|
اذا ماعليكم امر ممكن تساعدوني السلام عليكم مساء الخير .. اذا ماعليكم امر انا اول مره اسافر لـ إسطنبول وراح اقعد 7 ايام بالضبط وابعرض لكم الاماكن اللي ابغى اروح لها بس ماني عارفه ممن وين ابدا ابي من اخواني وخواتي يساعدوني بهالنقطه 1 سبتمبر ان شاء الله رحلتي والرجوع 8 سبتمبر ابي احجز فندق غوليتش قريب من السلطان احمد اذا احد سكن فيه يعطيني رايه بكل صراحه وابي اعطيكم الاماكن وابيكم ترتبونها لي من قربه لبعض بحيث اكون طول اليوم بهذه المنطقه وشكراً قصر توباكابي +اياصوفيا +جامع الازرق جزيرة الاميرات+ متحف بنوراما +رحلة البسفور +قصر دولما باشا تلفريك ايوب ميني تورك +مول فروم + رحلة شيل اغو + رحلة سبنجا + رحلة بورصه ويعطيكم الف الف عافية وصح نسيت اسال معي بنتي وتين عمرها 10شهور اقدر اخذ معي عربيتها يعني ماراح يسبب لي قروشه وكذا |
وعليكم السلام ورحمة الله وبركاته، من تجربة سابقة جزيرة الاميرات لا تستحق الزيارة ، وحتى ميني ترك .. بورصة وسبانجا انصح بالمبيت فيها ، في منطقة اورتاكوي على مجمع مطاعم مطل على البحر قريب من فندق راديسون بلو خرشة و زحمة ... والبركة في بقية الأعضاء لإبداء رأيهم واقتراحاتهم ... تحياتي |
اهلا بك يوم : توب كابي + متحف بانوراما + رحلة البسفور يوم : ايا صوفيا + الجامع الازرق + دولمة بهجا يوم : جزر الاميرات + مول بالمساء يوم : ايوب + تلفريك بيرلوتي + مينيا تورك يوم : سبانجا يوم : بورصة يوم : شيلا اغوا اهم شي تنتبهي إن بعض المتاحف تغلق يوم بالاسبوع فتحاولي تختاري يوم مناسب رحلات بورصة وسبانجا وشيلا حاولي تخلي بينهم فواصل إذا بتروحوا مع قروبات بالنسبة لعربية الطفلة نعم تقدري تاخذيها بأي مكان بس أهم شي تكوني متقبلة إن سفر طفل بهذا العمر يحتاج تحمل وصبر بالتوفيق |
اقتباس:
|
اقتباس:
وشكرا على الترتيب ويعطيك الف عافية :e032: |
اهلا بك مبدئياً أنصحك طالما هذي خطتك السياحية إنك تسكني في منطقة سيركجي لأنها نقطة انطلاق جيدة للمزارات اللي محددتها بخطتك فيه نقطة ثانية مهمة بخصوص ترتيب المزارات .. ترتيب الأماكن المتجاورة أمر جيد ولكن فيه نقطة ثانية أهم وهي أن بعض المزارات التاريخية المتجاورة يصعب تغطيتها في يوم واحد حتى لو كانت متلاصقة بسبب توافد السياح والقروبات عليها بشكل كبير قبيل الظهر فبيضيع الوقت في الطوابير فالأفضل تروحي لمكان مو بعيد عنهم بالترام وفي حدود 4-5 محطات يكون أكثر هدوء فمثلاً توب كابي بتدخلوا الساعة 10 صباحاً وتنتهوا تقريباً الساعة 12 الظهر .. في هذا التوقيت تكون آيا صوفيا طوابير طويلة جداً .. فالأفضل تروحوا لمتحف بانوراما بالترام من أمام ساحة سلطان أحمد حوالي 10 دقايق تكون الزحمة أخف كذلك آيا صوفيا في يوم ثاني .. وبعدها تنتقلوا بالترام من أمامها لمدة 10 دقائق لدولمة بهجه بالنسبة لأيوب وتلفريك بيرلوتي متلاصقة أما مينيا تورك بتاكسي تقريباً 10 ليرة الأمر الأخير لابد تقسمي يومك السياحي لفترتين أولى ... تبدأ 9.30 حتى قبيل العصر ثانية .. قبل المغرب حتى المساء بالتوفيق |
تروحين وترجيعن بالسلامة |
| الساعة الآن 08:38 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO