|
تركيا او اوروبا تجديد شهر العسل اقتراحكم السلام عليكم كيفكم ي اهل الخير :e20c: سبقت واستشرتكم ف شهر العسل لماليزيا وماخيبتو ضني وكان جدول رائع الحمدلله:3: والتقرير كتبته مرتين وانمسح وقلت خيره ان شاء الله :( ف باذن الله مسافرين انا وزوجي لتركيا من 1 29 ل 11 مايو يومين ذهاب واياب يعني تكون 13 يوم ومحتارين صراحه بين تركيا وبين اوروبا بعلماً بان الميزانيه ف حدود 15 الف فالقلب ميال لتركيا صراحه بس قلت استشيركم واشوف رايكم ي اهل الخبره :e04a: بالنسبه لتركيا حابه تكون التنقلات بين المدن مو كثيره ف اكتفيت ب 3 مدن القرى او المدن التنقلات تكون قريبه حولها يعني مو بعيده اولا اسطنبول ورشوحلي افضل منطقه اسكن فيها وتكون امان وقريبه من كل شي من خلال قرايتي الاغلب مامدح تقسيم !! فنبعد عنها ثانيا الشمال التركي نستقر فزونجول لاني ابغا طبييعه والشلالات :e307::e331: لقيت فندق او كوخ ماني عارفه ايش بالضبط المهم اسمه يديغولير اوتيل وي ريستوران فبوكينق عجبني اطلالته ومكانه وحسيته فعلا اني فمنطقه ريفيه بس عيبه انه بعيد وقريت فالتعليقات ان طريقه وعر ومنعزل جدا فرشحولي فنادق او اكواخ ثانيه زيه :e122: واخيرا انطاليا وابغا رايكم نروح لها او اشيلها من الخطه ونحط بديل لها؟؟ و احترت ف تقسيم الايام بينها يعني كم يوم فكل مدينه ؟ وكمان حبايبي ترشحولي المطاعم الحلوه والمقاهي والاماكن السياحيه الي تستحق فعلاً الزياره لان ماابغا نضيع اليوم ع الفاضي قريت تقارير كثيره ودخت صراحه :e445: وكمان اهم شي الاماكن الترفيهيه زي الحدايق والبرشوت والرحلات البحريه والصيد وين تتواجد؟؟؟ واذا فيه شي مميز ثاني �� وبالنسبه لتنقلاات قريت من التقارير ف الشمال استئجار سياره من الموقع ذا بس ايت شركه Cheap Car Rentals, Best Prices Guaranteed! - Rentalcars.com واسطنبول الاماكن القريبه سيراً على الاقدام او بالمترو كذا تمام ولا ؟ اسفه طولت عليكم واثقه انكم راح تجاوبوني على كل تساؤلاتي :3: :3: |
ماشاء الله وضعكم مثلنا بالضبط .. شهر العسل كان ف ماليزيا والحين نبي نسافر ومحتارين بين اوروبا وتركيا و رسينا ع تركيا ف نص ابريل :17: بالنسبه لرحلتكم اذا اهي ١٢ يوم ف من وجهة نظري استغني عن انطاليا عشان تعطو كل مكان حقه .. اما عن تقسيم ع حسب كل شخص وميوله اذا انتي تحبي المدن اللي فيها حركه وجذي راح تحبيها والامان بأذن الله موجود لكن الواحد يكون حذر مع الكل ويتحصن .. رحله موفقه ان شاء الله وبأنتظار الخبراء يردون للاستفادة :e030: |
وعليكم السلام بما إن الميزانية 12 الف، أرشح تركيا ممكن تخليها مبيت ليلة الوصول في اسطنبول اليوم الثاني الانطلاق للشمال التركي لمدة خمس ليالي ثم العودة لاسطنبول |
وعليكم السلام بما إن الميزانية 12 الف، أرشح تركيا ممكن تخليها مبيت ليلة الوصول في اسطنبول اليوم الثاني الانطلاق للشمال التركي لمدة خمس ليالي ثم العودة لاسطنبول |
10 أيام تعتبر قليلة ل 3 مدن وبما ان الرحلة ببداية أبريل فالأفضل تخلوهة بين إسطنبول و انطاليا. الفعاليات البحرية متوفرة وبكثرة بانطاليا حسب رغبتكم. السكن باسطنبول سيركجي والسلطان أحمد ملائمة للسكن. بالنسبة لفندق يدي كولار بالفعل هو بمنطقة معزولة تقريبا فوق اوزونجول. |
اقتباس:
والله اهم شي المنطقه الي نسكن فيها ف سنطنبول تكون قريبه من كل شي مولات مطاعم كوفيهات بحر كلش كلش ابغا اعيش الجو الاسطنبولي 🌚 |
اقتباس:
ابغا اخلي اسنطبول اخر الايام 4 وقلت انطاليا كمان 4 والشمال التركي حسب ماقريت انه يكفي 4 ايام وبجلس ف ازنجول لان ابغاها استرخاء ولا ايش رايكم ؟ |
تقسيم ما انصحك فيها كاسكن خليك بسيركجي او سلطان احمد |
اقتباس:
بس ع حسب ترتيب الرحله والايام الي فكل مدينه والشمال التركي مانبغا نكنسله لانه حابيين اجواءه الريفيه وكذا وايش افضل اول مانوصل تركيا نروح ع الشمال التركي ع طول وبعدها انطاليا وسطنبول؟ او انطاليا ، الشمال ، اسطنبول؟ فماادري اذا كذا التقسيم تمام ولالا ؟؟؟ |
اقتباس:
يعطيكم العافيه لكل الي ردو |
ب انتظار خبراء تركيا:e327::e303: |
[emoji16] تمشون على خطتنا هههههه اولاً ماليزيا 2013 ثم تركيا 2015 عن نفسي استسلمت صراحة لانو المنتدى مليان تقارير وجداول وكل شيء بس حبيت اقول دام الميزانية بحدود 12 الف اجل خلوها تركيا واهتموا لأهم الامور تحياتي أرسلت بواسطة iPhone بإستخدام Tapatalk |
اهلين وسهلين فيك وحياك الله معانا المره هذه بعد ما ترجع لازم تقرير تعوضنا عن تقرير ماليزيا 12 او 13 يوم بين اسطنبول والشمال التركي ممتازه للغاية بالنسبة للتقسيم اقترح عليك تحدد الاماكن اللي تبي تزورها بأسطنبول اونا اشوف ان اسطبنول من فيها اماكن كثيره مميزه ممكن تحط لها 5 - 6 ايام السكن افضل منطقة سيركجي ادخل بوكنق واكتب فنادق سيركجي وشوف الفنادق وبنرشح لك افضلها بس تعتمد على ميزانيتك للفنادق بالنسبة للشمال التركي لالالالالالالا لالالالالا تحجر سياره ولا فندق الأ بعد ما توصل راح تحصل السياره اللي تبيها وتتشرط عليها تكون وكاله بعد وبسعر لا يتجاوز 70 -- 80 ليره والفنادق كذلك اذا وصلت احجز الوقت غير موسم وتشوف الفندق بنفسك وتختار اللي يناسبك والسعر لآفضل مكان ما يتجاوز 90 - 100 ليره وقتكم ممتاز وانتم تتحكمون بالأسعار الأماكن المميزه بالشمال كثيره جداً اطلع على كم تقرير وشوف الأماكن اللي حاب تزورها معاك وقت كافي لتحدد وجهاتكـ |
اذا انت تبي من الشمال التركي بس اوزنجول شرايك لو يومين او ثلاثة تروح فيها بولو ابانت و بحيرة غولجك و تستغني عن الشمال التركي اقرب لك و منها تمر على سبانجا و الاماكن القريبة منها معشوقية و كارتبة .. و على بحيرة ابانت و في الطريق لها الكثير من المنتجعات و الاكواخ الجميلة و في اسطنبول الكل يمدح السكن في سيركجي منطقة السلطان احمد .. أماكن وقريبة من الأماكن الحيوية الله يحفظكم |
صباح الخير انصحك بتركيا اذا ميزانيتكم 12000 وانصحك السكن بسلطان احمد لتوفير المواصلات واستخدمي الترام والمترو وفندق أيا صوفيا المدينة القديمة انصحك فيه جميل جدا طبعا اكثر مكانين انصحك تزورينهم من بعد المتاحف والبازار هم مصنع الشوكولا وجزيرة الأميرات أرسلت بواسطة iPhone بإستخدام Tapatalk |
الله يسعدكم ماقصرتم وكلامكم ف عين الاعتبار ولنا عوده ان شاء الله بعد الاستشاره ع اوروبا اذا ماناسب الوضع نرجع لتركيا الحبيبه ���� علماً بان الايام والتواريخ تغيرت وراح تكون السفره يوم 29 ابريل ل 11 مايو يعني 13 يوم �� |
:e219: تـــم تعديــــل الموضوع :e219: |
الخطوط الفرنسيه مسويه عرض تقريبا التذاكر بحدود 1650 ريال اذا انتم برأسكم أوربا https://www.airfrance.sa/SA/en/local...res/OHLALA.htm لكن أِشوف تركيا أفضل علشان الميزانيه ورأي بوصلوح أميل له صراحه اذا الشمال الحجز علي النظر أفضل لك من سعر بوكينق بكثير |
اقتباس:
شفناها افضل فالسعر والسكن وكل شي لان اوروبا يبغالها ميزانيه كبيره وبالنسبه لتذاكرها تقريبا تكلف تقريبا 2500 لو فيه عروض او بكجات ياليت تقولولي عليها:e304: طيب الفنادق افضل اسكن ف طرابزون نفسها ولا زونجول؟؟ وايش الفنادق الحلوه هناك عشان يصير اروحلها دايركت ابغاها نظام اكواخ |
فيه واحد مسوي بكج سياره وسكن لمده أسبوع شقه فيه طرابزون والعرض اعتقد ينتهي اليوم او بكره بسعر الف وثلاثمائة لكن الأكواخ في أزنقول وأيدت وحيدر نبي ما عندي خبره يمكن الشباب اعلم مني بحيدر نبي بالعيد سألته قالي وكذلك بإيدر قالي نفس السعر لكن اسماء ما اعرف |
هلابك اختي... تسافرون وترجعون بالسلامة *** الشباب ماقصرو يعطيهم العافية من وجهة نظري وحسب ميزانيتكم خلوها 10 ايام في الشمال والثلاث ايام الاخيرة اسطنبول لان في الشمال ماراح تصرفون كثير... بعكس اسطنبول وعلى اساس بعد انكم تفضلون الاكواخ والطبيعة لان الشمال بصراحة اقل من 10 ايام غير كافية من ناحية السكن والسيارة مثل ماقال خبيرنا التركي الفراهيدي اول شي استاجرو السيارة... وعلى اقل من مهلكم دورو لكم سكن على عينكم عدوها تمشية ماشيٍ طاير كل شي موجود في مكانه واختارو الي يناسبكم وكاسرو في السعر *** بالنسبة التقسيم... لا تسكنو فيها نصيحة محب خلوها تمشية في الساحة وفي شارع الاستقلال وعندكم خيارات كثيرة مطاعم مقاهي تسوق فرجة اقضو وقت ممتع وحي على الفلاح انصحكم تسكنون في السلطان احمد واذا تبون الرومانسية بما ان سفريتكم تجديد شهر عسل روحو المنطقة كادي كوي وخصوصا حي مودا هادي ورائع وكله مطاعم ومقاهي واجواء خيالية مقابل ميناء كادي كوي طريقة الذهاب له اركبو العبارة من ميناء امينينو الى ميناء كادي كوي واذا نزلتو من العبارة امشو مع الناس بالتجاه الشارع الرئيسي نفس الشارع هذا والشوارع الفرعية الي عليه لا تعدونها تمشو واروحو جهة اليمين وجهة البحر وافترو في المنطقة لين تلقون لكم مكان يناسبكم اقضو فيه وقت ممتع من واقع تجربة واذا تبون تروحون هناك عطيني خبر هنا في موضوعك اعطيك التفاصيل بالملي لاني احس اني توهتك من كثر الكلام هههههههه وبالتوفيق ان شاء الله |
بالتوفيق |
السلام عليكم كيف الحال؟ سبحان الله تأخرت السفره لوقت كنت اتمناه وهو الربيع فشهر مايو حجزت فالفنادق هذي ان شاء الله انها تكون كويسه اسطنبول اسبوع تقريا حجزت ففندقين فندق دوسو دوسي شفت عليه مدح كثير وصراحه عجبني ونظيف وموقعه حلو فندق جهة مطار صبيحه ع البحر دوبل تري الشمال ححزت من بوكينق خفت اروح هناك ويكون زحمه وماالاقي شي حلو طرابزون نوفوتيل يوم 3 ايام و ليله ففندق يلدز ازونجول فندق ماي هوم باين نظظظيف وحلو حتى موقعه حلو الان بسالكم ايش فيه مدن قريبه من اسطنبول اقدر اروحها بس بدون مبيت يعني اقعد فيها يوم كاامل وتستاهل الزياره ؟؟ وكمان ونفس الشي فالشمال مدن قريبه من طربزون |
اذا كان فندق دبل تري هيلتون اسطنبول مودا الي في حي مودا منطقة كادي كوي من افضل المناطق والي هذي صورته https://edge.media.datahc.com/HI402332352.jpg اختيار موفق ماودكم تطلعون منه خصوصا الغرف الي اطلالتها على البحر والي تجي في الزاوية مناظر خلابة وساحرة اتمنى لكم اقامة سعيدة فيه *** تقدرون تطلعون بورصا او سبانجا والي حولهم وترجعون في نفس اليوم |
اقتباس:
مشكور ماقصرت يعطيك العافيه بسال بس هل لو استخدم تطبيق اي تاكسي افضل من الترام؟ لانه احس لخبطه ومحطات وكذا وكمان الجو كيف يكون لسا بارد ؟ وموسم امطار ولالا ؟ السياره ماحجزنا لسا بس عمر زوجي 26 ومكتوب انه من 30 وفوق هل يسببلنا مشكله او شي؟؟ صراحه خايفه ينصبون علينا ولا شي عشاننا صغار سواء هم او غيرهم:e442: :10: لو فيه نصابح ياليت تزودونا فيها :63: |
اقتباس:
منطقة الفندق دبل تري الي في مودا كادي كوي من اروع المناطق مثل ماقلت لك في رد سابق وبتعيشون الاجواء التركية ماهو الاسطنبولية وبس وكل ماتحتاجونه موجود قريب عندكم وعلى رجليكم اول ماتطلعون من بوابة الفندق من الشارع اخذو يمين على طول وامشو على الرصيف بمحاذات الشارع وعلى طول الشارع بتواجهون محلات كثيرة مطاعم وكافيهات وسوبرماركات التمشية فيها متعة وفيه مقابل الفندق مقطاع الشارع حديقة جميلة التمشية فيها روعة يعني الفندق الي انتم فيه حوله حواليه وعلى رجليكم مايحتاج مواصلات فقط انطلقو واستمتعو *** اذا بغيتو تروحون للجزء الاوربي لا تاخذون تاكسي ولا اي وسيلة ثانية من نفس الشارع الي قلت لكم اخذو يمين معه وانتم طالعين من الفندق ميناء كادي كوي في الجهة المقابلة بتشوفون الناس زحمة نازلين او طالعين في العبارة تلقون اكشاك يبيعون تذاكر للعبارة الشخص 3 ليرات للمرة الواحدة اركبو فيها وانزلو في ميناء امينونو ومنه الى السلطان احمد قريب منكم والبازار الكبير *** غريبة السن 30 سنة عند استاجار سيارة المعروف اعتقد 21 سنة الحد الادنى *** الله يوفقكم وييسر اموركم |
اقتباس:
وافدتني كثير بخصوص الحزء الاوروبي الله يعطيك العافيه بحثت عن شركه ثانيه لتأجير السيارات ولقيت هرتز وعالميه معروفه تواصلنا معاهم وصراحه متعاونين وقالولنا الدفع عند الاستلام فالمطار ويسمونه حجز مجاني واقدر الغيه كمان السياره فورد سيتا توماتيك ديزل 4 ابواب وشنطتين كبيره قالنا السعر 7 ايام من 29 ابريل ل 5 مايو ب 789 ريال عداد مفتوح وضرايب ومدفوعه وتأمينات جزئيه والعهده 500 ريال حسيته سعره مناسب بالنسبه للمواقع الثانيه ولا شرايك ؟؟؟ وبالنسبه لاسنطبول لو بغيت اروح بورصه اقدر استخدم بي تاكسي؟ ولا افضل اخذ سياره مع سواق؟ |
عداد مفتوح وضرايب ومدفوعه وتأمينات جزئيه والعهده 500 ريال حسيته سعره مناسب بالنسبه للمواقع الثانيه ولا شرايك ؟؟؟ ******* السعر مناسب جداً ----------------- وبالنسبه لاسنطبول لو بغيت اروح بورصه اقدر استخدم بي تاكسي؟ ولا افضل اخذ سياره مع سواق؟ *** طالما شخصين افضل لكم قروب من الفندق للفندق |
اقتباس:
سعر مناسب جدا *** ومثل ماقال خبيرنا التركي الفراهيدي مع قروب افضل لكم |
اقتباس:
فيه سياره من فئه اخرى وتكون اغلى 900 ريال وواوفقنا لانه يقول موسم والسيارات تخلص بسرعه والله اعلم .. بالنسبه للقروب كيف الطريقه ومن وين وكم يكون؟؟ وشاكره لكم جداً على تعاونكم معايا |
اقتباس:
نصاب هذا لو تقدر تلغي الحجز افضل لك السيارات في هذا الوقت كثيره وتحصل بسعر ارخص بكثير بالنسبة للقروبات تواصل مع الشركة المعلنه بالمنتدى مضمونه ومعروفه او تحصل مكاتب لشركات ثانيه وتحجز منهم مباشرة |
طالما تم الحجز على اي اساس يتم الاخلال به !!!! خوش والله خوش انا اقول اذا الغاء مجاني خلوه يولي وجربوا غارينتا بضمانات الخبير ( ماجد الفهد ) الامر الاخر ترا السنة هذي وخصوصا هالشهر هذا ابريل فيه اقبال شديد من السياح للمعلومية فقط تحياتي أرسلت بواسطة iPhone بإستخدام Tapatalk |
اقتباس:
بالمناسبة السيارة في طرابزون او اسطنبول اللي تم ذكرها ؟ تحياتي أرسلت بواسطة iPhone بإستخدام Tapatalk |
اقتباس:
ايوه الغاء مجاني بالنسبه للقروبات بشوف ببحث عنها |
اقتباس:
وجنبنا فيه فرع لبدجت شرايكم فيها الشركه ذي لو حجزنا من عندهم؟؟؟ .. اما بالمسبه للموسم راح نكون فتركيا يوم 29 الى 12 مايو كيف الوضع حيكون |
اقتباس:
شركة عالمية ومعروفه ماعليها كلام وتعاملي معهم شخصيا لم ارى اي ملاحظات ادخلوا عن طريق الموقع الرسمي لهم وتشوفون الاسعار والسيارات والمواصفات بنظري الموسم شوي شوي يبدا في الشمال كون الربيع اتى مبكراً وفيه حركة لامستها انا الفترة الاخيرة وبشكل معتاد شهر مايو يكون انطلاق الموسم الربيعي في الشمال تحياتي أرسلت بواسطة iPhone بإستخدام Tapatalk |
اقتباس:
تفضلي بزيارة موضوع الصديق / ماجد الفهد https://www.arabtrvl.com/vb/t7447.html#post116231 تحياتي أرسلت بواسطة iPhone بإستخدام Tapatalk |
اقتباس:
الافضل بدخل ع الموقع نفسه الاصلي افضل من الوسيط ومشكور ماقصرت انت والاخوان يعطيكم العافيه |
اقتباس:
عفوا المقصود : https://www.garenta.com.tr/en/ تحياتي أرسلت بواسطة iPhone بإستخدام Tapatalk |
| الساعة الآن 02:15 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO