|
استفسار لرحلتي لتركيا ؛ السلام عليكم باذن الله بشهر 7 ميلادي رحلتي لتركيا لشخصين انا وزوجتي وبعد مشاهدة تقارير الاعضاء وبعض الاستفسارات استفدت جداً منها يعطيكم الف عافيه جميعاً تم حجز الطيران الدولي الى اسطنبول مطار اتاتورك وحجز طيران داخلي من مطار صبيحة بعد يومين من الوصول وحجز فندق اول ليلتين باسطنبول في السلطان احمد الاستفسار الاول ؟! اين يقع مطار صبيحة ؟! وكم تبعد عن منطقة السلطان احمد الاستفسار الثاني ؟! بخصوص المواصلات ارشدوني بالأفضل باسطنبول استخدام التاكسي او استئجار سياره بسواق علماً اني حصلت شركتين سياره مع سواق من 2500 ريال و2700 ريال لمدة 6 ايام و3300 لمده 8 ايام هل المبلغ معقول ؟! وهل باستخدامي التكاسي لمده 6 ايام باسطنبول ممكن يكلفني هالمبلغ ؟! افيدوني بحكم تجربتكم بكم كلف قيمة التكاسي نهاية الرحلة علماً ان رحلتي ليلتين باسطنبول ثم طرابزون ثم العوده لاسطنبول الاستفسار الثالث ؟! هل تنصحون بسياقة السيارة بطرابزون واوزنجول ؟! وياليت ايضاً تعطوني شركات سيارة مع سواق :e132: |
اهلا بك المسافة من سلطان احمد الى مطار صبيحة بتاخذ منك ما بين ساعة ونص الى ساعتين حسب الزحمة التنقل داخل اسطنبول يعود حسب ميزانيتكم ونظرتكم السياحية للأمور ممكن تستخدم سيارة وسواق خاص وهي الأسهل والأغلى تكلفة او تستخدم مزيج ما بين المواصلات العامة والتاكسي وهي الأوفر وشخصياً أرى البديل الثاني هو الأفضل لشخصين سعر التاكسي والمواصلات العامة أكيد بيكون أقل بكثير كتكلفة مقارنة بسيارة خاصة مع سواق بالنسبة للسعر اللي حصلت عليه أشوفه في حدود المعقول والمتعارف عليه وما يمنع تتواصل مع الشركة المعلنة بالمنتدى لعلهم يعطونك سعر تنافسي بالنسبة للسواقة في الشمال التركي نعم انصحك بها المهم تكون مستعد بالاحداثيات وعندك الرغبة الداخلية في السواقة لأن البعض ماعنده رغبة الانشغال بالسواقه في السفر السياحي بالتوفيق |
وعليكم السلام ما أنصحك أبداً بالسواق الخاص اعتمد على القطار واذا احتجت تطلب أوبر .. أريح وماتحس نفسك مقيد وملتزم مع أحد وأوفر أما في الشمال فأنصحك تسوق السيارة بنفسك |
بأسطنبول وطالما انكم شخصين الترام والمترو تقدر تخدمك بشكل كبير واستخدامها سهل جداً التكاسي وجع راس وحاول ما تركبها الأ انك مضطر لها ولما تسكن بالمناطق السياحية يقل استخدامك للتكاسي كل شي يكون قريب منكـ واذا كنت ترغب بسياره بسائق بأسطنبول الشركة المعلنة بالمنتدى تور فور أرابز شركة معروفه وثقه بالنسبة للشمال التركي الأفضل لك سياره تحت تصرفكـ وتحمل قوقل ماب بجوالك وتكتب المكان وتنطلق اكثر من كذا سهولة ما فيه لكن عليك الحذر من المرتفعات استطلع المكان الذي ترغب بزيارته |
رحلة موفقة اخي الاغالي في اسطنبول انصحك بالمترو |
نعم ننصحك بقيادة السيارة في طرابزون و اوزنجول و احرص على الحجز المبكر للسيارة و المكاتب العالمية المعروفة الافتات ستجدها باللغة العربية لمعظم الأماكن السياحية و قوقل ماب سيفيدك .. اقترح اول يومين يكون في الجانب الأسيوي من اسطنبول و بعد ماترجع من الشمال التركي تروح للجانب الاوروبي و تسكن في السلطان احمد في تقريري https://www.arabtrvl.com/vb/t31923-9.html فصلت عن عدة أماكن سياحية في الجانب الأسيوي خاصة في المشاركة 86 طبعاً الافضل في اسطنبول سيارة بسائق و اذا عندك اطلاع جيد بالاماكن السياحية المتقاربة ممكن تستخدم التكسي والمواصلات العامة .. القيادة متعبة خاصة في الجانب الأوروبي .. الجانب الأسيوي ازدحام لكن مقبول ممكن تسوق فيه .. |
| الساعة الآن 09:34 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO