

اسطنبول تستاهل وأكثر. توكل على الله ومدد.

انا عني شهادتي مجروحة في اسطنبول
ومبلغ التمديد شي بسيط
مدد وتوكل على الله

شهر سبتمر افضل وقت وافضل جو وانا حاجز في نفس الشهر لانه بداية الشتاء والجو يكون فيه جدا رائع ...


بالنسبة لي انا اخذت ثلاث ايام في اسطنبول واشوفها كافية - هذا اذا حسبتها صح وطلعت من الصباح من الفندق راح تاخذ يومك كامل وتستمتع ويمديك تمر اشياء كثيرة . اشوف اربع ايام كافية ..

بالنسبة لي عندي مبداء ما احب اجلس في مدينة اكثر من ثلاث ايام اطفش .. ولا تنسى انت بتجي من طربزون شبعان وشبة مكتفي تبيلك كذا يوم في اسطنبول تختم على السفرة .

نصيحتي لك دامك بتروح طربزون - وزع اياكم في طربزون كالتالي
2 يومين في ايدر - انصحك فيها
1 في ازنجول - انصحك فيها واذا تبي تمدد يومين مايمنع بس اشوفها يوم تكفي .
4 ايام في طربزون نفسها .. وكلها حول بعض ..

وعاد انت حر في في ترتيب الايام .... اسطنبول مدينة وواضح انك تميل للريف والاجواء الطبيعية فترى اسطنبول مافيها ريف كثير - فقط منطقة ممزوجة بين الحضارات القديمة والجديدة ... وانصح لاتستخدم تكسي خلك على المترو ارخص وافضل وكل ماشفت مكان حلو وقف انزل وتمشى ....


احترامي ...

يعطيكم العافية جميعا ماقصرتوا بيض الله وجيهكم ولا هنتوا
كفيتو ووفيتوا:e20c:
وتم التمديد بناء على رايكم