شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   تركيا (https://www.arabtrvl.com/vb/f314.html)
-   -   مشكلتي مع طيران بيجاسوس (https://www.arabtrvl.com/vb/t36081.html)

Reem92 19-07-2018 05:11 PM

مشكلتي مع طيران بيجاسوس
 
السلام عليكم ورحمة الله وبركاته

بالأمس حجزت تذاكر الى اسطنبول مطار صبيحه
لخمسة اشخاص عن طريق موقع طيران بيجاسوس وتم سحب المبلغ عن طريق الفيزا
ولكن لم استلم اي ايميل وما لحقت اصور رقم الحجز ولا اي شي
مدري يمكن اني كتبت الايميل خطأ😢

اتصلت بفرع دولتي قالوا ان صعب بس بيردون علي يوم الثلاثاء

الحين شسوي هل في خيار اخر اطلع الحجز عن طريق رقم الهاتف؟
رسلت ايميل بس ما حد رد
وكيف اتأكد اذا الحجز موجود او ملغي

اللي عنده الخب ه ارجوا المسااعده

guapa 19-07-2018 07:48 PM

ابحثي عن الحجز في الايميلات غير الهامة قد تكون هنالك
او ارسلي ايميل لنفس الطيران استفسري منهم, وإرفقي اسمك الكامل والايميل حقك والرحلة من أي مدينة الى أي مدينة وان شاء الله يتجاوبون معك

صقرحر 19-07-2018 09:12 PM

وعليكم السلام
باذن الله الاخوه والاخوات الاعضاء يرشدونكم الى الحل الأمثل
لو تكرمتم كنت ناوي احجز عن طريق طيران بيجاسوس من اسطنبول الى طرابزون لكن لااعلم ماهي افضل خطوط والارخص

Aleen 20-07-2018 07:48 AM

اقتباس:

المشاركة الأصلية كتبت بواسطة صقرحر (المشاركة 417728)
وعليكم السلام
باذن الله الاخوه والاخوات الاعضاء يرشدونكم الى الحل الأمثل
لو تكرمتم كنت ناوي احجز عن طريق طيران بيجاسوس من اسطنبول الى طرابزون لكن لااعلم ماهي افضل خطوط والارخص

نفس السؤال احتاج اعرف كم سعر التذكرة من اسطنبول الى طرابزون ؟؟
و أي الخطوط أفضل ؟

محب طيبة 20-07-2018 10:43 AM

افضل خطوط التركية
تدخل موقعهم وتحدد الأيام
والعدد ويطلع لك السعر
زي
ما نحجز مثلا من المدينة للدمام
يوجد كذا سعر حسب اليوم والعفش
والخطوط سعودية او ناس
ترى المسالة سهالات وواضحة
شوية بحث وتحدد رغباتك ووجهاتك
وما يناسبك والله ييسر للجميع يارب

OLGA 20-07-2018 10:58 AM

اذا تم الحجز وو سحبو المبلغ اكيد بتكون معلوماتك عندهم
حاول تتواصل معاهم اكثر من مره سواء الاتصال على فرعهم او ارسال ايميلات بلغهم بمشكلتك
وو بلغ البنك عشان لو ماصار الحجز يردون المبلغ

Gunner10 20-07-2018 01:33 PM

حاولوا تتصلوا على مكتبهم بدولتكم

انا صارت معاي مشكلة بالحجز وكلمت مكتب الكويت وحلوا المشكلة

Reem92 22-07-2018 06:00 PM

مشكورين جميعا على تعاونكم

اتصلت بالفرع ما فادوني بشي

رسلت ايميل للطيران نفسه من الموقع

وطلبو بيانات مثل المبلغ وتاريخ ووقت اللي حجزت فيه وأول اربع ارقام من بطاقة الفيزا اللي استخدمتها
ورسلتلهم والحمدلله رسلوا لي التذكره

OLGA 23-07-2018 01:29 AM

الحمدالله خبر حلو وو ان شاءالله اجازه سعيده 😊

توبليرون 23-07-2018 01:40 AM

اقتباس:

المشاركة الأصلية كتبت بواسطة Reem92 (المشاركة 418388)
مشكورين جميعا على تعاونكم

اتصلت بالفرع ما فادوني بشي

رسلت ايميل للطيران نفسه من الموقع

وطلبو بيانات مثل المبلغ وتاريخ ووقت اللي حجزت فيه وأول اربع ارقام من بطاقة الفيزا اللي استخدمتها
ورسلتلهم والحمدلله رسلوا لي التذكره

الحمدلله ورحله موفقه


الساعة الآن 06:09 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO