|
طالبتكم ابي مساعدتكم وادري انكم ماراح تخيبون ظني السلام عليكم ورحمة الله وبركاته اسعد الله اوقاتكم بكل خير انسحرت بجمال تركيا من مواضيعكم الجميله وقررت اني لازم ازور هالبلده بغيت استفسر عن التكلفه الاجماليه التقريبيه لزوجين وطفلين من الطيران للاكل والشرب يعني من اكبرها الى اصغرها الرحله بتكون بالاجازه الصيفيه باذن الله لمده 13 يوم حابه ازور طرابزون واوزنقول واسطنبول احنا من محبين الطبيعه والبراد اكثر من اجواء الصخب والمولات وابي اسأل عن افضل وارخص طيران داخلي وخارجي |
اهلا بك بداية أود التنويه إلى أن تركيا تعتبر وجهة جميلة وقد تكون ساحرة للبعض ولكن تبقى مثل كل الوجهات السياحية لابد فيها سلبيات مثلما فيها ايجابيات بالنسبة للتكلفة صعب جداً تنحسب دون معرفة مستوى طموح السائح ولكن بحاول اعطيك مؤشرات تساعدك تذاكر الطيران الدولي بسهولة تنحسب لو دخلتي لموقع الطيران وكلما حجزتوا بدري تكون الأسعار أقل تكلفة الفيزا للشخص الواحد 60 دولار المواصلات .. إذا بتستأجروا سيارة تقودوها بانفسكم بتكلفكم تقريبا 120-150 ريال باليوم وإذا سيارة مع سواق تقريبا 500 ريال باليوم السكن .. الخيارات كثيرة تبدأ 150 ريال وتصل لحدود 500 ريال وقد يكون مبلغ 250-300 متوسط جيد للتخطيط الأكل .. المطاعم كثيرة ومستويات عديدة .. الاقتصادي في حدود 25-30 ريال للشخص السياحة .. في الشمال التركي ما فيه صرف لأنها تعتمد على الطبيعة أما اسطنبول المتاحف تتفاوت ما بين 25-40 ريال للشخص وهناك العديد من المزارات المجانية مثل الحدائق والجوامع والساحات والبازرات الطيران الداخلي جربت ( أطلس جلوبال ) جيدة وسعر التذكرة ذهاب عودة تقريبا 500 ريال تبقى قراءة التقارير هي المرجع الأفضل بالتوفيق |
ماقصر اخونا نواف الله يعيطه العافية ويجزاه خير *** اختي الله ييسر اموركم وتسافرون وترجعون بالسلامة ممكن تواريخ السفر الذهاب والعودة المدة قلتي 13 يوم اذا عطيتينا تاريخ لو الذهاب العودة معروف بحكم المدة وبالتوفيق ان شاء الله |
يعطيكم العافيه ماقصرتوو الذهاب بأذن الله ١ سبتمبر والرجوع ١٤ بغيت اسأل عن الاجواء بهذا الشهر واذا مثل ماقلت لكم المقصد من السفر الاجواء والطبيعه ولاتستهوينا المولات. والتجمعات حبيت اضيف اوردو حسيتها جممميله بغيت تخطيط لزيارة المدن وكم يوم وبغيت تكلفه تقريبيه يعني الفنادق بغيت المستوى المتوسط ان زاد ٤٠٠ باليوم |
الجو يكون على اخر الربيع بداية الخريف راح يكون فيه طبيعة |
اقتباس:
قصدك يكون على اخر الصيف بداية الخريف وبارك الله فيك |
اقتباس:
اقتباس:
هلابك اختي مسافرة الاجواء ممتازة بالمرة *** بالنسبة للتذاكر الدولية... انا مدري مين وين انتم ماذكرتي اي دولة ولا من اي مدينة حتى نقدر نساعدكم على كل افتراضيا من الرياض الى اسطنبول ذهاب وعودة على الخطوط السعودية في التواريخ الي ذكرتيها 4 تذاكر ثنتين كبار وثنتين اصغار من سنتين الى 11 بـ 8174 ريال تقريبا وعلى الخطوط التركية بنفس المواصفات بـ 8712 ريال تقريبا *** والتذاكر الداخلية على الخطوط التركية بنفس المواصفات من اسطنبول الى طرابزون ذهاب وعودة بـ 1575 ريال تقريبا *** من ناحية توزيع الايام 10 ايام لـ طرابزون وضواحيها 4 ايام اوزنجول (1-2-3-4) 3 ايام ايدر (5-6-7) 3ايام طرابزون (8-9-10) و3 ايام اسطنبول (11-12-13) راعيت تفضيلاتكم للطبيعة والبراد والاقتصاد وكلها موجودة في الشمال التركي *** من ناحية التكلفة للفنادق ادخلي بوكينج وشوفي الفنادق واسعارها وتقيمات المسافرين الي انزلو في الفنادق والاسعار تختلف من فندق واخر ودورو الي يناسبكم *** بالنسبة للمعيشة انتم ادرى بصرفياتكم وعلى العموم في الشمال ماراح تصرفون كثير بعكس اسطنبول انصحكم تقضون لانفسكم كانكم في بيتكم تعبون الثلاجة واغراضكم الي تبون كذا يكون اقتصاد لكم *** وانصحكم في الشمال تستاجرون سيارة وتقودونها بانفسكم *** ولابد من الاطلاع المكثف والاستفادة من التقارير الي في المنتدى وبالتوفيق ان شاء الله |
| الساعة الآن 01:23 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO