|
شهر العسل في تركيا .. اتمنى مساعدتكم السلام عليكم ورحمة الله وبركاته .. مثل ماهو موضح في الاعلان انا بمشيئة الله بسافر شهر العسل لتركيا ولأول مرة اسافر لتركيا ورحلتي بتكون في 2018/7/16 من الرياض لطرابزون مباشرة والعودة من اسطنبول الى الرياض الايام من 10 ايام الى 12 يوم بقسمها بين طرابزون ومدن الشمال التركي واخيرا اسطنبول 1- ياليت تقترحون علي كم اجلس يوم في الشمال التركي وتكون مقسمة على القرى القريبة منها وكم اجلس في اسطنبول 2- في الشمال التركي الافضل اسكن في طرابزون كل الايام او فترة تواجدي في طرابزون اسكن في طرابزون وفترة تواجدي في اوزنحول اسكن في اوزنجول ........ 3- ابي استأجر سيارة الافضل استأجرها من المطار او احجز مسبقاً من هنا .. وهل عدادات الكيلو متر مفتوح او يحددونه لي .. وبخصوص الوقود غالي ولا رخيص سواء ديزل او بنزين 4- وش افضل وسيلة نقل ومناسب سعرها بين طرابزون واسطنبول واعذروني على كثرة الاسئلة :13: |
وعليكم السلام ورحمة الله وبركاته الف الف مبرووووووكـ يا عريس بما ان توقيتك راح يكون في الصيف اقترح 7 ايام الشمال و 5 اسطنبول بالنسبة للسكن يومين طرابزون 2 يوم اوزنجول 1 ايدر ممكن تروح وترجع بنفس اليوم يومين طرابزون -- طرابزون تعتبر مركز انطلاق لك للقرى المجاوره بالنسبة للسياره احجز من النت من الشركات العالمية واذا كانت ديزل افضل لك بعد العدادات بالغالب مفتوحه بالنسبة لسعر الديزل 4.5 ليره تقريبا للتر بالنسبة للسفر من طرابزون واسطنبول طيران بكل تأكيد عندك خطوط اونر اير والتركيه من مطار اتاتورك وعندك بيجاسوس من مطار صبيحه وارشح لك مطار اتاتوركـ انصح بقرأت التقارير الموجوده في المنتدى لأخذ فكره وراح تستفيد كثير وراح تكون عندك صوره مبدأية للرحله بالنسبة لأسطنبول انصح بالسكن في منطقة سيركجي تعتبر من أفضل الأماكن |
الله يتمم لك على خير و يهنيك اخوي الفراهيدي كفى و وفى بس حبينا ندعي لك ممكن اضيف لك .. لا تفكر بوسيلة من اسطنبول الى طرابزون بغير الطيارة لان المسافة بعيدة حول 10 ساعات بالسيارة بالتوفيق .. |
اهلا بك مبدئياً الله يوفقكم وحياة سعيدة بإذن الله الشباب ما قصروا وحبيت اعلق ببعض النقاط سعر البنزين والديزل متقارب ولكن ميزة الديزل يقطع فيك مسافات أطول أنصح بحجز السيارة قبل القدوم من خلال موقع رينتال كار وحاول تاخذ اصغر سيارة طالما شخصين والتأمين شامل طالما شخصين فحركتكم ماهي بطيئة فيفضل تسكن في كل منطقة وتقضي فيها ليلة ليلتين ثلاث لأن مهما زادت التكلفة كل اللي تحتاجه غرفة تكفيكم توزيع الأيام 6-7 أيام للشمال التركي والباقي لاسطنبول بالتوفيق |
الفراهيدي بوصلوح نواف الله يعطيكم العافية على الافادة والله يوفقكم ان شاء الله [emoji257] أرسلت بواسطة iPhone بإستخدام Tapatalk |
ا |
يارب إنك توفقه وتسعده ..وجميع المسلمين.. ماقصروا الشباب .. والفراهيدي ماشاء الله عليه ..أجــاد الراي. قبل لاتستلم السيارة صوووورها إذا فيها طعجات أو حكات أو مخوووش ..وخلهم يشوفون انك صورتها..من شان إذا نويت ترجعها لايفترون عليك كذبا ويقولون هاللي فالبدي منك..حتى ولو حددو بالعقد بعضها قبل لاتستلمها .. التأمين على السيارة غير قيمة العقد ..وعادة يأخذون خمسمائة ليرة على التأمين ..يرجعونها اذا نويت تسلللم لهم السيارة .. حاول تستلم التأمين قبل لاتطلع من المطار أو مكتب الشركة .. |
| الساعة الآن 06:12 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO