|
مشاهير سناب شات تركيا السلام عليكم ورحمة الله وبركاته بندخل بالموضوع على طول ما عرف اكتب مقدمات وابي الكل يكتب رأيه بالموضوع انا متابع للوضع بتركيا ممكن من 2012 من ناحية السياحة بالفترة الأخيرة الأخوان اصحاب السنابات واللي يعتبرون انفسهم مشاهير السياحة في تركيا اتجهوا لعمل قروبات مع المتابعين لكن الأهم واللي يبحث عنه السائح السعر الأسعار في القروبات هذي تكون نار وجلد لأغلبهم مع اني شفت كم شخص يقدم رحلات جماعية وبأسعار مناسبة اللي خلاني اكتب الموضوع هذا احد من يدعي الشهرة بالسناب مسوي عرض للمتابعين الشخص يوصل لـ 7800 ريال وخاصه وحنا بفترة تعتبر ميته حالياً ليش الأستغلال هذا هل وصل الأستخفاف بالعقول لهذه الدرجة الشخص لما يبحث عن قروب سياحي يبحث بكل تأكيد عن السعر الماسب انا لو اطلع الحين رحلة لشخصين تذاكر وفنادق اربع نجوم وسياة خاصه ما وصلت لـ 5000 ريال فما بالكم لما يكون السعر لشخص واحد ؟؟؟؟؟؟ |
. . وعليكم والسلام ورحمة الله وبركاته ، يا صباح الورد والعسل ، وانا بعد راح ادخل في الرد مباشرة :) العروض موجودة من زمان من أيام التسويق الموجود في المنتديات سواء بكتابة موضوع عن فندق او قولوا لهم جاي عن طريقي وهكذا وفي النهاية يتفاجأ الواحد إنه الفندق عادي أو في منطقة بعيدة لكن تم تسويقه بشكل ممتاز للأسف وحاليا في السناب وغيره من وسائل التواصل الإجتماعي ، نفس الأمور اللي كانت في السابق الفكرة بإختصار شديد كالتالي : من هي الفئة المستهدفة : كل واحد ما يحب يتعب نفسه سواء بالبحث والتقصي والسؤال والقراءة أو ربما ما عنده القدرة على التخطيط والقراءة ويقول خليني أروح معاهم وأريح راسي. أسعار العروض : وهذي هي مربط الفرس ، وهذه المعلومات مؤكدة ، بغض النظر عن التكلفة ، البعض ياخذ فائدة من 350-500 ريال فقط على كل شخص لكنه يعتمد على الكثرة عشان يستفيد ( زي نظام نوكيا ) والبعض يستهدف طبقة معينة تدفع ( زي شغل آبل ) ولذلك ما يهمه العدد بقدر نوعية الناس اللي راح يجونه في حال تواجد وسيط ، بين المشهور والعميل ، تأكد ان السعر راح يزيد ، لإنه المكتب يبي حقه ( وبعضهم طماعين جدا ) والمعلن يبي حقه كذلك أختم بشيء بسيط جدا وهي النصيحة اللي ذكرناها سابقا وراح نكررها لاحقا بإذن الله ، القراءة والترتيب المسبق ، سواء هنا او هناك او من أي مصدر هي الأهم وهي برأيي تمثل أكثر من نصف المتعة وتصل إلى 3/4 الرحلة وصدقني مع الوقت ، راح تعرف الأسعار وتقدر تحكم بنفسك هل العروض جيدة أم لا ؟ هل الفندق مبالغ في سعره أم لا ؟ طولت عليكم لكن بحياتي كلها ما شفت مثل عروض الكويت مجنوووووونة وبلاااااش انا في أحد القروبات السياحية وفيه أخوان لنا من جميع الدول السياحية عروض تركيا من الكويت غير أحيانا الشخص ، طيران وسكن لمدة أسبوع بأقل من 1500 ريال !!! شكرا تحذيرك وبارك الله فيك |
. . على فكرة ، بعض العروض سواء من خطوط طيران أو مكاتب سياحية ، او حتى مشاهير البرامج مميزة ، ويتنافسون بينهم ولذلك لما تكون فاهم وتقرأ بشكل جيد وتكون عندك معلومات كافية عن المدينة او البلد راح تعرف أن هذا العرض مميز أو لا تخيل مثلا لما يجي واحد يقول لك طرازبون أسبوع لشخصين طيران وسكن من مدينتك ب 4000 ريال فقط والبعض يضيف مع العرض سيارة !! أنا شخصيا ، أقول لكل واحد سألني ، إسأل فقط عن الفندق وموقعه وتوكل على الله وهكذا ، وأختم الناس الآن تغيرت ، فيه تطور كبير جدا في مسائل البحث والإطلاع والقراءة المستهلك وانا وانت احدهم واعي بشكل كبير والحمد لله وراح يميز بين العرض الغالي والرخيص أما الكسول او اللي ما حاب يقرأ ويتعب نفسه او اللي معاه كاش وخير من رب العالمين فهم دوما وأبدا هدف السموقين والمعلنيين بوركتم وعذرا على الإطالة |
والله في عروض من عندنا في البحرين لتركيا ب 200 دينار 4 أيام ... و مرات السعر أقل شوي أو أكثر شوي وحرام اللي عنده يدفع 7800 يدفعها مع قروب ... شوية قراءة ما راح تاخذ منه وقت كثير بس بتوفر عليه مبالغ كبيرة دايماً احاول انبه اللي حولي عن الحجز عن طريق المكاتب او القروبات ما يضرك لو سألت عن الطيران و الفندق و شفت بنفسك الاسعار الفردية يمكن تكون أقل أصلا و اذا فعلاً ارخص و تناسب اللي تبيه من حيث راحة الطيران (عني ما احب الطيران الاقتصادي) و من حيث الفندق (موقعه و خدمته و التعليقات عنه في المواقع الموثوقة) إذن توكل أما ما تعرف شي و تروح على عماك .. و تقول إستغلال .. فأنت سمحت لهم بهالشي أعرف وحدة راحت تركيا في الصيف اللي راح مع قروب سعرهم مناسب و فندقهم و الطيران بعد بس الرحلات داخل اسطنبول كان ترتيبها سيء الاماكن المفتوحة بعز الظهر و الحر أو الوقت غير كافي فإضطرت آخر الايام تسوي برنامج لعائلتها و يروحون بروحهم و دفعت من جيبها لكل شي مرة ثانية و رجعت بتجربة سيئة جداً انا ممكن اجرب قروبات .. لكن من شركات عالمية .. و فقط اذا اعرف ان وقتي ضيق في مدينة و ابي ازور اهم المناطق فيها .. او اذا المكان دايما عليه زحمة و اعرف هالقروب عنده دايماً تذاكر و VIP بعد |
وعليكم السلام بالفعل كثرت العروض و بعضها غير منطقي من ناحية السعر قد يرجع هذا لأن سوق السفر والسياحة صار مسرح للجميع بعض معرفات السوشل ميديا ما زار البلد أو زارها لمرة واحدة فقط و صار يقدم عروض بشكل مستمر من باب زيادة الخير خيرين لكن هذا لا يعفي السائح من المسؤولية لتوفر المعلومة سواء هنا بالمنتدى او في وسائل التواصل و حقيقة الكل مايقصر مثل ما تفضل أبو ماجد الغالي تواجد الوسيط يرفع السعر لكنك أحيانا بحاجة له خاصة ان كانت رحلتك الاولى لهذا البلد ويتبقى عليك اختيار هذا الوسيط بعناية سواء كان شركة سياحية أو فرد الرحلات الجماعية مفهوم اقتصادي سبقنا عليه الشعوب الاخرى وخاصة الصينيين هذا ما يسوق له الكثير حالياً وهو مفهوم جديد علينا هدفه تخفيض التكلفة على الفرد لكني لاحظت أنه بدلاً عن التركيز على الوجهات والفعاليات والخدمات المقدمة أصبح التركيز على الأشخاص المرافقين بالرحلة وقد يكون هذا سبب ارتفاع أسعار العروض الله يسعدك يا فراهيدي |
لاتعليق اعتقد اللي بيسافر بدون بحث عن المعلومه وتنسيق سفرته المفروض لايناقش موضوعه لانه راضي بالسعر وهذى رزق العميان للمجانين أرسلت من SM-G925I بإستخدام تاباتلك |
ههههههههه الله يسعد الجميع وكاني ارى نكهة عاشق اسطنبول في الموضوع [emoji16] يا عزيزي الكريم سواء الكاتب او القاريء انت الان في عام 2017 وليس في حقبة الثمانينيات او التسعينيات !! يعني كل شيء ع المكشوف العرض اي كان مقدمه لا ينطوي الا على المستخدم عجبه دفع له لم يعجبه لم يدفع له المستخدم غير مجبور في الدفع والمعلن غير مرغم بالاقناع فشيء طبيعي سترى تفاوت في الاسعار اتكلم عن تجربة شخصية لي مع زوجتي قبل عامين قضيت 18 يوماً ما بين اقامة في 5 فنادق طرابزون اوزنغول ايدر طرابزون اسطنبول و 10 ايام استئجار سيارة خاصة وتذاكر دولية بحرين اسطنبول بحرين ( شخصين ) وتذاكر محلية اسطنبول طرابزون اسطنبول ( شخصين ) وفسحه تمشيات للاماكن السياحية ان لم تخونني الذاكرة فانا لم اتجاوز الـ 8 الاف اطلاقاً وفي نفس العام احد الاقارب ذهب فقط مدة اسبوع ودفع ويقسم لي على ذلك من غير التذاكر الدولية ما يقارب 15 الف ريال السر بسيط جداً وهو ما ذكره الاخ الغالي ماجد الفهد فيه اشخاص يقول لك اشتري سامسونج او اتش تي سي او هواوي او حتى نوكيا ولا اخذ لي ايفون بـ 3 الاف !! نفسها نفس الشاي حليب عند البوفيه 1 ريال وفي تلك الكافيهات يوصل 10 ريال هي رضا وقناعة اللي بيدفع !! تحياتي أرسلت بواسطة أوكسير بإستخدام Tapatalk سبحانك اللهم وبحمدك أستغفرك وأتوب إليك |
اقتباس:
هذا اللي اقوله من البحرين عندنا عروض خيالية و الفنادق ما تكون سيئة لكن اقتصادية المشكلة بس في الطيران الغالب على بيجاسوس او فلاي دبي و غيرها من شركات الطيران التجارية الواحد بس عليه يتعب شوي و يدور المشكلة مو في اللي يعرض المشكلة في اللي يدفع و يقط فلوسه في شي ما يسوى بدون ما يتعب نفسه و يبحث عن الاحسن (مو شرط الاوفر) و بعد ما يكتشف المطب اللي طاح فيه يقول استغلوني !! |
محد ضربهم على يدهم ولا لهم عذر القانون لا يحمي المغفلين هم اللي اختاروا يكونون صيد سهل لناس تدور رزقها على حساب ناس:22: طبعاً انا ضد الاستغلال بكل انواعه والعالم مفتوح والمنتديات ومحركات البحثتعج بالنصائح لكن الكسل والبحث عن الوفاهية مشكلة كلامك من حرقتك عليهم اكيد لكن هم راضيين خلهم |
طبعا يستخف بالناس أصلا لو يحترم متابعينه ما أعطي هالأسعار عزيزي أي شخص بالسناب أو غيره يمدح شركه دائما وتجاوز عيوبها أو الأنتقاد لها أسحب عليه الناس صارت بكل أسف تبيع ذمتها علشان تذكره أو سكن مجاني عن نفسي أثق بتويتر الشمال التركي أبومحمد سناب ماجلان تركيا |
| الساعة الآن 12:35 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO