|
جورجيا و تركيا السلام عليكم ابغى استفسر هل فيه مدن في تركيا جمب جورجيا تستحق الزياره ؟ و هل جورجيا تستحق الزياده و تعتبر من المدن الرخيصه ام لا و ماهو موسم السياحه في تركيا و جورجيا يعني بعد رمضان كيف الوضع يكون؟ و هل تركيا و جورجيا بلدان غالية او لا ؟ لتكلفة 10-15 الالف ريال لمده اسبوع |
ياهلا 10 الاف ومدة اسبوع روح والقلب داعي لك على مسؤوليتي تركيا مجملاً التكلفة المعيشية مو غالية اما خيارات السكن حسب ذائقتك وكل شيء بحسابه جورجيا لا اعلم عنها شيء تحياتي أرسلت بواسطة iPhone بإستخدام Tapatalk |
هل مناسب للوالدين اعمارهم بال٤٠؟ الرحلة لهم فأبغى شي يناسبهم و بنفس الوقت اقدر اتحمل تكاليفها |
طرابزون ومابعدها كلهم في الشمال الشرقي لتركيا بالقرب من جورجيا .. لكن كيفية دخول جورجيا لا اعلم سمعت بان هناك باصات سياحية تنقلك وسمعت انك توقف على الحدود وتدخل جورجيا مشي ثم تاخذ باصات من هناك اعتقد الطبيعة مشابهه للشمال التركي بالاضافة ان تركيا مسلمين يعني الاكل الحلال والمساجد ومايستنكرون الحجاب .. و من بعد طرابزون ريزا و ارتفين وشافشات .. و الله يحفظ الوالدين اعمارهم بالا٤٠ مب كبار كثير اعتقد تناسبهم لكن حط في الاعتبار ان الشمال التركي اكثره ارياف وحياة بسيطة ليست مدن متطوره واماكن فخمة لكن ارياف جميلة ومخدومه .. ووقتك بعد رمضان اعتقد يكون ٦ ميلادي .. الجو جميل يميل للبرودة ، قد تشاهد بقايا الثلوج في الجبال بالتوفيق |
باتومي تبعد عن طرابزون 200 كم فيه باصات توصل الى الحدود وايضاً سائقين خاصين ويمكن ايضاً استأجر سيارة وقيادتها بنفسك وايقافها عند الحدود هناك يوجد مواقف خاصة عليها حماية اعتقد ان اليوم 20 ليرة ثم الذهاب مشي الى مركز الجوازات وتختم خروج من تركيا وعلى بعد حوالي 100 م الجوازات الجورجيه بعد الجوازات مباشرة تحصل كثير من السائقين في انتظار الزبائن للتوصيل الى باتومي على بعد 20 كيلو فقط في جورجيا الاكل الحلال متوفر بكثرة وما فيه اي استغراب او مضايقة في الحجاب ابداً الناس كلها مسالمه هناك |
من ميدان طرابزون كل المكاتب السياحية توفر باصات للنقل من الميدان للحدود الجورجية. |
يعطيهم العافية الاخوان ماقصرو *** ي اخت غادة اول شي الله يجزاك خير في برك لوالديك ويحفظهم ربي لكم ثاني شي دام انكم بتروحون للشمال التركي فبيغنيكم عن جورجيا الكمال لله سبحانه لكن الشمال التركي طبيعته خلابة ووش تبون اكثر من هالزين مشاء الله خضار في السهول والجبال وانهار وشلالات وبراد وجو يرد الروح على قولتهم وجورجيا صح انها زينه لكن مافيها زود نفس الطبيعة والاجواء وبعدين المدة محدودة من رايئ استخيري وخليها في الشمال التركي وتسافرون وترجعون بالسلامة... والله يجزاك خير مرة ثانية التمشيتك لوالديك |
هلا عزيزتي بالنسبة للتكلفة تكفيك و زود ان شاء الله و من وجهة نظري الشمال التركي جماله يتفوق على جورجيا رحلة سعيدة |
وعليكم السلام الشمال التركي يكفي إن شاء الله أحد الشباب قبل سنتين من الميدان في طرابزون طلع مع شركه لجورجيا الأغلب كان أتراك قاله صاحب المكتب ترا راح تتأخر كثير معنا لأنهم يدققون علي الأتراك لكن اذا خليجيين راح يدخل الباص بسرعه فذكر لي أنه تفتيشهم أخذ وقت لا أعلم تغير الوضع أم لا حاليا حاولت أيضا استاجر سياره من موقعين ورفضوا بسبب اني طلبت اطلع عليها لجورجيا يمكن ما وفقت بالمكاتب لكن هي أمثله حبيت أذكرها لك |
جربت الدخول مره المركز زحمة زحمة و الي يسوق السيارة هو الي يكون في السيارة فقط و البقية يمسكون طابور سرا مشي حتى المركز الثاني اجراءات الدخول في جورجيا اسهل من ناحية دخول وخروج السيارة ولكن الغريب مشي المسافرين دون مراعاه للي يقدر او ما يقدر على المشي هذي فكرتي عن المركز الحدود قد زحمة جسر البحرين مرتين يوم الجمعة :1: مع ملاحضة ان اول ماتدخل على جورجيا من الحدود تحس بفرق انك طلعت من بلد اسلامي محافظ الى بلد مسيحي علماني مفتوح في وجهك كنيسة و وكازينوا و مرقص بعد المركز بامتار وصلنا اقرب مدينة دخلنا مطعم ورجعنا هذا الي صار لنا ولا يعني ان جورجيا مش جميله او فيها مدن جميله وجورجيا بلد كبير وفيه مدن كثيره ولكن هكذا كانت ظرونا في هذي السفره |
| الساعة الآن 02:10 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO