|
تجاربكم في طرابزون واستنبول السلام عليكم الله يسعدكم عندي رحله من الرياض لتركيا طرابزون واستنبول ياليت تجاربكم في افضل سكن عائلي وافضل وسيلة تنقل آمنه لان هذي الرحله كلها قروض :32::32::32: واذا رجعت ابدا تسديد ف فقر وغلدمه مشكله:22::22: |
وعليكم السلام ممكن تدخلين قسم فنادق تركيا اتشوفين تجارب الاعضاء او من البوكينغ اختاري الي يناسبكم 😊 وسائل التنقل بطرابزون محدوده اما تأجير سياره وو اهو الافضل او باص دولموش او تاكسي اسطنبول مخدومه بوسائل النقل ميترو ، ترام ، باصات او تاكسي الي عليج الحذر منهم " نصابين " 👹 شكلكم اول مره بتروحون تركيا 😁 انصحج تقرين بعض التقارير قبل السفره تاخذين فكره او تسجيلين الاماكن الي ودكم تروحون لها هاذا تقرير من خبراء تركيا يعطيهم العافيه ان شاء الله يساعدونج وو يعطونج فكره عن المناطق الي بتزورينها ☺ https://www.arabtrvl.com/vb/t34511.html وو شكرا 🌸 |
اقتباس:
السكن ..يتحدد من خلال الميزانية الموضوعة له .. تختلف آراء اناس حول السكن .. منهم من يتخذ السكن للنوم فقط.. فيبحث عن أقل الأسعار .. وآخرون يرون بأن السكن جزء من متعة السياحة .. فــ تهمهم التكلفة وإن إرتفعت..نظير سكن فخم.. عموما.. أقترح بأن تحددوا الميزانية للسكن..وتحددوا أيضا نوع السكن ..موقعه .. مميزاته .. ..لكن سالفة أفضل ساكن عائلي..مالها إلا حضرة البوكينق..أو تجارب الآخرين اللتي ربما توافق ماتبحثون عنه .. |
السلام عليكم ..اول يوم لي بأسطنبول اليوم والحمد الله وفقنا لفندق رائع في سيركجي اسمه نيورون عرفته من تريب ادفايسور ..ممكن تدخلي تشوفيه على بوكينج |
اقتباس:
تم الإرسال من SM-N920C باستخدام Tapatalk |
اقتباس:
|
اقتباس:
وعليكم السلام كيف الوضع في اسطنبول .. رحلتي بعد اسبوعين فكرتي الغي الرحله بعد اللي اسمعه من مشاكل هناك |
اقتباس:
بحول الله يفيدك للخبير والمتميز دومــا العضو الفراهـــيدي أنار الله بصيرته.. https://www.arabtrvl.com/vb/t34644.html |
يا عمري من الحين منكد عليك القرض وانتي ما بعد رحتي شوفي اول شي تركيا اسعارهم مثلنا ماهي غالية لا تكثرون مطاعم لان هي اللي بتكلف عليكم واصلا مطاعمهم ماهي ذاك الزود ما راح تلاقين مثل مطاعمنا بالخليج وبهاراتنا والمطاعم الشامية عندنا... ما عندهم غير ذا الكفتة اللي اشغلونا بها وبالاخير ماسخه مابها بهارات :e419: والمواصلات بطرابزون استأجرو سيارة وخوذو معكم الرخصة السعودية وضروري يكون بتأمين شامل وكاسري حق تاجير السيارات بالتامين كاسرت الموظفة بشركة قارينتا وعطتنا التأمين بنص السعر :52: والحمدلله كان تاميننا شامل حصل لنا طقة بالباب من تحت بسبب طريق بحيرة السمك وما اخذو مننا شي عشان التأمين. اما اسطنبول اسكنو حوالين شارع الاستقلال بميدان تقسيم وما راح تحتاجون سيارة الا قليل وتكاسيهم اسعارها معقولة بس خليه ماشي ع العداد اما السكن اسطنبول الخيارات كثييرة واسعارها زينه طرابزون يعني اسعارها وسط اما اوزنقول غاليه اذا ع البحيرة عن نفسي رحت انا و زوجي وبناتي سكنا بطرابزون واستاجرنا سيارة وما سكنا باوزنقول صرنا نروح لها الظهر و نرجع الليل واسطنبول سكنا بتقسيم ومشاويرنا بتكاسي والمطاعم اكلنا بمطاعمهم ثلاث مرات يمكن او اربعه ولا اعجبتنا مطاعمهم فاغلب اكلنا كان تنتوني وشاورما وسميت وكلفتنا الرحلة 19 الف شامل التذاكر و اذا انتم راعين قومة صباح افطرو بمطعم نجلاء هانم بطرابزون الشخص ب 28 ليرة نواشف واشياء تناسبنا ومتنوع ويفتح للظهر الفطور.. وتتهنون ومعوضه عن خسارتك :e303: |
اقتباس:
حنا متوهقين بالمطاعم اللي عندنا يكتبون مطعم تركي .. تم الإرسال من SM-N920C باستخدام Tapatalk |
| الساعة الآن 10:29 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO