|
أول مره اسافر تركيا يارب تساعدوني صباح | مساء الخير لكم جميعا قررت باذن الله انا والمدام ومعانا طفل صغير عمره سنتين ونص نروح تركيا في شهر اغسطس اللي راح يكون بعد عيد الاضحى واتمنى منكم انكم تساعدوني مع العلم اني للحين ماحجزت تذاكر الطيران شيكت على موقع الخطوط السعودية سعر تذاكر لثلاثة اشخاص طلع بــ 7,143.00 هل هالسعر يعتبر معقول انا كان ودي اروح في شهر 4 ميلادي بس الاجازة هي اللي اجبرتني على هالفترة. * فترة السفر راح تكون من تاريخ 26 - 08 - 2018 الى 04-09-2018 1- اختيار فندق مناسب ويكون سعره معقول وفي منطقة قريبة من الاماكن السياحية يعني مانحتاج نستخدم سيارة كثير ( وش افضل منطقة للسكن في اسطنبول) 2- وش افضل وسيلة مواصلات ممكن استخدمها للتنقل 3- عمل جدول سياحي للمزارات اليومية للامانه للحين انا والمدام محتارين بين تركيا وماليزيا انتوا بجكم تجربتكم وشرايكم وش الافضل ومني لكم جزيل الشكر |
بالنسبة لشهر اغسطس اسطنبول الجو فيها حار بالنهار لكن مناسب للشمال التركي بالنسبة للاختيار بين تركيا وماليزيا اشوف ان ماليزيا افضل من ناحية الفعاليات والانشطة السياحية لكن انا عني ما افضل شرق اسيا بسبب الجو |
مرحبا وصباح الخير للامانه ماني خبير بتركيا ومخطط مثلك لزيارتها ان شاء الله في شهر 6 ميلادي لكن اللي جذبني لها الشمال التركي وكثره الرحلات لها بالصيف اضافه لمدة الطيران لها ( 4 ساعات بالكثير وانت بالشمال ) ومثلك تماماً ماعرف شي فيها لكن التقارير اللي هنا عطتني تصور كامل عنها مثلاً الرحلات بالصيف كثيره السعودية / الخطوط التركيه / رحلات العجاجي ... ومن غالب المدن الرئيسيه بالسعودية السياره باسطنبول كثير ماينصحون فيها بسبب الزحمه بفتره الصيف وصعوبه القيادة داخل اسطنبول فالافضل التنقل بالمواصلات العامه |
اهلا بك بالنسبة للمقارنة بين تركيا وماليزيا فأعتقد مدة رحلتك ترجح كفة تركيا لأن شرق آسيا عادة تحتاج اسبوعين إلى ثلاثة بالنسبة لمنطقة السكن فأعتقد الأقرب لطلبك منطقة سيركجي وفيها خيارات سكن متنوعة فأحرص على الأنظف بالنسبة لوسيلة المواصلات فالمواصلات العامة ( مترو .. ترام .. الخ ) مناسبة لتركيبة عائلتكم أما إذا ميزانيتك تسمح وحاب تريح نفسك فتقدر تستأجر سيارة خاصة مع سواق ولكن بتفرق معك في ميزانية الرحلة بالنسبة للجدول السياحي فالوقت أمامك طويل فلو قرأت تقرير أو تقريرين بتقدر تسوي جدول مناسب لميولك .. وفيه موضوع ( دليلك السياحي في اسطنبول ) للأخت زهرة بيفيدك أكيد بالتوفيق |
ادخل على التقارير بالمنتدى واطلع وشوف هل تركيا تناسب لك بما فيها من فعاليات بالنسية لي ارشح تركيا لقصر المدة __ |
ارشح منطقة سيركجي للسكن مناسبة جدا وقريبة منها كل الخدمات. |
من وجهة نظري تركيا افضل لقصر المدة و بالنسبة للسكن منطقة سيركجي ممتازة و قريبه من كل شي و ممكن منطقة عثمان بيه رحلة سعيدة |
أهلاً حبيبنا ... كلا البلدين رائعين ... تركيا أشوفها أفضل .. الجميع ماقصّر .. سواءً بالترشيح أو الرأي ... أتفق مع ماذكره لك خبيرنا ( نواف ) .. بجميع التفاصيل .. موفق يالغالي .. ونصيحة لله .. استمتع بقراءة تقارير البوابة .. تحوي كنزاً من التفاصيل المهمة .. |
تركيا طبعا أفضل .. بس أحس التذاكر غاليه ف أي مدينه إنت عشان نساعدك ف التذاكر ؟ من ناحيه السكن أفضل تسكن ف تقسيم فيها حياة 24 ساعه وقريبه من جميع الأماكن الي تحتاجها سعر السكن فيها يترواح من 150 الى 400 كسكن لابئس فيه جيد جدا للعلم اغلى الأشهر كسكن شهر اغسطس واذا تبي رحلات سياحيه فيه بتقسيم مكاتب سياحيه واجد هم يوزعوا عليه اوراق تبدأ رحلاتهم لليوم 100 ريال للشخص سعر ممتاز مثل زياره بورصه سبنجا يلوا من ناحيه المواصلات إعتمد ع الميترو + الترام .. التكسي لاتقرب جنبه ابد الا ف الضروره القصوى. إسطنبول تعتبر حلوه من ناحيه تسوق مولات اوت لت أكل سياحه ملاحظه بالنسبه للفلوس لاتحمل كاش إسحب لك من المطار في صرافه HSBC اسحب منها افضل ياخذو نفس سعر العمله بالإضافه ع كل عمليه سحب 35 ريال مثال سحبت 2000 ياخذو 2035 وهكذا .. اي إستفسار حاظرين |
ملاحظه بعد اي شخص يوقفك يسأل عن اي شي ولا كأنك تشوفه النصابين واجد لاتوقف الى اي شخص كان. وان شاء الله ماتواجه شي من هالقبيل. |
| الساعة الآن 04:19 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO