|
مساعدة جدول للشمال التركي واسطنبول السلام عليكم ورحمة الله وبركاته عندي مجموعة اسئله ياليت اهل الخبرره يجاوبون عليها حجزت لاسطنبول بشهر يوليو .. وابغى الشمال التركي ايش افضل خطوط داخليه وارخصها؟ من مطار اتاتورك ؟ ومن اي تطبيق احجزها؟ وهل فيها استرداد لو لا قدر الله وماقدرنا نروح؟ وكيف الجو والطبيعه بشهر يوليو بالشمال؟ وابغى جدول للشمال واسطنبول لمدة عشر ايام ؟ اخر يومين اسطنبول وراح تكون تسوق وملاهي ولو فيه متحف او معلم قريب من فيالاند اكتبوه .. والسياره نحجزها من الان ولا المطار ؟ واخر سؤال اللي حمسني للروحة للشمال التركي شفت مقطع باليوتيوب لمرتفعات بارشمبا في اوردو !! جنة الله في ارضه فتحمست ازورها وماشفت لها بالمنتدى شعبيه مثل اوزنجول وطرابزون ! ناويه ازورها باذن الله كم تبعد عن طرابزون واقدر ازورها بنفس اليوم وارجع؟ اي معلومه عندكم لاتبخلون +تنسيق جدول للشمال يتضمن اوردو واخر يومين اسطنبول شاكره لكم |
اهلا بك بالنسبة للطيران الداخلي من مطار اتاتورك .. تجاربي مع اطلس جلوبال رائعة والحجز يكون من موقعهم الرسمي على الرابط التالي وبالنسبة للتعديلات والإلغاء مثل باقي شركات الطيران فيه عدة مستويات وشروط https://www.atlasglb.com/en بالنسبة للطقس في الشمال بشهر يوليو فيكون لطيف جداً مقارنة بالمناطق الاخرى .. والطبيعة أو اللون الأخضر يكون في أبهى حُلة بالنسبة لجدول للشمال التركي تقدري تستفيد من الجدول على الرابط التالي لتقريري الأخير .. والجدول لستة أيام وتقدري تضيفي عليها أربعة أيام لاردو وما حولها https://www.arabtrvl.com/vb/picture....ictureid=62823 المعالم القريبة من فيا لاند يبدو لي منطقة أيوب وتشمل عروض دلافين وتلفريك وكافيهات وحديقة مينا تورك بالنسبة لحجز السيارة في طرابزون .. طالما رحلتك في موسم الصيف فيفضل تحجزي من مواقع الحجز مثل رينتال كار أو غيره ولكن لا أنصح بالحجز من المطار في فترة الذروة السياحية بالنسبة لاردو وبارشمبا .. يفضل تكون مستقلة وتقضي فيها يومين ثلاثة وأنصحك بشدة بقراءة تقرير أخونا ماجد القطري على الرابط التالي ففيه شرح وافي كافي وبيفيدك https://www.arabtrvl.com/vb/t32675.html وأي أسئلة لا تتردي فالجميع في انتظارك بالتوفيق |
بالنسبة للطيران الداخلي شيك على اسعار التركيه واونر اير وأطلس احيانا وغالبا احصل التركيه ارخص سعر |
السلام عليكم ورحمة الله وبركاته وعليكم السلام و رحمة الله و بركاته عندي مجموعة اسئله ياليت اهل الخبرره يجاوبون عليها حجزت لاسطنبول بشهر يوليو .. وابغى الشمال التركي ايش افضل خطوط داخليه وارخصها؟ الخطوط التركية من مطار اتاتورك ؟ الخطوط التركية ومن اي تطبيق احجزها؟ https://www.turkishairlines.com/ وهل فيها استرداد لو لا قدر الله وماقدرنا نروح؟ اعتقد الجواب نعم ولكل حجز شروط ممكن قراءتها قبل الموافقة وكيف الجو والطبيعه بشهر يوليو بالشمال؟ ميه ميه ما شاء الله احيانا قليله تاتي موجة حر عند الساحل ولكن في الجبال مثل اوزنجول وغيرها الجو بارد وكل المناطق الساحلية او غيرها فيه ايام تكون ممطره وباردة والسياره نحجزها من الان ولا المطار ؟ اعتقد قبل السفر بشهر او شهرين افضل واخر سؤال اللي حمسني للروحة للشمال التركي شفت مقطع باليوتيوب لمرتفعات بارشمبا في اوردو !! جنة الله في ارضه فتحمست ازورها وماشفت لها بالمنتدى شعبيه مثل اوزنجول وطرابزون ! ناويه ازورها باذن الله كم تبعد عن طرابزون واقدر ازورها بنفس اليوم وارجع؟ صعب زيارتها بنفس اليوم و العوده تعب حتى لو العودة لوردو الساحل لا اشجع على هذا التفكير في اوزنجول وما حولها يجعل الناس تتهاون عن الذهاب الى بارشمبا يايلا بارشمبا تحتاج وقت و ايام للاستمتاع بالمناطق المحيطة بها والاستعجال يفقدك المتعه بهذي المناطق موضوعي عنها فيه كثير من الشرح عن المسافات و الطريق و الخيارات المتاحة هذا موضوعي عن بارشمبا بتفصيل https://www.arabtrvl.com/vb/t32675.html |
[QUOTE=نـــواف;390798] اهلا بك بالنسبة للطيران الداخلي من مطار اتاتورك .. تجاربي مع اطلس جلوبال رائعة والحجز يكون من موقعهم الرسمي على الرابط التالي وبالنسبة للتعديلات والإلغاء مثل باقي شركات الطيران فيه عدة مستويات وشروط أهلا أخي نواف عندي فقط مداخلة بسيطة فيما يخص طيران أطلس جلوبال ألاحظ إن لهم رحلة واحدة فقط في اليوم من اسطنبول إلى طرابزون خلال شهر يوليو والمشكلة رحلة الذهاب الساعة 9 مساءا ورحلة العودة الساعة 7 صباحا وسعر التذكرة يصل 620 ليرة للشخص الكبير ، فلا توجد لهم رحلات نهارية من اسطنبول والرحلة الليلية لا يفضلها الكثيرين هذا ما أردت توضيحه وشكرا |
اهلا بك اخوي المسافر بالنسبة لرحلة اسطنبول - طرابزون اتذكر سافرت معاهم سبتمبر الماضي في رحلة الساعة 10 صباحا .. غريبة ان يكون لهم رحلة وحدة متاخرة بالنسبة لرحلة طرابزون - اسطنبول .. فعلاً هناك رحلة الساعة 7:30 صباحا وجربتها في رحلتي الأخيرة وقد تكون مزعجة في بدايتها ولكن لها فائدة كبيرة انك توصل اسطنبول بدري وتبدأ يومك بدون ما يضيع عليك عموماً يفضل المقارنة بين شركات الطيران بشكل كامل سعراً وتوقيتاً ومن ثم اختيار الأنسب بالتوفيق |
شكراً على الرد طيب هل تتشابه الطبيعه والاماكن في اوردو واوزنغول وطرابزون؟ يعني اكنسل اوردو ولا لا وهل نحتاج ملابس ثقيله للاطفال اي معلومه لا احد يبخل فيها ابغى اماكن مميزه جداً من حيث الطبيعه الخلابه |
ملابس ثقيلة نعم تحتاجونها خاصة في المرتفعات مثل سلطان مراد وبعض الايام في اوزنجول و في بارشمبا يايلا |
| الساعة الآن 08:24 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO