شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   تركيا (https://www.arabtrvl.com/vb/f314.html)
-   -   تجربتي في مطعم Nusr-Et Steak House بالصور والفيديو (https://www.arabtrvl.com/vb/t7687.html)

عناقيد الربيع 10-06-2015 04:03 PM

تجربتي في مطعم Nusr-Et Steak House بالصور والفيديو
 
Nusret-Et Steakhouse Etiler




يوم الثلاثاء الموافق 21/4/2015


تمام الساعة 7:15 مساءْ


قرننا نروح لنصرت


من المنتدى القديم وانا حاطه في بالي اجربه


كل الشكر لـ اخوي مكة ع تقريره عن مطعم نصرت

الحمد لله جربته و لقيته :201:

وهذا تقريره



طريقة الذهاب للمطعم ..

كنا في الجانب الاسيوي رجعنا بالعبارة من ميناء اسكودار الى ميناء كاباتاش

استخدمنا كرت اسطنبول

اول شخص بـ 1.25 ليرة "عشان استخدمنا اكثر من وسيلة مواصلات في كل مرة تنوعون بالمواصلات تاخذون خصم"

اما ثاني شخص بــ 2.15 "اعتقد والله اعلم" ...

نصيحة خذوا كرت لكل شخص عشان تستفيدون من الخصومات

اخذنا تاكسي من كاباتاش الى اتلير

بعد معاناة

اول تاكسي قال 45 ليرة و حق المشوار اصلا لا يتجاوز الـ 15 ليرة وايام الزحمة 20 ليرة

سألنا ثاني واحد و انا لسه اكلمه سكر الجامة بوجهي قليل حياء

رحت لـ ثالث تاكسي سألته قال 80 ليرة ... نعم؟!

قلت له لاااا

قال نصرت واشر ع ايده ان نصرت غالي بتروحون تاكلون فيه وانا ما بتعطوني مبلغ بسيط

تف عليكم ....... ايوة تفل اللي ما يستحي

وقفل جامته ع طول ابوي عصب

تم يدق جامته لما فتح .. فر عليه كلينكس كان بيده ههههههههههههههههههههه

من القهر قال وديت اضربه ليش يتفل :(33):

طلعت براس ابوي قال ماني رايح بتاكسي شوفي باص بس

ابوي الله يخليك .. اخر واحد "راعي تاكسي" جا مسكين إلين عندنا

قال انا بشلكم يمكن 15 ويمكن 20 مش اكثر وبشغل العداد

لو طلع اكثر لا تدفعون "يتكلم إنجيليزي"

وركبنا معاه اول ما مشى وقفوا 2 قدام التاكسي

" صاحب اول تاكسي واللي تفل" معصبين عليه ليش تشلهم :(48):

قال عليهم مجانين ههههههههههههههههههه


الشارع ملياااااااان مطاعم منها الشهير P.F



ما صدقت وصلت واخيراااااااا

طلع الحساب 17.35 ليرة

ويستاهل احلى اكرامية :(89):


اول ما تدخل تشوف ع ايديك اليمين طاولات خارجية


و اول ما تدخل داخل المطعم تشوف هالمنظر المرعب "تذكرت سفاح تاكساس"



رحنا بدون حجز مسبق مع اني اعرف ان المطعم دائما فل قلت ربي بيسهلها من عنده ..

وقفنا نتريا دورنا بعد ما جوا اخذوا اسماءنا و قالوا الانتظار من ساعة الى ساعتين و الطاولة شير

طيب موافقين اهم شي ناكل ريش :(56):


واقفين بالدور اهل البلد و إماراتين "غيرنا" و سعوديين

قعدت اصور إلين جا دورنا

بعد 40 دقيقة قالوا لنا تفضلوااا من هنا ...

طول هالفترة وابوي يتحرطم

وش جابك ع المطعم ذا نوقف عشان لحم هههههههه

اللي جابني واحد اسمه مكة بالمنتدى يمدح فيه

ايوة انتي بس امشي وراهم و صوري و قوليلهم رحت وجيت بس عشان المنتدى :(39):

حتى لو قعدتي بالمكان 5 دقايق .. " زي امس بشارع بغداد" :(111):

طيب الحين خلنا في الاكل :yolks00740:اضايقتي امس من الشرب وهنا كلهم يشربون ؟!

ابوي المطعم حلو :bleh: النقاش معايا عقيم :(47):




يطبخون قدامك احلى شي





طاولتنا


وقعدنا و شفنا المنيو ما قدرت اصوره لان مقابلنا عائلة سعودية


والحرمة منقبه كل ما رفعت الفون شفت زوجها يطالعني

جتني دقة من ابوي من تحت الطاولة و اشر بعينه لا تصورين :(7):

وشوي وراحوا .... وجوا بدالهم زوجين سعوديين بسن الـ 45 تقريبا حبوبين الله يحفظهم

تعرفنا ع بعض وسولفنا عن نصرت اللي بدبي وان ناس من جماعتهم جربوه وقالوا غااالي دبل سعر اسطنبول والله اعلم

وسالفة تجر سالفة ... ناس ذوووووق خبرتهم عن المنتدى و عن تقرير الاخ مكة ..

المهم

اختيارنا كان ع حسب فلوسنا هههههههههه

نسينا نصرف ليرات

بس الحمد لله عندنا 6 فيزا

بس كثر ما نقدر ما حبيت نستخدم الفيزا

عشان نسيطر ع المصروفات شويتين :(89):


طلبنا سلطة اعتمدنا ع نصيحة النادل قال هذي افضل سلطة عندنا اعتقد اسمها نتوش

و ريش .. كنت ابا بعد طبق ثاني قال النادل حرام الريش تكفي 10 اشخاص

لو ما كفتك بعدين اطلبوا شي ثاني حرام ... وين نصرت عندك لو سمعك يفنشك :200:

"السلطة خطييييييييييرة اول مرة بحياتي أتلذذ بأكلها"


وديت اطلب صحن ثاني منها :201:ـــــــه


عيني مع الجماعة غصباً عني .....

هنا اذكرت تعليق اخونا مكة ع البنت اللي تناظر بصحنه :(41):

وهذا فيديو

https://www.youtube.com/watch?v=hPUwC7_5lEw






وصل طلبنااااا


فيديو

https://www.youtube.com/watch?v=4lRALVnuV2Q
















:201: فن فالتقديم :(127): :(89): :(127):



شفت الدم يسيل من الريش

اكل لحم نيييييي هذا وانا قلت له well done :(7):


وهذي الصورة بعد ما اعادوا طبخ الريش مرة اخرى



البطاط يجي مع الريش

وانا اكل ومندمجة منو يا وراي

نصرت قاعد يسلم و يسأل اللي ورانا لو ناقصهم شي و مر ع اكثر من طاااولة




وقت الحلو

فيديو

https://www.youtube.com/watch?v=xKzVAHYxGR0






بشكل عام ما احب الاسكريم "اخليه الين يذوب وبعدين اشربه بعد ان يتحول إلى عصير" :200:


عجبني كل شي :(127):




شفته حط قطعتين من شكلهم العجيب سكتت لو يحطهم كلهم ما أتكلم :essen:





عطاني انا الدبل .."ابوي رفض ياخذها" وانا ما اقول لاااا ابداااا :harhar1:

احلى بقلاوة ذقتها بحياااااااااااتي


ممتاز الاكل و السعر ع الخدمة جيد جدا

تدفع وانت مرتاح ما تتحسف ابدا

ونحن طالعين

شفت عمي نصرت واقف يسولف

جيت اصوره انتبه ههههههههه يالفشلة


سألني انتوا من وين بلغة الاشارة

جاوبته دبي دبي .. هز راسه و عطاني كرته

واشر ع فرعه بدبي

http://www.arabtrvl.com/vb/picture.p...ictureid=42725

http://www.arabtrvl.com/vb/picture.p...ictureid=42726

وهذا كرته عنده 6 فروع ما شاء الله

قلت له ان شاء الله بجربه في فندق فور سيزن بجميرا

تشكرات وروحنا

ولا يعرف ولا كلمة بالانجليزي و لا كان جاوبني وبطل بالاشاير :(41):

هذي كانت تجربني للمطعم

ان شاء الله يكون التقرير خفيف عليكم

" كتبته بشكل منفصل عشان ما أتاخر اكثر ع خالة أم معن "

للمزيد من المعلومات هذا رابط المطعم


دمتم بحفظ الرحمن

:(114):

PrinceOfPersia 10-06-2015 04:20 PM

رد: تجربي في مطعم Nusr-Et Steak House بالصور والفيديو
 
شئ رهييييييييييييييييييييييييب

الجو مايحتاج بس التقديم ولامكان شئ روعة بجد

وغرامي دوماً بالمشويات الريش...ياسلاااااااام

ألف ألف عااااااااافية عليكم وشكراً للتجربة المميزة

عناقيد الربيع 10-06-2015 04:35 PM

رد: تجربي في مطعم Nusr-Et Steak House بالصور والفيديو
 
اقتباس:

المشاركة الأصلية كتبت بواسطة PrinceOfPersia (المشاركة 119863)
شئ رهييييييييييييييييييييييييب

الا رهيب ونص


الجو مايحتاج بس التقديم ولامكان شئ روعة بجد

هههههههه اي الجو :(34): الحمد لله مافي حد شرب لحد الثمالة



وغرامي دوماً بالمشويات الريش...ياسلاااااااام

عيل لرحت ان شاء الله اسطنبول جربه او دبي

ألف ألف عااااااااافية عليكم وشكراً للتجربة المميزة

يعافيك ربي خيوو ... العفو


تسلم ع المرور الحلوووو

دمت بحفظ الرحمن

ليمونه حزينه 10-06-2015 04:36 PM

رد: تجربتي في مطعم Nusr-Et Steak House بالصور والفيديو
 
ياجمال الصور والبقلاوه اخ الجوع كافر والحلى للحلى ما يتوالمون تصير معركه ابي ابي بقلاوة واي كريم مع حرارة الجو وينك يانصرت دبي عن نصرت تركيا الفرق واضح ماشاءلله
عليكم بستين عافيه والفال لي اروح واكل منورووو
اما سالفة التصوير والتحلطم خذ وعد هههه انا الفراخ اهي اللي تتحلطم وبعدها تعودووووو للمنتدى للانستقرام اذا ماصورت اهم يذكروني ههههه صج بلشه
سلمت اناملك ع التقرير

خالة أم معن 10-06-2015 04:44 PM

رد: تجربتي في مطعم Nusr-Et Steak House بالصور والفيديو
 
أنا مو عارفه أعبر عما يجول بخاطري
بس أنا أكيد مدمرة نفسيا وعاطفيا :(3):
تسلميلي عنقودتي الصغيرة على كل حرف كتبتيه، تسلميلي عشان عيشتيني الجو حتى حسيت أني أكلت معكم :(37):
الله يرضى عنك ويسعدك يارب
بس سؤال صغير، هو أنا حسيت أنه كمية الريش مهولة ولا أنا متهيألي؟
حبيبة قلبي شكرا جزيلا أحلى عنقودة في المنتديات كلها
يزاج الله خير الغالية

fanda 10-06-2015 04:52 PM

رد: تجربتي في مطعم Nusr-Et Steak House بالصور والفيديو
 
شي اليييييم صراحه ينسي التفله :shutup:
اشوه نزلتيه قبل رمضان لا نشوفه واحنا صيام

عليكم بألف عافيه

فتاة الدمى 10-06-2015 04:54 PM

رد: تجربتي في مطعم Nusr-Et Steak House بالصور والفيديو
 
عنقودة وش هالتعذيب صحتين وعااافية يارب

ايوة انتي بس امشي وراهم و صوري و قوليلهم رحت وجيت بس عشان المنتدى (هذه نفس كلمة أمي وطبعا في سبات تشملني وتشمل المنتدى هههههههههههه :(148): )

السلطة لذيذة جدا أنا كمان حبيتها

صراحة المطعم ماعليه كلام غير المشروبات الكحولية بس

ليه ماجبتيلي بقلاوة معاكي أنا بس بروح عشانها شهيتيني عليها اممممممممم

تستاهل الخالة أم معن

يلا بانتظار جديدك دوما

عناقيد الربيع 10-06-2015 04:58 PM

رد: تجربتي في مطعم Nusr-Et Steak House بالصور والفيديو
 
اقتباس:

المشاركة الأصلية كتبت بواسطة ليمونه حزينه (المشاركة 119870)
ياجمال الصور والبقلاوه اخ الجوع كافر والحلى للحلى ما يتوالمون تصير معركه ابي ابي بقلاوة واي كريم مع حرارة الجو وينك يانصرت دبي عن نصرت تركيا الفرق واضح ماشاءلله


ههههههههههههه عذبتج الصور .. سمعت ان نصرت فاتح بالكويت بس لما عطاني الكرت ما شفت اي فرع بالشرق الاوسط غير في دبي :205:

تعالي دبي و لج مني احلى عزيمة ع نصرت وعد :(149):


عليكم بستين عافيه والفال لي اروح واكل منورووو

يعافيج ربي ان شاء الله حبيبتي تروحين اسطنبول قرررريباااا و اجربينه و تكتبين لنا احلى تقرير واللي بدبي علي انا اعزمج عليه انتي وبقية الخوات :(94):


اما سالفة التصوير والتحلطم خذ وعد هههه انا الفراخ اهي اللي تتحلطم وبعدها تعودووووو للمنتدى للانستقرام اذا ماصورت اهم يذكروني ههههه صج بلشه
سلمت اناملك ع التقرير

هههههههههههههه احلى بلشه :205:



تسلمين ع المرور الرائع

دمتي بحفظ الكريم يالغالية

عناقيد الربيع 10-06-2015 05:06 PM

رد: تجربتي في مطعم Nusr-Et Steak House بالصور والفيديو
 
اقتباس:

المشاركة الأصلية كتبت بواسطة خالة أم معن (المشاركة 119874)
أنا مو عارفه أعبر عما يجول بخاطري

فديتج خالة عبري عبري خذي راحتج :(94):

بس أنا أكيد مدمرة نفسيا وعاطفيا :(3):

تسلميلي عنقودتي الصغيرة على كل حرف كتبتيه، تسلميلي عشان عيشتيني الجو حتى حسيت أني أكلت معكم :(37):

الله يسلمج ويسلم غاليج ومغليج يااارب ... ان شاء الله نعزمج عليه بدبي :(149):

الله يرضى عنك ويسعدك يارب

ويرضى عنج ويسعدج .. يسلمو ع الدعوات الحلوة

بس سؤال صغير، هو أنا حسيت أنه كمية الريش مهولة ولا أنا متهيألي؟


الكمية كبيرة نوعاً ما لانها ريش بقررر ... بالراحة تكفي 4 اشخاص مو 10 نفس ما قال النادل :205:


حبيبة قلبي شكرا جزيلا أحلى عنقودة في المنتديات كلها

العفو يالغالية :(148):

يزاج الله خير الغالية


يجزينا ويجزيج حبيبتي

تسلمين ع المرور الاكثر من رااائع

دمتي بحفظ الرحمن خالوه

:(149):

عناقيد الربيع 10-06-2015 05:09 PM

رد: تجربتي في مطعم Nusr-Et Steak House بالصور والفيديو
 
اقتباس:

المشاركة الأصلية كتبت بواسطة fanda (المشاركة 119879)
شي اليييييم صراحه ينسي التفله :shutup:


ههههههههههههههه هي ما يت علينا يت ع الكرسي .. كل ما اذكره احس دمي يفور :yolks00340:


اشوه نزلتيه قبل رمضان لا نشوفه واحنا صيام

راح عن بالي ولا بأجله ههههههههههههههههه "نذله" :(94):


عليكم بألف عافيه


يعافيج ربي حبيبتي

تسلمين ع المرور الحلو

دمتي بحفظ الرحمن


الساعة الآن 02:02 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO