|
الفزعه من اهل الطيب السلام عليكم كيف الحال؟! حابه منكم تعملوا لي برنامج لمدة 15 يوم باسطنبول والمدن القريبه منها اللي م تحتاج للمبيت اروحلها وارجع في نفس اليوم وافضل مكان اروح له في العيد ايش ..نحنا عائلة مكونه من بالغين وطفل عمره سنتين و 4 شهور وطفله سنه و3 شهور ابغا اسماء المطاعم النظيفه وكم اسعار العبارات والاتوبيسات واد ابغى بطاقه للمترو من فين اطلعها انا راح اسكن بحي شيشلي وابغا اماكن تكون حلوه ورخيصه للهدايا وافضل محلات للبقلاوة وابغا خريطة اسطنبول معربه .. حابه اروح سبانجا وبورصه بس بنفس اليوم اروح وارجع تكفوا لا تقصروا معايا ولكم جزيل الشكر.. |
رد: الفزعه من اهل الطيب ودي أعرف اني رايحة رحلة شقى والا رحلة وناسة؟؟ ليش تبين تفرين كل الاماكن ورتجعين بنفس اليوم بورصه ويلوا وسبانجا هذي كلها الرجلة تحتاج الى 4 ساعات أقل شيء رايح جاي دامك بتاخذين فترة طويلة حاولي تنامين ليلة في كل مكان ولكن على العموم كل الاماكن اللي ذكرتيه تقدرين تروحينها وترجعين في نفس اليوم وتحتاج الى سيارة خاصة ماينفع تروحين مع المترو اذا بترجعين في نفس اليوم عشان الوقت |
رد: الفزعه من اهل الطيب 1- االبقلاوة - حافظ مصطفى هي الأفضل من وجهة نظري 2- رحلات سبنجا وبورصة إذا تبينهم بنفس اليوم - ممكن تروحينهم مع تور والشركات كثيرة بتقسيم وعلى سبيل المثال - رحلة لسبنجا من الساعة 9 الصباح لغاية الساعه 9 المسا بسعر 60 دولار 3- كرت المترو يباع في بعض اكشاك البقالات - وفي بديل للكرت موجود بداخل محطات المترو - عبارة عن عملة ( جوتن) تشترينه وتضعينه في كل مدخل لمحطة مترو والباص لا أنصحك به بتاتا |
رد: الفزعه من اهل الطيب وعليكم السلام ورحمة الله وبركاته حياكي اختي ولكن قبل البرنامج ١٥ يوم كثيرة على اسطنبول مافكرتوا تقسموا المدة بين مدينتين مثل انطاليا او الشمال التركي بالنسبة لبورصا وسبانجا مثل ماقال مشرفنا اطلعيها مع المكاتب السياحة تروح وترجع بنفس اليوم المطاعم مليانة في تركيا لاتحتاتي واغلبها نظيفة وخصوصا اذا بتسكني في شيشلي اطلعي على قسم مطاعم اسطنبول وعلى موضوع مشرفتنا زهرة نيسان مطاعم على قائمتي بالنسبة للهدايا عندك السوق المصري وشارع محمود باشا ومنطقة عثمان بيه بالنسبة لبطاقة المواصلات تقدري اطلعيها من نفس الاجهزة اللي تكون في محطات المترو واقرب محطة لك هي محطة شيشلي بس تحطي ١٠ ليرة في الجهاز وتختاري كرت اسطنبول راح يطلعلك الكرت وسعره ٧ ليرة وفيه ٤ ليرة والافضل تشحنيه بنفس الوقت بمبلغ معين وان شاء الله هذه اليوم بنزل طريقة شراؤه وشحنه بالصور أرسلت بواسطة iPhone بإستخدام Tapatalk |
| الساعة الآن 12:47 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO