|
هااااام يا حبايب بخصوص استئجار سيارة يا أصحاب الخبرة سلام عليكم ورحمة الله وبركاته .. في نية إن شاء الله أخطف رجلي لأسطنبول . بس لحد يبلغ عن الخطف . أرجوووووكم .:42: وهادي المرة قلت أبغى أجرب استأجر سيارة . عشان أسوقها بنفسي وأتنقل براحتي بعيدا عن غلبة المواصلات بشكل عام . وبحثت كتير عن الشركات وخاصة في موقع rentalcars . ومن خلال البحث برضو في فوقل طلعتلي شركة إسمها cizgi طبعا شركة منفردة لحالها ولاتخضع لأي وسيط . عندهم بصراحة سيارات جيدة وكمان أسعار مش بطالة .. سؤالي وهو الأهم في الموضوع كله هل أحد جرب هالشركة cizgi أو أي معلومة تفيد عن تعاملهم . لأني بحثت في النت ماحصلت أي تجارب من ناس أتعاملوا معاهم . أنا أتصلت عليهم وأتواصلت معاهم ولهم مكتب في المطار هل سبق أحد اتعامل معاهم ؟؟ أرجوا الإفادة وللجميع الشكر والتقدير |
حياك وبياك يالغالي ... تعليقي فقط ... بأن تعيد النظر بتجربة القيادة في اسطنبول ... الأمر الآخر .. إذا عزمت على التجربة نصيحتي لك بالشركات العالمية بدجت ،، آفيس ،، يوروكار ،، وغيرها ... حتى وإن زاد السعر قليلاً .. راحة البال أحياناً تستحق كل ليرة يندفع لها ... |
عليكم السلام خذ نصيحة استاذنا كتكات ابتعد عن ايجار السيارة في اسطنبول تراها غثا انت في غنى عنه فالرجال ما قال لك هذا الكلام من واقع خبرة اذا عزمة على ايجار السيارة فالافضل هي الشركات العالمية كما وضح استاذنا كتكات و اما الشركات المحلية كن حذر منها ولا تقع في خطأ وقع فيه الكثير قبلك وفي النهاية انوع الابتزاز على هذا الكلام ينطبق على الكثير من الشركات المحلية والقليل جداً منها محترم |
اكرر واقول ابتعد عن القياده في اسطنبول تجربة القياده ممتعه لكن في اسطنبول مرعبه اذا كنت بتروح بورصه او صبانجا انا اقولك لاتروح الا بسياره لماذا لاننصحك بالقياده في اسطنبول ؟؟ من الواضح انك رحت اسطنبول من قبل انت شفت الزحمه؟؟ زحمة لدرجة ان الحركه متوقفه او شبه متوقفه خصوصا مع ضيق الشوارع عند السلطان احمد وتقسيم وحتى شيشلي ماتفك الزحمه الا من الساعه 8:30 فالليل بقولك موقف صارلي ( ادري طولت عليك .. تحملني شوي ) قلت لراعي التاكسي ابغى اروح المطار الساعه 7 المغرب قالي متى رحلتك؟؟ قلت له الساعه 1 فالليل بس ابغى اروح بدري لاني ابغى اتمشى هناك جنب المطار فيه محلات (اقصد مطار صبيحه) قالي بجيك على الساعه 10 فالليل قلت له ليه؟؟ قال اذا طلعنا الساعه 7 المغرب بنوصل مطار صبيحه الساعه 11 فالليل واذا طلعنا الساعه 10 فالليل بنوصل الساعه 11 فالليل انت بتوصل على الساعه 11 في كلا الحالتين بس لانه الساعه 7 مابعد تفك الزحمه فبنتاخر وبيحسب عليك العداد اكثر وفعلا طلعت الساعه 9 تقريبا وكانت الزحمه قد خفت كثير ومشت الشوارع فيه شغله ثانيه ومهمه شوارع اسطنبول فيها مرتفعات تروع انا كنت ماخذ قير عادي بس عشان انزل الشنط في الفندق وبعدها برجع السياره لاني كنت جاي من صبانجا تخيل مع ذا الزحمه وكل سياره لاصقه في السياره اللي قدامها واللي وراها وعندك قير عادي وانت على شارع مرتفع ... يعني اذا تترك البريك بتصدم في اللي وراك ... يعني لازم تقوم السياره بسرعه ولاتخليه ترجع ولا سانتيمتر واحد ( الا اذا بتاخذ قير اوتوماتيك هذا شي ثاني) اسف على الاطاله بس المترو افضل خيار في اسطنبول |
السادة الأفاضل كتكات783 alradadi رائد بومريم بداية أشكر لكم هادا التفاعل . وليس بغريب عليكم فأنتم أهل الفضل بعد الله عز وجل . وما نزلت الموضوع إلا عشان آخد بنصائحكم ومقترحاتكم . بس حابب أوضح نقطة . سبب إختياري لإستئجار سيارة . لأني ناوي أسكن بعيد عن وسط البلد والزحمة . وتاني شي أبغى أروح بعض المناطق خارج إسطنبول . ونصائحكم على عيني وراسي . وبناءا عليه اتواصلت مع شركة rentalcars وسألتهم إيش أفضل شركة من الشركات اللي هما يتعاملوا معاها . قالوا الأفضل هي . garenta وسبب آخر تعرفوا إحنا قرنبعنا كتيييير . فوجود سيارة تحت اليد أفضل بدل ما تنسى شي في تاكسي ولا مترو .....الخ بالإضافة إلى إنك توقف وقت ما تبغى على الطرقات . والواحد يحاول قدر المستطاع يتحاشى أوقات الذروة وخاصة في إسطنبول . ولا سيما هيا رحلة إستجمام يعني ماني مرتبط بمواعيد ؟؟ وبكدا إن شاء الله أكون أحترمت رأيكم ومشاركتكم الجميلة ربي لايحرمنا أمثالكم .:18: |
garenta شركة محترمه وربما تكون هي افضل شركة محلية هناك لكن تضل خلف الشركات العالمية من حيث احترامها للعميل فيما لو حصلت لك مشكلة بالسيارة اتمنى لك التوفيق |
سيدي alradadi أشكر لك تعقيبك وتنبيهك . وسآخذ بالنصيحة . علما بأن سيارات avis خياراتها محدودة جدا ز ومعظمها بنزين .:23: |
|
فعلا الزحمة هناك غير طبيعية وشوراع ضيقة ومتفرعة والمشوار بتاخذ فيه مدة طويلة من الزحمة احنا اجرنا سيارة على اساس بنستلمها في الفندق اول مانوصل وجابوها لنا ودفعنا مبلغ يوم وما اخذناها بعد ماشفنا الوضع اول ماوصلنا ، افضل شي المواصلات العامة |
شركة تاجير السيارات بدجت الموقع داخل فندق بارك ديدمان ليفنت بجوار كانيون مول المطلوب الجواز والرخصة وبطاقة الفيزا التامين 300 ليرة ترجع بعد 24 ساعة تماما من تسليمك للسيارة التعامل وسياراتهم رائع جدا وسيارات جديدة وحديثة من واقع تجارب اخرها الاسبوع الماضي لاكثر من ثلاثة سنوات كلمة راقيين لا تكفيهم الاسعار من 150 الى 170ليرة السيارات المتوسطة تكفي لخمسة اشخاص بالراحة مكيفة اتوماتيك ديزل فقط احجز بدري لضمان التوافرافضل او روح لهم مباشرة كيفك وغالبا موجود ف غير موسم الصيف طبعا رؤية خاصة : السيارة مهمة لمن معاه عائلة ويرغب ف الذهاب لاطراف وضواحي اسطنبول او المدن القريبة كبورصة وسبانجا وغيرها شوارع اسطنبول مخدومة للغاية والله يرضى ع قوقل ماب واللوحات تكفي كثيرلانها واضحة ومرتبة وحتتعود عليها بعد مدة بسيطة ويازين الضياع ف اسطنبول ههههههه الزحمة نعم موجودة مثل جده والرياض تقريبا وتتغلب عليها بالخروج ف غير اوقات الدوام المعروفة طبعا اغلب المولات والحدائق والمطاعم توفر مواقف مجانية وهناك مواقف مدفوعة ف حدود عشرة وخمسة عشر ليرة لعدد معين من الساعات والخصوصية بالسيارة كما ذكرت جميلة بدل زحمة المترو والترام والباصات المزعجة للعائلة وما يصاحبها من قلق وسؤال عن المخارج والمداخل ووقت النزول والطلوع ومناسبة للشباب اكثر والله اعلم وهذه رؤية خاصة غير ملزمة لحدا وسلامتك |
اقتباس:
أنا زرت اسطنبول كتير .. ولكن للأسف كلها رحلات خطافية لا تتعدى يومين أو ثلاث أيام . فعشان كدا هالمرة قلت أخليها تسلية وعصفورين بحجر ونعيش التجربة . أشكر لك مداخلتك ونصيحتك ربي يسعدك ويوفقك :e030: |
اقتباس:
ياسيدي لو طفشان أقل مافيها تخرج تستكشف اسطنبول وشوارعها . ربي لايحرمنا وجودكم ةمداخلاتكم وتجاربكم . وإن شاء الله ربي يتمم السفرة على خير راح أوافيكم بالتجربة .. :e42e: دعواتكم |
اقتباس:
جزاك الله خير عالمعلومة ربي يسعدك ويوفقك .. لك جزيل الشكر والتقدير حبيبنا . واضح إننا متفقين في توجه الخصوصية كسيارة مستقلة . لكن سؤالي ليش في هالفندق .... مالهم مكتب في مطار اتاتورك ؟؟؟ |
اقتباس:
لا اتوقع مليون ف المية موجود مكاتب لهم ف المطار وغيره لكن اتعامل دائما شخصيا معاهم هنا لانه اسكن ف نفس الفندق غالبا او ويندهام جنبهم او الموفنبيك قريب يعني سكني غالبا ف منطقة ليفنت وهذا اقرب مكتب وارتاح لهم وسلامتك |
سلام عليكم ورحمة الله وبركاته . عدت والعود أحمد . كما وعدتكم ياحبايب راح أنقل لكم تجربتي مع السيارة والسواقة في اسطنبول . في البداية أشكر كل من ساهم في الموضوع برأيه وإفادته . ورغم حرصي على الأخذ بما أشار عليه البعض من شركات عالمية إلا أني لم أجد السيارة التي أرغبها من ضمن الخيارات . فكان التوجه لشركة قارنتا . إجراءات الاستلام كانت جيدة . أضفت تأمين شامل بحوالي 260 ريال . أخدو تأمين 500 ليرة تركية . السيارة ماشاء الله ممتازة وشبه جديدة . رينو ميقان . بدون قوقل ماب مستحيل كنت حسوق هناك ههههه بصراحة لو الله ثم قوقل ماكان اتحركت خطوة . بخصوص الزحمة بتكون في أوقات معينة وخاصة أو قات الذهاب للدوامات أو وقت العودة منها . أما غير كدا فالوضع طبيعي جدا جدا جدا . وخاصة في الليل أبو الروقان . المشكلة الأهم هي المواقف . لكن مع توفر مواقف بالفلوس كل شي ينحل . بس عاد تترك السيارة والمفاتيح . المهم تحرصوا على إنه ما يكون في شي مهم في السيارة . بصراحة عن نفسي استمتعت كتير بالتجربة . وخاصة في موضوع التدفئة طول الوقت مشغل الدفاية في السيارة . وما عليك إلا توصل المكان اللي تبغاه ةتنزل فشي طبيعي إنه فيه كمان دفايات . والسيارة ساعدتني في عدم التعرض للبرد كتير بصراحة . عشرة أيام عبيت ديزل تلات مرات . شامل اللفلفة في اسطنبول وبورصة وجبل اولوداغ . مرة عبيت ب 150 ليرة ومرة 180 وآخر مرة وأنا رايح أسلم السيارة عبيت ب 70 عشان أسلمها فل زي ما أستلمتها . إجراءات التلسيم ما أخدت مني ولا 5 دقايق . حتى ما شيكوا عالسيارة لأني سلمتها مغسلة نظيفة كما إستلمتها وأحسن . فقط شيكو على العداد . انا إيجاري كان مفتوح الكيلو متر . ودا عطاني حرية التنقل والصرمحة هههه عشرة أيام كانت تكلفة الإيجار حوالي 1050 ريال . مقارنة ببعض الدول أنا اشوفه جدا ممتاز كحجم ونوع السيارة ومفتوح الكيلو . بس يا حبايب هادي تجربتي بإختصار مع إستئجار سيارة في تركيا . وهي الحل الأمثل في حال إني حروح هالبلد في أي وقت لاحق إن شاء الله . حتى الفندق وفر لي موقف مجانا طول المدة . لم أتعرض لأي مضايقات أو تفتيش لجان أو مرور . ياغريب كن أديب وهادا مبدئي في السفر . وحدة مرة تم إيقافي في لجنة في الليل في ترابيا . وبمجرد قلت لهم سلام عليكم بلهجتنا المكاوية ؟ قالي ( تمام ) وأشار بيده إني أمشي . والحمد لله الأمور كانت سهالة . حتى لما تشتري أغراض أو شي تحطها في شنطة السيارة وإنت مطمئن . وأحب أنوه إلى تجربتي مع الكونكت اللي قريت عنو هنا في المنتدى وكانت تجربة أكتر من رااااااااااااااااائعة نت مفتوح ولا مشاكل الشرايح والشحن والصداع دا كلووووو تقدر تشبك عليه عشرة أجهزة جوال في آن واحد . معاك في السيارة في الفندق في أي مكان يدون انقطاع إشارة . والسرعة ممتازة .. افادني كتير بعد الله عز وجل في موضوع القوقل ماب :6: |
حمدلله علي السلامه شكرا لذكر تجربتك حقيقه متخوف من القياده في اسطنبول بارك الله فيك |
اقتباس:
الله يسلمك يارب . أنا كنت زيك متخوف كتير . ليس من الزحمة . لكن إني ما حعرف الطرق . بس الموضوع مع قوقل ماعندك أي مشكلة والتوجيه فيه بالعربي كأنك في السعودية . وبصراحة عندهم شبكة طرق رائعة . ونظيفة . وحتى سواقتهم محترمة |
أحب أضيف نقطة تانية مهمة . بخصوص المطاعم المشهورة والمعروفة وروادها كتير . مشكلتها إنها تقع في أماكن غير مسموح قدامها بالوقوف . إذا لم يتوفر موقف قريب بالفلوس توقف فيه ومعظمها المدة مفتوحة مقابل 20 ليرة . يعني اكتر من ساعتين أو تلاتة . فيقوم المطعم بتوفير شخص يتولى إيقاف السيارة عنك . ويعطيك رقم . وإنت خارج تسلمهم الرقم يجيبو لك السيارة لعند الباب . بعضهم ياخدو فلوس مقابل هادي الخدمة وبعضهم مجانا . بس حبيت أنوه لهادي النقطة . يعني الحمد لله الحلول متوفرة . |
شكرا اخوى لنقل تجربتك انا جربت القيادة في اسطنبول ومافىها اى مشكلة اهم شئ تعرف اوقات الذروة وتتجنبها اسكن بعيد عن قلب اسطنبول فى فندق يوفر مواقف مجانية والسيارة تنفعك كثير خصوصا فى رحلات صبانجا وبورصة ويلوا |
اقتباس:
ياسلام عليك يابطل فرحتني والله لانه الوضع طبيعي جدا وزحمتهم زي زحمتنا فليه الخوف والقلق والتخويف لانه سيارتك ف يدك اخر روقااان ف اسطنبول بالذات فرحني كلامك للغاية الله يسعدك وتجربتك مفيدة للكثيرين بارك الله فيك |
الحمد لله على السلامة يا الأستاذ... يا المكاوي يهوووه ياولد الغربية... انتم حقين الهبقات تعجبني والله بلا زحمة بلا بطيخ برافو عليك وكل الشكر لك مشاركتنا تجربتك بزينها وشينها على العلم ان ماكان فيه شي شين على حد قولك *** انا توني اشوف الموضوع... وجاي متحمس ابدلي بدلوي وقريت الردود من الاخوان... الي مؤيد والي معارض والي ينصح والي يقول شيل الفكرة من رأسك الجميع مشكورين والله يجزاهم خير بدون استثناء وكل معه حق في ما قاله وكنت بقولك توكل على الله واقدم وسق السيارة بنفسك ومن يوم تحرك وتدخل الشارع وثاني لفة ووضعك ok والرهبة رايحة والنفسية مرتاحة من هول ماتسمع عن القيادة في اسطنبول الا وتفاجأ بردك انك عدت... والعود احمد والله اني فرحت انك عزمت... وما ابي اقول غامرت لان في تصوري حنا الي قلبناها مغامرة والا بسيطة ماتستاهل حتى نص مغامرة صحيح ان اسطنبول مدينة كبيرة مترامية الاطراف وتعتبر القلب النابض للاقتصاد التركي بل اسطنبول المركز الاقتصادي الاهم في تركيا ووجهة الكثيرين من السياح... وبلا شك السياحة جزء لا يتجزأ من الاقتصاد وتعداد سكانها اكثر من 14 مليون و800 الف شخص في عام 2016م لكن هذا مايعني ان حنا ما نقدر نسوق في شوارعها حنا الي نصعب الامر رغم سهولته بحجة الزحمة الزحمة والله عندنا في الرياض وقروشة القيادة فيها انا مستعد اسوق في اسطنبول بالراحة باذن الله لكن في الرياض رغم اني من سكانها وغيري كثيرين نعاني من القيادة فيها ماهي بقصة زحمة وبس لا نفس الي يسوقون السيارات هم البلا فيهم كانهم خلية نحل او مثل افلام الكارتون او الرسوم المتحركة شباب الله يهديهم وسواقين ماقد ركبو سيارة اصلا كيف عاد بيسوقون وامور كثيرة... لكن المقصد مكسرين المجاديف والي يهدون عزيمة الواحد انا متأكد ان الي ماينصحون بالقيادة في اسطنبول كتجربة شخصية قليل جدا اما الباقين فقط ناظرو المشهد من خلال تجولهم مشيا أو في تاكسي او في مواصلات عامة وانهبلو من الزحمة والسيارات الكثيرة... هم الي هبلو بانفسهم والا الامر عادي بسألكم سؤال... بس جاوبو بصراحة هذا كلام اجتزيته من موضوع للاخ ابوعبدالله خبير بريطانيا توني طايح على الموضوع ويشكر عليه والله يجزاه خير بعنوان مغامرة في انهار بريطانيا... وهذا رابط الموضوع https://www.arabtrvl.com/vb/t16175.html السؤال هو تقدر تستاجر بوت كأنك مستاجر سيارة !! انت تسوقه !! انت قبطانه !! مسؤول عن تحريكه عن توقيفه تمشي اذا بغيت وتوقف اذا بغيت !! مسؤول تشيك الوقود حقه وتفحص موية الاديتر له !! انت اللي ترسوا به في المراسي !! احيانا يكون المرسى جذع شجرة !! تقفز من البوت وهو يمشي ومعك الحبل عشان تربطه تسحبه للجال !! يساعدك افراد عائلتك !! يرمون لك بالحبال الاخرى ...لا احد غريب معكم !! عادي تصدم به في المرسى !! او احد يصدمك ويضحك !! *** الي شاف الموضوع يجاوب على طبيعته ماهو بعد ما قرأ الموضوع وشاف الدعوى سهلات يقول عادي...! البعض بيقول القيادة في اسطنبول اهون من قيادة هالبوت لا وعيالي معي هههههههههه تصفحو موضوع ابوعبدالله وتعرفون ان القيادة في اسطنبول سهلة بالمرة *** حقيقة الحديث يطول في هذا الموضوع ويتشعب كثير لكن عموما في اسطنبول والا في غيرها... حنا الي نقدر نتحكم في قدرتنا على القيادة من عدمها آسف على الاطالة اخواني واخواتي بس حبيت اوضح وجهة نظري يمقن صح ويمقن خطاء وبايات |
ييب |
ذوينبنبن |
:e00a:غ |
ن:e03a::e12a: |
اقتباس:
العفو ياسيدي .. وطالما الشغلة والسفرية برمتها .. نقاهة . أعمل كل شي نفسي فيه وبما يتناسب مع مايوفر لي الراحة والطمأنينة . ربي يسعدك ويوفقك |
اقتباس:
الله يسلمك من كل شر ياسيد الناس . والله إني نقلت التجربة بكل أمانة وشفافية . عشان اللي متخوف من السواقة في اسطنبول . أقول له توكل على الله ولا تشيل هم أبدا . طالما السيارة كويسة ومعاك عم قوقل . فلا تحرم نفسك من المتعة . وفي نفس الوقت ترحم نفسك من شحططة المواصلات وخاصة أيام البرد . أشكر لك تعقيبك ربي يسعدك ويوفقك |
اقتباس:
الله يسلمك من كل شر حبيبنا .. وكلامك عين العقل . لا بد من التجربة . حتى نزيل الرهبة المترسخة في الأذهان . والحمد لله كانت تجربة ناجحة وموفقة ولله الحمد .بدون أي منغصات . من الحاجات اللي شلت همها تقريبا عند زيارتي لبرج قالاتا . ومعظمكم عارفين موقعه والأزقة الضيقة المجاورة له . وأنا رايح شايل هم الموقف وفين حوقف . ما كنت أتوقع إني حلاقي موقف ب 20 ليرة جنب البرج . وقفت السيارة ومشيت برجلي دقيقتين ويمكن أقل والله؟ وقيسوا على ذلك معظم المواقع .؟ أشكر لك مداخلتك وروحك الحلوة . ربي يسعدك ويوفقك ويحفظك . |
انا لي تجربه القيادة في اسطنبول ولكن قديمة بمعنى قبل ما استخدم قوقل ماب لو كنت مع سايق كان شرح لي المناطق وفهمني على اشياء كثيره وتجربتي ان اتبع اجهاز الملاحة القارمن تبهدلت معاه الحصول على مواقف للسيارة كان اصعب شي في اسطنبول في السوق المصري وفي سلطان احمد وتقسيم و وكورنيش مضيق البسفور و اذا حصلت في الكورنيش يجيلك المحصل ويحسب عليك بساعة مبلغ كبير ما اذكر اذكر اني كتبت في موضوع عنه وفي اماسيا يوم كامل 5 ليرة خارج اسطنبول اذا كنت تريد تاخذ معاك سيارة وانت الي تسوق والله لها مميزات اكثر من المشاكل بكثير الخصوصية وين ماتريد ولكن كما ذكر الاخوان الزحمة واتباع القوانين انا تعرضت الى سحب السيارة بالبركدون وبلطف الله اني لحقت عليهم وشفتهم كان لا اعرف رقم السيارة ولا من الي خذها اصلا قدر ولطف نصيحة لو تبي تاخذ سيارة لاتاخذها طول تواجدك في اسطنبول مثلا لو بتقعد في اسطنبول اسبوع تاخذها في خامس يوم وقت الي تبي تطلع صبيحة مثلا او بورصة او اي مكان خارج اسطنبول يعني تخلي وقت الاستلام من الفندق وقت خروجكم مش شرط من اول ما توصل اسطنبول |
اقتباس:
منور حبيبنا ماجد القطري . من النقاط الهامة هو تصوير السيارة قبل إستلامها من جميع الجهات. وبالتالي من الطبيعي تصوير لوحة السيارة . والإحتفاظ بذلك في الجوال . للرجوع إليها في حال لاسمح الله تم سحبها أو سرقتها أو أي ظرف طاريء أضف إلى ذلك أثناء تسجيلك في الفندق يتم تسجيل لوحة السيارة . في حال تم فقد الجوال . أو تسجيل رقم اللوحة في ورقة خارجية وحفظها في مقر السكن . من خلال تجربتي وكما ذكرت في تعليقاتي لم أواجه مشاكل ولله الحمد سوى شح المواقف وخاصة في وسط البلد . مع وجود مواقف بالفلوس كحل مناسب من وجهة نظري . ربما يختلف الوضع في فصل الصيف والاجازات الكبيرة . الله أعلم . أنا تجربتي كانت في شهر يناير . أشكرك على مداخلتك . وربي يوفق الجميع . ونتمنى لنا ولهم رحلات ممتعة |
| الساعة الآن 02:16 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO