المشاركة الأصلية كتبت بواسطة محمد المنهالي (المشاركة 386423)

السلام عليكم ورحمة الله وبركاته
مثل ماتشوفين في العنوان بالفعل من سبع سنوات وانا اطمح اروح بالأهل والحمد لله تسهلت الامور وبدات النية من يومين والان انتهيت من حجز التذاكر

حيث اني أوصل مطار اتاتورك يوم السبت الظهر بتاريخ 24 مارس
والعودة بتكون يوم الاثنين 2 ابريل
أفراد الرحلة انا وزوجتي وطفلتين ( 8-6)



لا تسألوني وش فكرتك لسفر لانها جات بعد نتيجة ضغط العمل فمحتاج لسفر ولا عندي فكرة معينه
والي اطلبه من المتميزين والغاليين أعضاء هذا الصرح الجميل



1- كيف اقسم الأيام هل بتكون الشمال + اسطنبول او اني اخليها اسطنبول وحولها بس

بما انها 8 ايام تقريبا انا اشوف انك تكتفي بأسطنبول وما حولها تقدر تغطي الأماكن واذا حاب

تدخل الشمال التركي براحتكـ الأمر راجع لك

2- وش الفنادق الي تنصحون بها ( علما انه يهمني الفندق لأني اعتبره جزء من الرحلة بحيث يكون جميل او إطلالته جميلة ومريح وان كان أغلى بشوي من الفنادق الاخرى )

بالنسبة للفنادق ادخل بوكنق وحط الموقع اللي حاب تسكن فيه وتظهر لك الفنادق وشوف الأسعار

وبعد ما تقرر أسماء الفنادق اعرضها هنا يكتب الأخوان لك الرأي بها

3- هل استأجر سيارة في اي جزء تقترحه وخل يحتاج رخصة دولية ام يكفي الرخصة السعودية

اذا بأسطنبول اشوف ما تحتاج سياره المترو والترام يغطي اهم الأماكن والتاكسي موجود اذا

احتجته

4- الثلج والخضرة والأنهار والجمال وين احصلها هالأيام

بالشمال اكيد بس الخضره باقي لها

5- نصيحة منك وش انتبه منه وشكرا لكم

الأنتباه من اصحاب التكاسي اكيد هذا الأهم

انتظاركم على فارغ الصبر علشان ارتب اذا احتاج رحلة داخلية او لا وجزاكم الله خير