|
فيزتي تهكرت والسفر بكرة..عاجل جدا السلام عليكم أنا سفري بكرة ان شاء الله حجزت السيارة وخصموا المبلغ.. وحجزت الفنادق كلها الغاء مجاني واخترت الدفع نقدا.. ما عدا فندق واحد غير قابل للاسترداد اول ما حجزته حاولوا يخصمون المبلغ بس الفيزا ماكان فيها مبلغ كافي وارسلولي انه فيه مشكلة في الخصم.. وعبيت الفيزا وحدثت بيانات الفيزا في حجز الفندق وبعدها وصلتني رسالة خصم مبلغ اقل من مبلغ الفندق وباسم غير.. استفسرت من البنك قالي انه من طرابزون بس طبعا الاسم غير قلت يمكن هو نفس الفندق.. هذا الكلام قبل يمكن 10 ايام او أقل.. وحجزت الطيران الداخلي وخصموا المبلغ وطلعت الفيزا التركية من النت والحمدلله.. لكن اليوم جاتني رسايل كثيرة عمليات شراء عن طريق استخدام الفيزا لمواقع ما اعرفها ولا تعاملت معاها ( مواقع امريكية ) بالمختصر الفيزا تهكرت وما عرفت ايش الحل طبعا الرصيد اللي فيها صفروه واتصلت ع الراجحي قالي الموظف دوام الفروع كلها يوم الأربعاء ع اساس اقدم شكوى طيب انا سفري بكرة ايش الحل؟ وللاسف ما عندي فيزا غيرها وماني عارف هل ممكن الفنادق يطلبون مني الفيزا ولا احاسبهم كاش وخلاص؟؟ هل السيارة يحتاجون الفيزا رغم انهم خصموا كامل المبلغ ما عدا قيمة التأمين هل لو اخذت فيزا لشخص ثاني ممكن تمشي ولا فيها مشاكل؟؟ علما اني للحين ما لغيت الفيزا http://www.sfari.com/forums/images/smilies/051.gifhttp://www.sfari.com/forums/images/smilies/051.gifhttp://www.sfari.com/forums/images/smilies/051.gif |
رد: فيزتي تهكرت والسفر بكرة..عاجل جدا عليكم السلام تطمن اخوي امورك تمام ان شاء الله ولا تشيل هم شي الامر بسيط الفنادق تسددها كاش ما فيه أي مشكلة عندك مشكلة في التأمين على السيارة بس حاول انك تشرح لهم المشكلة و تدفع لهم كاش الفيزا بما انها لا يوجد بها رصيد لا تستعجل في الغاءها اما فيزا شخص اخر ما تمشي |
رد: فيزتي تهكرت والسفر بكرة..عاجل جدا اخوي يا ليت تذكر اسم الموقع اللي حجزت منه الفنادق والسيارة |
رد: فيزتي تهكرت والسفر بكرة..عاجل جدا لو قدمت شكوى يوم الأربعاء بداية العمل فسيوقف المصرف صرف المبالغ التي لم تصرفها أنت المهم أنك تبادر مستعجلا حتى توقف عملية الصرف و بعد ذلك يجب تغيير الفيزا |
رد: فيزتي تهكرت والسفر بكرة..عاجل جدا اقتباس:
|
رد: فيزتي تهكرت والسفر بكرة..عاجل جدا عزيزي مع رأي الأخ الردادي ..لا تلغي إلا لما تستلم السياره وبعدين من النت ألغى البطاقه ...وتفاهم مع البنك وراح يكون فيه تعويض لك عن المبالغ المخصومه إن شاء الله... |
رد: فيزتي تهكرت والسفر بكرة..عاجل جدا ان شاء الله خير والله ييسرها.. الفنادق كلها حجزتها من بوكينج والسيارة من موقع avis أنا قلت اخلي الفيزا ع اساس اذا طلبوها مني يكون واضح انها شغالة بس ماراح احط فيها اي مبلغ..ولمن ارجع بالسلامة الغيها ع طول واقدم شكوى بالمبلغ اللي راح.. فما ادري اذا تصرفي صح ولالا؟؟ وللأسف هذي ثاني مرة تتهكر علي.. الأولى تهكرت قبل كم شهر وانا وقتها كنت حاجز فيها الفنادق وكان فيها تقريبا 40 ريال واللي هكرها كان يشتري بمبالغ اكثر وتجيني رسايل انه المبلغ ما يكفي واتصلت ع البنك ولغيتها فورا وطلعت فيزا شحن جديدة ودخلت ع بوكينج وغيرت بيانات الفيزا القديمة.. وهذي المرة اودعت فيها مبلغ 2700 ريال ع اساس الفندق في طرابزون يسحب منها 1500 والباقي للاحتياط لكن انخصم منها 1100 بإسم فندق غريب ومو معروف ( هل يمكن وقتها تهكرت او الفندق خصم المبلغ من فندق ثاني وطلعلي اسم الفندق الثاني؟ خاصة انه الفندق اللي حجزته جديد ) اتصلت الحين ع بوكينج واستعلمت قالي مو واضح عندنا شي واتصل بالفندق بس محد يرد.. وقالي انه بيرسلهم ايميل ويتأكد اذا هم اللي خصموا ولالا ويرد علي. وباقي المبلغ راح بسبب التهكير.. احس بتردد وخوووف وتوتر مرررررة الله يستر |
رد: فيزتي تهكرت والسفر بكرة..عاجل جدا طيب ياخى للفائده شو المواقع الى تعاملت معها ومن بعدها تهكرت البطاقة ثانيا عندنا في الامارات فى نظام حلو مو عارف اذا موجود فى كل لبنوك ام لا الفيزا عندى شغاله فقط محلي داخل الامارات واذا ابا افتح اى دوله اتصل فيهم يفتحوها لى للفتره الى انا اطلبها ومجرد ماارجع من السفر ارد اسكرها مره ثانيه وحتى اذا احد عنده بيانات الفيزا ما يقدر يستعملها اون لاين لان عليها رقم سري واحس هذا اامن وافضل |
رد: فيزتي تهكرت والسفر بكرة..عاجل جدا يا ساتر ثاني مره تتهكر ............ اخوي الحاتمي شوف الجهاز اللي تستخدمة في عمليات الحجز و الفيزا يبدوا لي انه مخترق واي استفسار يجيك عن طريق البريد الالكتروني يقول لك بيانات الفيزا غير صحيحة او شي من هذا القبيل ويرسل لك رابط لا تستخدم هذه الروابط انما اذهب للموقع مباشرة اللي حجزة منه وعدل هناك |
رد: فيزتي تهكرت والسفر بكرة..عاجل جدا اتوقع والله اعلم إنك مخزن بيانات الفيزا من رقم البطاقه وتاريخ نهايتها والارقام الثلاثه الخلفيه بموقع حجوزات سواء بوكنق والا غيره علشان تختصر على نفسك الوقت ماتجلس تسجلها مره ثانيه اذا حبيت تحجز اذا انت مسوي هالشي فهو سبب رئيسي للأختراقات الله يعوضك خير |
رد: فيزتي تهكرت والسفر بكرة..عاجل جدا يمكن جهازك اهو المهكر عشان جي المهكر قام يعرف بياناتك ويستخدمها معقوله مرتين تتهكر الفيزا .. شنو المواقع الي تتعامل معاها :(38): |
رد: فيزتي تهكرت والسفر بكرة..عاجل جدا رحلتي الصباح والله يستر وتعدي ع خير.. انا فيزتي جديدة تعاملت مع بوكينج وموقع avis ومرة اشتريت غرض من موقع امازون وطلعت فيها الفيزا وحجزت الطيران الداخلي .. فعلا انا مسجل بياناتها في بوكينج عشان يسهل علي الحجز يمكن يكون هو السبب.. |
رد: فيزتي تهكرت والسفر بكرة..عاجل جدا اذاُ الغي حفظ البيانات ولاتحفظها بأي موقع |
رد: فيزتي تهكرت والسفر بكرة..عاجل جدا الله المستعان .. إذا هذي ثاني مرة تأكد من جهازك اللي تستخدمه فرمته وإذا فيه اشياء مهمة حطها في فلاش ميموري الله يكون بعونك Sent From Samsung Galaxy S6 |
رد: فيزتي تهكرت والسفر بكرة..عاجل جدا ما هنا خوف ان شاء الله اذا استلمت السياره الغي الفيزا مباشره ومن هناك راسل بنكك وقولهم فيه عمليات مشبوهه صارت علي وآمل التعويض بيخضعون شكواك عند قبولها لـ 45 يوم عمل تدقيق علي الشكوي وصحه السحب ما اتوقع حفظ البيانات في بوكينق له دور |
رد: فيزتي تهكرت والسفر بكرة..عاجل جدا مديرنا الفاضل كل عام وانت بخير اكثر من شخص تعرضت بطاقته للاختراق ويقول كنت حافظ بياناتي بالبوكنق احدهم تعرض لسرقة 8000 ريال بيوم واحد يقول اني لم ادخل الا موقع الخطوط التركيه والبوكنق فقط للحجز وبالاخير اتضح انه مخزن معلومات الفيزا بالبوكنق |
رد: فيزتي تهكرت والسفر بكرة..عاجل جدا هل هي الفيزة المحفورة ارقامها او التي ارقامها مطبوعة طباعة كبطاقة الصراف العادية؟ انا لي فترة استخدمها مع اني مخزن معلومات البطاقة بالبوكنق ولله الحمد لم يسبق تهكيرها انا اقصد التي محورة ارقامها |
رد: فيزتي تهكرت والسفر بكرة..عاجل جدا المشكلة ليست في بوكنق المشكلة في الأجهزة التي تعج بالالاف الفيروسات وبرامج التجسس مشكلتنا نتعتمد على البرامج المهكره ونهمل برامج الحماية معظم الاختراقات يكون مصدرها البرامج المهكره ورسائل البريد الالكتروني لذلك احرص في هذا الجانب لاتفتح روابط من اشخاص لا تعرفهم في البريد الالكتروني وحافظ على التحديثات وبرامج الحماية |
رد: فيزتي تهكرت والسفر بكرة..عاجل جدا الحمدلله عدت الامور طبعا شركة avis رفضوا ياخذون التأمين كاش لازم بالفيزا وانا فيزتي خليتها شغالة بس مافيها فلوس وطبعا لغيت الحجز وقالولي المبلغ بيرجع خلال ١٠ ايام. واستأجرت من شركة ثانية وحاسبتهم كاش بدون فيزا. وبالنسبة للفيزا اللي هكرها رجع حاول يشتري والبنك شك في العمليات ووقفها طبعا قالولي اي عملية شرائية انلغت عادي ترجع الفلوس بس ما اقدر اشتري فيها. واذا رجعت ان شاء الله اقدم شكوى بالمبلغ اللي راح. |
رد: فيزتي تهكرت والسفر بكرة..عاجل جدا اقتباس:
اهم شي لا تمشي من عنده الا التأمين في يدك والا الله يعوض عليك ما راح يرجع راح يقولون عطنا حسابك ونحوله عليه بعد الاستفسار عن المخالفات المرورية الله ييسر امرك |
رد: فيزتي تهكرت والسفر بكرة..عاجل جدا اقتباس:
لا مو هذي الشركة. الحمدلله رجعت السيارة وكان الموظف واقف عند باب المطار شيك ع السيارة وعلى طول رجعلي التأمين. الحمدلله. |
رد: فيزتي تهكرت والسفر بكرة..عاجل جدا ما شاء الله تبارك الله ممتاز يا ليت تذكر اسم الشركة حتى يستفيد منه الاخوة الأعضاء . . ترجع بالسلامة |
رد: فيزتي تهكرت والسفر بكرة..عاجل جدا الحمد لله على السلامة والتياسييير :) ياليت فعلا أسم الشركة لا هنت للفائدة وكذلك نبي السعر ومعلومات أكثر جزيت خيرا |
رد: فيزتي تهكرت والسفر بكرة..عاجل جدا اسم الشركة والله ناسيها اعتقد Bdr او Brd ناسي بالضبط الاسم بس محلهم يكون في يسار شركة يورب كار بالضبط. والسعر تقريبا ١٢٠٠ ريال لمدة ٧ ايام ديزل قير عادي بدون التأمين. استلمتها كان الديزل فاضي وسلمتها فاضي ( كرفتها وبقوووة ) استلمتها في الليل وفي اليوم الثاني اكتشفت انه المكيف فيه مشكلة كان الهواء جدا ضعيف كأنه مو شغال وانا كنت متوجه لاوزنجول مريتهم وبلغتهم عن المشكلة قالوا الحين مو متوفر بس اعطينا اسم فندقك وابشر بكرة تلاقي سيارة بديلة عند الفندق ولمن بلغتهم اني رايح لاوزنجول اخذ الموظف السيارة وراح تقريبا نص ساعة ورجع الظاهر صلحه واستلمتها وكان المكيف كويس. الحمدلله ربي عوضني رغم خوفي بسبب الفيزا. |
رد: فيزتي تهكرت والسفر بكرة..عاجل جدا الحمد لله تصرّف جيد منهم وربي يعطيك العافية يا غالي |
رد: فيزتي تهكرت والسفر بكرة..عاجل جدا اقتباس:
كان ماني واهم ان هالمكتب هو K&K حسب ماذكر احد الأخوه يجي يسار يوروب كار لوحته حمرا http://im43.gulfup.com/3vYPA3.jpg اذا كان هو احمد ربك انك عتقت من سرقتهم لك واحتيالهم |
رد: فيزتي تهكرت والسفر بكرة..عاجل جدا اقتباس:
هلابك ياغالي انا متأكد انه مو k&k ومحله بالضبط يسار يورب كار. يمكن K&k غيروا مكانه لوحة المحل ابيض مو نفس اللي في الصورة. |
رد: فيزتي تهكرت والسفر بكرة..عاجل جدا صار معاي موقف مشابه قبل فترة قصيرة الظاهر قاموا يرسلون ملفات تجسس على الكمبيوتر بحيث يعرف بيانات بطاقتك اثناء استخدامها لأن السرقة صارت بعد ما استخدمت الفيزا بالنت وأوقفت الفيزا مؤقتاً عن طريق الإتصال بالبنك ثم راجعتهم وكان في محاولة ثانية للسرقة بس لأني وقفت البطاقة فعملية السارق صارت مرفوضة وموظف البنك اقترح حلين الحل الأول استخراج بطاقة بدل ضائع وهو الحل الأسرع لأن البطاقة الجديدة راح تكون بأرقام مختلفة وبعدها تغير بيانات حجوزاتك بالبطاقة اليديدة الحل الثاني استخراج بطاقة فيزا جديدة وإلغاء القديمة وبعدها نفس الشي تقدر تغير بيانات البطاقة في حجوزاتك كتبت تجربتي لعلها تفيد بشيء |
| الساعة الآن 03:01 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO