|
ترتيب رحلة للشمال التركي و اسطنبول في بداية شهر MAY يا أهل الخبر ابي مساعدتكم لترتيب رحلة الى الشمال التركي و اسطنبول في بداية شهر May ابي رحلة من المدينة الى الشمال طربزون او غيرها 8-9 ايام في الشمال التركي و 3 -4 اسطنبول افضل خط سير للرحلة ؟ طريق استاجر سيارة بالشمال التركي افضل الاماكن ؟ وكيف الجو بيكون قي بداية may معي طفلين اعمارهم ثلاث و سنة ونص الوقت ضيق ما رتبت شي الاى الان |
اهلا بك في فترة مايو لا اتوقع هناك رحلات مباشرة من المدينة لطرابزون ولكن يفضل تسافر مباشرة على اسطنبول واجلس فيها يوم يومين وبعدها رحلة داخلية لطرابزون حجز السيارة تقدر من موقع رينتال كار أو من مطار طرابزون مباشرة لأن وقتك ماهو ذروة سياحية الجو في مايو ما فيك شك بارد في الشمال وربيعي في اسطنبول فلازم تستعد بلبس ثقيل للشمال وخصوصاً للاطفال بالنسبة للأماكن وقتك ضيق صعب أقولك روح أقرأ تقارير ولكن بتلاقي تقرير بعنوان ( رحلة الخريف ما بين جبال وريف ) فيه جدول بأول مشاركة توزيع للأيام والمناطق والأماكن بالاحداثيات لعلك تستفيد منه بالتوفيق |
يعطيك العافية اخوي نواف يعني الشمال الجو ما هو مناسب للاطفال في مايو (كم يحتاج يوم للتغطية الاماكن المهمه)- السيارة تكون مع قارمن جي بي اس و لا احسن اشتري قارمن جي بي اس من السعودية سمعت عن بعض المشاكل في استاجر السيارة في طربزون - كيف اتجنبها الجواز اذا احد الاطفال مع امه بالجواز فيها مشكلة - الفيزا احسن عن طريق الموقع و لا المطار ترتيب الرحلة 3 ايام اسطنبول 6 ايام طربزون و اوزنجول 3 ايام اسطنبول ابي رايكم و اقتراحاتكم الله يعاقيكم |
يعني الشمال الجو ما هو مناسب للاطفال في مايو (كم يحتاج يوم للتغطية الاماكن المهمه)- السيارة تكون مع قارمن جي بي اس و لا احسن اشتري قارمن جي بي اس من السعودية ----- بالعكس مناسب وخذ جاكيت معاك ان استلزم ما عليك افضل وقت لزيارة الشمال في مايو بالنسبة للسياره ما تحتاج قارمن قوقل ماب حمله بجوالك وانتهى وفيه قروبات بالتلجرام مجهزين كل شي ما عليك الأ تضغط على الرابط وتنتقل للمكان سمعت عن بعض المشاكل في استاجر السيارة في طربزون - كيف اتجنبها --- احجز من الشركات العالمية فقط بدجت وأفاس ويورب كار وغيرها الجواز اذا احد الاطفال مع امه بالجواز فيها مشكلة - الفيزا احسن عن طريق الموقع و لا المطار ---- ما فيها مشكله الفيزا تفرق معك لو تطلعها من النت يحسب عليك كل شخص 60 دولار اما من المطار الولد وأمه بفيزا وحدة 60 دولار على الجواز فقط ترتيب الرحلة 3 ايام اسطنبول 6 ايام طربزون و اوزنجول 3 ايام اسطنبول ^^ ممتاز جداً شوف لك كم تقرير وحدد الأماكن اللي بتزورها وقوقل ماب خير مرشد لك |
وانا كمان رحلتي ان شاء الله بداية مايو وابغى من اعضاء هذا المنتدى الغالي تعريفنا بأهم الاماكن لزيارتها في اسطنبول والشمال التركي وكيف اخذ نت لامحدود بسعر ممتاز |
رحلتي من 28 ابريل الى 8 مايو احترت جدا لانها اول سفره لي تركيا الشمال التركي طرابزون اوزجول اسطنبول بورصة ابغى جدول حلو ومريح لي انا وزوجتي وطفل عمره 3 سنوات وهنا حصلت برامج كثيرة بس اسعارهم مرتفعة جدا وماني عارف ايش اسوي لانها اول سفره مع العلم اني لي أسبوعين جالس اقرأ في المنتدى واستفد من حيث الشمال التركي اني استأجر سيارة افضل لي لمد 3 او اربعه اما اسطنبول وبورصة اخليها تأجير سواق او تاكسي |
اقتباس:
خلي رحلتك الشمال واسطنبول اهم شي تحجز سيارة وتقودها بنفسك وبالنسبة لاسطنبول الافضل الاعتماد على التاكسي والمترو لا تستاجر سيارة واذا تبي تروح اماكن بعيده الافضل تخليها كلها بيوم واحد وتستاجر سيارة بسائق المشكلة الطفل معاك ما راح يعجبه الوضع يعني لازم تخلي جولاتك على قسمين قسم الصبح وبعدها ترجع الفندق تريحون وبعدها تطلع العصر |
أهلاً بالأحبة ... التقارير التي كُتبت في البوابة .. تعطيك خيارات ومعالم وجداول ونصائح ونظرة عامة .. فقط اقرأها ودوّن كل مايرضي ذائقتك وتهواه نفسك بشكل نقاط .. طريقة استئجار السيارات وكذلك السكن وكذلك مسار الرحلة وكذلك أهم المعالم والتأشيرة وطريقة الصرف والتعاملات المالية ... كل ذلك وغيرها الكثييييير .. تجدونه في تقارير خبراء تركيا الموجودة في البوابة ... دعواتي لكم بالتوفيق ... |
| الساعة الآن 08:52 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO