|
استفسار عاجل بخصوص قوقل ماب .. انا في طرابزون السلام عليكم احتاج مساعدتكم عاجلا الحمدلله وصلنا طرابزون ع خير واستأجرت سيارة وكنت معتمد بعد الله ع قوقل ماب لكن للأسف يعطيني الطريق بشكل عام وبدون توجيهات لفظية. مرة لخبطني ولا عرفت ايش اسوي هل له طريقة معينة؟ علما اني استخدمه بكثرة في السعودية وماشي معاي تمام بس مدري ايش المشكلة هنا |
رد: استفسار عاجل بخصوص قوقل ماب .. انا في طرابزون عليكم السلام . . الحمد لله على السلامة . . استأجر قارمن من شركة تأجير السيارات وريح نفسك المناطق الريفية أحيانا لا يوجد بها ارسال او التغطية ضعيفة سعر الايجار بسيط جداً |
رد: استفسار عاجل بخصوص قوقل ماب .. انا في طرابزون الحمد لله على سلامتك اخوي الحاتمي وان شاء الله امورك تكون على احسن حال وموضوع الفيزا مايكون اثر على سفرتك وجميع حجوزاتك,ان شاء الله الاخوان مايقصرون معاك وراح يردون على كافة استفساراتك واتمنى لك التوفيق وياليت تنقلنا اخبارك أول بأول استمتع باجواء طرابزون يالغالي |
رد: استفسار عاجل بخصوص قوقل ماب .. انا في طرابزون الحمد لله ع السلاااااامة اعتمدت ع قوقل ماب في التوجه الى الفنادق كان ممتاز ... كبر الخريطة و امش عليها .. التوجيهات اللفظية اممم اعتقد غير متاحة ... اللوح وووواضحة وسهلة جدا لو انت عندك فكرة عن المناطق بشكل عااام ... خل اللي بجنبك يركز ع الخريطة وانت سوق الله يوفقكم ويسعدكم |
رد: استفسار عاجل بخصوص قوقل ماب .. انا في طرابزون حمل سايجك على جهازك يوجد فيه ارشادات صوتية بالتوفيق |
رد: استفسار عاجل بخصوص قوقل ماب .. انا في طرابزون غريبة التوجيه الصوتي غير شغال .. جرب تدخل ع الاعدادات ثم إعدادات التوجيه .. وجرب تشغل الصوت وإذا ما تكلم التوجيه الصوتي فاعمل تكبير للخريطة و امش ع الطريق المرسوم .. بالعادة قوقل ماب يشتغل الصوت عادي في اي مكان أهم شيء الطرق تكون مرسومة. Sent From Samsung Galaxy S6 |
رد: استفسار عاجل بخصوص قوقل ماب .. انا في طرابزون دكتور طارق سايجك في الشمال التركي ما ينفع يقطع |
رد: استفسار عاجل بخصوص قوقل ماب .. انا في طرابزون التوجيه الصوتي مايشتغل بتركيا سبق جربته زي ماقالوا الاخوان اعتمد على الخريطه بدون توجيه والديره سهله بدون قارمن وغيره |
رد: استفسار عاجل بخصوص قوقل ماب .. انا في طرابزون راجع موضوعي هنا http://www.arabtrvl.com/vb/t8022.html ونزل النسخة المعدلة من جوجل ماب للاندرويد وبعد التحميل سيظهر لك تطبيق جديد باسم MapN تحياتي |
رد: استفسار عاجل بخصوص قوقل ماب .. انا في طرابزون مشكورين وما قصرتوا ولله الحمد رحت لاوزنجول ومرتفعات السلطان مراد واليوم زرت ايدر ورجعت طرابزون والفضل لكم بعد الله. وباقي الاماكن بحاول انزل النسخة المحدثة لقوقل ماب واجرب واذا ما نفع بمشي عليه بدون صوت والله ييسرها. بالنسبة للفيزا ما اقول الا حسبي الله ونعم الوكيل وان شاء الله الموضوع خيرة اول صدمة موقع avis طلب مبلغ التأمين بالفيزا ورفض نهائيا الكاش وانا طبعا فيزتي صفر بسبب اللي هكرها وحاولت معاهم مرة رفضوا اضطريت الغي السيارة وقالولي المبلغ حيرجع خلال ١٠ ايام. ولفيت ع الشركات لقيت شركة ناسي اسمها يقبل كاش وبدون فيزا والحمدلله مشيت الامور. طبعا بعد يوم رجع مبلغ بسيط في الفيزا واللي هكر رجع يحاول يشتري وفي الاخير البنك وقفها لانه يدخل كلمة السر غلط وقالولي اي عملية شراء انا لغيتها عادي ممكن ترجع الفلوس لكن هم وقفوا الشراء والحمدلله ارتحت واول ما اوصل ان شاء الله بقدم شكوى بالباقي اللي ما رجع. |
| الساعة الآن 04:48 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO