|
من طرابزون الى ايدر السلام عليكم احتاج مساعدتكم في ترتيب جدول في طرابزون ماهي الاماكن اللي ممكن ازورها وانا في طريقي من طرابزون الى ايدر وكم اسعار الغرف الكبيريتيه العائليه في ايدر وش نصائحكم كيفية الوصول اليها لان بيكون معاي سياره |
ابشر اخوي صالح لي رجعة مشغول الان والاخوان ماراح يقصرون |
اهلا بك بحاول أجاوبك على بعض النقاط اللي أعرفها في طرابزون هذا ترتيب مقترح يوم أول : مغارة شال + حيدر نبي يوم ثاني : منطقة سوميلا + قرية هامسكوي يوم ثالث : مطل بوزتبه + الكافيهات فوق بحيرة سيراقول + متحف اتاتورك + منطقة ميدان الأماكن اللي ممكن تزورها في طريقك من طرابزون لآيدر اوزنجول وتحتاج يومين إلى ثلاثة منطقة ريزا وتقع ما بين اوزنجول وآيدر وقبل الوصول لآيدر تجد على يسارك فعاليات ترفيهية مثل لعبة الزبلاين والتجديف النهري وإذا أيامك ما تسمح بهذه التغطية تقدر تتجاهل بعض الأماكن حسب ميولك بالتوفيق |
دام معك سيارة عب التانكي وانطلق عندك اماكن كثيرة الطريق لوحده متعة ريزا أوف اوزنجول ايدر ارتفن السلطان مراد حيدر نبي متشكا هامسيكوي اوردو غيرسون سامسون بارتشبه وكل مكان تلقى فيه فعاليات او اماكن جميله انتبه فقط بالمرتفعات زي السلطان وحيدر يمكن الصقيع يحول دونك ودون التحكم بالطريق وتاكد ان عجلات المركبة ثلجية لا تروح فيها تهوي من فوق الطريق ومحد درى عنك انتبه تحياتي أرسلت بواسطة iPhone بإستخدام Tapatalk |
عند خروجك من طرابزون باتجاه ايدر يكون البحر على يسارك و الجبال على يمينك على امتداد الطريق تجيك مدينة اوف و هي المفرق لمرتفعات سلطان مراد و اوزنجول ثم مدينة ريزا .. جميلة فيها قلاع و منتجعات و سوق شعبي و كورنيش وتشتهر بمزارع الشاي و معظم الشاي في تركيا يأتي منها ثم إلى Ardeşen وهي المفرق لأيدر من هنا تبدا المتعة الطريق جميل جدا الجسور العثمانية و النهر السريع و التجديف و الفعاليات ثم تصل لمحمية ايدر فيها مطاعم و الشلال و التلة الي يصورونها الناس |
السلام عليكم وعليكم السلام ورحمة الله و بركاته احتاج مساعدتكم في ترتيب جدول في طرابزون ماهي الاماكن اللي ممكن ازورها وانا في طريقي من طرابزون الى ايدر من طربزون الى ايدر ممكن تزور ريزا وانهارها وبعض المطاعم و الاستراحات اذا كنت تقصد بنفس المشوار و اليوم اما ماهي المناطق القريبه على نفس الطريق بطبع هي اوزنجول ولكنها تحتاج يوم للزيارة و الاستكشاف وكم اسعار الغرف الكبيريتيه العائليه في ايدر وش نصائحكم كيفية الوصول اليها لان بيكون معاي سياره الطريق جدا سهل و اللوحات واضحة ولكن لوحة ايدر لايوجد لوحة الا ان تكون قريب من ايدر للاسف ولكن طريقها سهل هو الطريق الساحلي البحر يسارك و الجبل يمينك المسافة ساعة ونص تقريبا ثم تجد لالافته كبيره الى ايدر لو كانت سفرتك بصيف انصحك بما قالوا في بعض الردود بخصوص حيدر نبي برغم من انها بالاتجاه المعاكس لو كانت سفرتك الحين او في ابريل لانصح بذهاب الى حيدر نبي بالمره |
ماقصرو الاخوان بيض الله وجيهم... ويجزاهم خير وفي ميزان حسناتهم باذن الله ماخلو شي ماشاء الله عليهم *** فيه مطعم في ريزا اسمه... ايسكت اوغلو موقعه رائع وعنده شلالات واطلالات خيالية وموزعين بعض الطاولات في الهواء الطلق يعني الجلسة فيه سواء فطور او غداء ترد الروح على قولتهم *** وللافادة المسافة من طرابزون الى اوف 54 كم تقريبا ومن طرابزون الى ريزا 87 كم تقريبا ومن طرابزون الى آيدر 171 كم تقريبا ومن اوف الى ريزا 33 كم تقريبا ومن ريزا الى آيدر 84 كم تقريبا *** الطريق ممتع للغاية ماودك انك تاصل من غير شر وبالتوفيق ان شاء الله |
اهم شي تلف لفه ع كل مكان كتبوه الاخوان ف قوقل عشان الي يعجبك تحط له الاولويه لزيارته وخصوصا اذا ماعندك وقت وايام قليلهً بس برد مرا الشمال ف ذا الوقت مراح تشوف اللون الاخضر �� رحله مممتعه ان شاء آللَّـَـہ |
بالطريق من طرابزون لايدر تمر بمدينة ريزا فيها اسواق جميلة وفيها حديقة البوتانيكال جاردن بوسط المدينة على مرتفع . وتشوف بطريق ايدر الجسور العثمانية الكثيرة وقلعة زيل. الحمامات الكبريتية اول ما تدخل ايدر تكون عاليمين. |
ما قصروا الخبراء اذا بنفس اليوم التجديف الحبال المعلقه ثم الجسور العثمانيه اذا أردت أيضا قلعه زل كالي وكذلك شلال بالوفيت والغداء في مطاعم القريبه من الشلال في قرية شاميلجا الغرف العائليه مو غاليه سعرها جدا بسيط 50 ليره |
| الساعة الآن 04:28 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO