|
سواليف اجازة الربيع,, واستفسارات للحلوين اللي يحبون تركيآ السلام عليكم ورحمة الله وبركاته جمعه مباركه عليكم وعلى من تحبون قبل أن تشارك في موضوعي أتمنى منك الآتي: -غير جلستك الى جلسه مريحه -جب لك قهوه او اي شي تحب تروق عليه :yolks00780: -عطني من وقتك اللي يخلينا ندعي لك في كل خطوه يتم ترتيبها بناء على ردوك :(157): -- بسم الله.. انا مسافر الشهر القادم باذن المولى عز وجل مع شريكة عمري الى الديار العثمانيه مسافرين يوم 22 ابريل من البحرين الى صبيحه الوصول الى صبيحه الساعه 7:20 صباحا..ثم انتظار الى رحلة انطاليا تنطلق الساعه 9:40 صباحا من صبيحه لانطاليا ثم بعد كم يوم رحلتي من انطاليا الى صبيحه تصل 7:10 ومن صبيحه لطرابزون تنطلق 7:50 :yolks00100: :yolks00100: :yolks00100: اول سؤال: هل الوقت كافي في الرحلتين ؟ ساعتين وعشرين دقيقه بعد وصولي لصبيحه الى الانطلاق لانطاليا ؟ واللي احس بيصير فيه سباق ركض بالمطار... رحلتي من انطاليا الى صبيحه ثم تنطلق بعدها ب 40 دقيقه لطرابزون؟ هل الوقت كافي وماهي النصائح من طرفكم؟ ثم بعد ذلك نجي لزبدة الموضوع واللب :yolks00780: انا بقعد في انطاليا اربع ليالي في فندق رمادا الجميل .. وش الفعاليات اللي ممكن الواحد يرتبها على حسب القرب في المسافه؟ مع العلم ان معي سياره في انطاليا ؟ ثم بعد ذلك عندي عشر ايام في الشمال...والله لا اعلم ماذا افعل فيها يا اخوان.. ما حجزت سكن بالشمال بناء على نصيحة أحد فهود هذا المنتدى :yolks00380: كم يوم اقعد في كل مدينه او قريه في الشمال ؟؟ وين اروح في الشمال وش نسوي؟؟ مع العلم ان بيكون معي سياره هناك.. شفت مواضيع كثيره وفيها معلومات عن اماكن جميله جدا لكن مغامره ان الواحد يروح بدون ترتيب مفصل .. ثم بعد عشر ايام الشمال عندي ست ايام في اسطنبوووول وتم الحجز في نوريا زيا بناء على نصايحكم .. اطلعت على موضوع زهرة نيسان بخصوص اسطنبول وفيه جداول رائعه لكن انا ما اعرف وش هالاماكن اللي مذكوره بالجداول اصلا! في اسطنبول بكون في تقسيم..وين نروح؟ وش ممكن نسوي في ست ايام ؟ -- أتمنى من الجميع المشاركه بالموضوع وخلونا نقلبه دردشه ممكن انا وغيري نستفيد منها... اللي عنده اي معلومه؟ يكتبها ويشاركنا عشان نستفيد جميعا .. انا بجيب ورقه وقلم وابدا ارتب جدولي بناء على نقاشاتكم.. في انتظاركم.. شكرا :(114): |
رد: سواليف اجازة الربيع,, واستفسارات للحلوين اللي يحبون تركيآ ملاحظه بسيطه بخصوص سؤالي عن الوقت بين الرحلات.. جميع رحلاتي على بيجاسوس..من البحرين لصبيحه وكذلك من صبيحه لانطاليا وبعدها من انطاليا لاسطنبول لطرابزون.. هل هذا ممكن يسهل علي الموضوع ويخفف النكبه؟ |
رد: سواليف اجازة الربيع,, واستفسارات للحلوين اللي يحبون تركيآ وعليكم السلام الرحلة من مطار صبيحة لأنطاليا ممكن تكون كافية والافضل 3 ساعات اما الرحلة الثانية الوقت جداً قصير مافيه رحلة مباشرة من انطاليا لطربزون ؟ شوف هالموضوع http://www.arabtrvl.com/vb/t3420.html وبالنسبة للأماكن في جداول اسطنبول بعد ما تفرغ من التخطيط للرحلة لازم تشوف تقارير عن الاماكن السياحية او حتى تكتب في قوقل اسم المكان المذكور في الجدول وتشوفه يناسبك او لا لان كل واحد وذوقه ولي عودة بإذن الله |
رد: سواليف اجازة الربيع,, واستفسارات للحلوين اللي يحبون تركيآ اعتقد موجود طيران مباشر من انطاليا لطرابزون على خطوط Sun Express |
رد: سواليف اجازة الربيع,, واستفسارات للحلوين اللي يحبون تركيآ والله انطاليا ما عندي عنها اي معلومات بالنسبة عن الشمال واسطنبول.. اول شي لازم تعرفون ذوقكم واهتماماتكم..يعني شنو تفضلون الآثار؟ المنتزهات؟ المطاعم والمقاهي؟ الأسواق؟ المجمعات؟ الرحلات الطبيعية؟ مثلاً اسطنبول.. توجد مواضيع مفصلة عن الربامج اليومية.. تقدر تشوف اللي يناسبك .. وبعد ما ترتب امورك اكتب الجدول هني وبنساعدك في تعديله وأي سؤال حاضرين لك |
رد: سواليف اجازة الربيع,, واستفسارات للحلوين اللي يحبون تركيآ |
رد: سواليف اجازة الربيع,, واستفسارات للحلوين اللي يحبون تركيآ اقتباس:
شاكر ردك اختي. الرحله الثانيه نلغيها يعني ؟ انا حجزت وخلصت والتذاكر معي .. سؤال ثاني: بالنسبه للشمال...عندي عشر ايام حطيت ثلاثه منها في طرابزون فهل هي كافيه والا كثير على طرابزون؟ وكم يكفي يوم لبقية المدن الشماليه ؟ سؤال اخير...سمعت انه يوجد مدينتين باسم ايدير...فأي وحده منهم اللي تصلح للزياره؟ تحياتي |
رد: سواليف اجازة الربيع,, واستفسارات للحلوين اللي يحبون تركيآ بالتوفيق أخي .. الشي اللي بقدر أفيدك فيه هو أنطاليا .. البقية لسه ما زرتها :) احلى مكان هناك شلالات دودون Duden... واذا رحت في وقت مبكر في طاولات جميلة للرحلات والكشتات مطلة على الشلال .. يعني اللي بيحب يجيب فطوره ويجلس في هالمكان .. وطبعا في مطاعم ومقاهي حواليها والمكان جدا جميل .. وسط أنطاليا أو المدينة القديمة down town جميل جدا مقاهي وأسواق ومحلات ومسجد قديم ومناطق أثرية حلوة .. استمتعت بزيارتها رغم حرارة الجو لانه كان في يونيو ... في مجموعة من المولات فيها محلات للتصفية (اوت لت) خاصة الجلديات أسعارها معقولة جدا .. وفي وسط البلد في مطلّ جميل على البحر .. عموما المدينة هادئة وجميلة اذا الفندق ما فيه ألعاب مائية ممكن تروحوا على مدينة خاصة بالالعاب المائية بس انا ما زرتها - فقط سمعت عنها لأن فندقنا كان فيه مدينة ألعاب متكاملة بناء على طلب الأولاد :) في مصانع الجلود ما بنصحك تزورها لأن أسعارها مخيفة - محلات الأوت لت ممكن توفي بالغرض لو حبيت .. اتمنى اكون افدتك ولو شوي .. ورحلة سعيدة جدا جدا ان شاء الله |
رد: سواليف اجازة الربيع,, واستفسارات للحلوين اللي يحبون تركيآ اقتباس:
شاكر ومقدر ردك الوافي .. تم تسجيل المعلومات وباذن الله تشوفونها في التقرير بعد الرحله .. شكرا جزيلا دينا .. بانتظار مشاركة البقيه |
رد: سواليف اجازة الربيع,, واستفسارات للحلوين اللي يحبون تركيآ وعليكم السلام بالنسبه للوقت بين الرحلات اذا ماتأخرت الرحلات ان شاء الله انه كافي لان مطار صبيحه صغير نوعا ما مو مثل مطار اتاتورك بالنسبه للخطوط ماشاء الله اهنيك وفقت لان ما راح تشيل هم الحقائب تستلمها بين الرحلات لان الخطوط الناقله هي نفسها بين الرحلات اقدر افيدك عن طرابزون مدينه جميله اهلها طيبين وكل الامور سهله هناك ،، بقولك سالفتي عشان تتطمن اول مرة اسافر تركيا من خمس سنوات تقريبا كان رحلتي لطرابزون واولادي كانو وقتها صغار ورطونا الشركه السياحيه ماجاء احد يستقبلنا والمطار صغير ويقفل في الليل اضطريت اخذ تكسي وقلت اسم الاوتيل نوفوتيل ووصلنا الاوتيل وطبعا فقدت الامل بالرحلات السياحيه المقرره لنا من الشركه الصباح افطرنا وحاولت اتفاهم معهم في الاوتيل ماكان احد وقتها يتكلم انجليزي ولا عربي ولاشي كنت اتكلم انجليزي وعربي اي شي ،،محد فهم علي التاكسي اللي طلبته فهم مني كلمة ( اجينسي ) ووصلني لوسط المدينه ومن هناك رحت لمحل تأجير سيارات وصاحبه المحل انسانه طيبه واخلاق هي دورت واحد يتكلم عربي وفعلا تفاهمنا واخذت سياره بسواق اليوم ب ١٠٠ دولار والله يعافي ويوفق الشباب والبنات اللي في العرب المساافرون كانو بتقاريرهم الجميله هم المرشدين السياحين لي وقتها نسيت اقول جنب النوفوتيل في سوق حلو ،، تمشينا في طرابزون رحنا حدائق الشاي جلسات جميله من فوق الجبل ورحنا بحيرة سيراغول لعبوا العيال ودخلت المطبخ حق المطعم اتعلم طبخاتهم ههههههه رحت اوزنجول تبعد ٩٠ كيلو عن طرابزون لكن الطريق ما تحس فيه كل شوي يا نهر يا شلال تضطر توقف عشان تستمع بجمال الطبيعه الاجواء رائعه هناك وصوت الاذان مع الطبيعه الجميله له وقع في النفس لايمكن تنساه آيدر ابعد من اوزنجول لكن تستاهل الروحه هناك وطريقها اجمل لانك تمر بمدن صغيره فيها مطاعم وجلسات حلوة فيه ايضا قلعة صامويلا وهي عبارة عن كنيسه مبنيه بين الجبال الشاهقه تخفيها الاشجار العاليه وقتها ما كنت اعرف انها كنيسه ورفضت دخولها وبعد عيالي رفضوا كانو المسيحين يختبؤون فيها خوفا من المسلمين ايام عز الاسلام ،،، قبلها فيه مطاعم والنهر تحتها جلسنا فيها وقضينا وقت جميل وممتع ١٠ ايام تكفيك ان شاء الله في طرابزون مدينه جميله امن وامان ما فيها خوف والامور هناك سهله ،، ناسها خدومين وطيبين تمنياتي لك برحله سعيدة وممتعه |
| الساعة الآن 02:41 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO