|
مطاعم اسطنبول هناك مطاعم شهيرة باسطنبول مطعم هاتاي سوفرجي هل هو شبيه بمطعم المدينة ومن الافضل او انه يجب زيارتهم مطعم المدينه عرفت ان له فرع بشارع الاستقلال لكن مااسمه المعروف؟وهل الافضل هو بشارع الاستلال ام الحاج عبدالله؟ مطعم هاتاي سوفرجي ماعرفت موقعه وهو قريب من اي منطقة اثناء التمشية منطقة السلطان احمد ابهم افضل مطعم مطعم كبابجي محمود او السلطان احمد كفتجي ؟؟؟وهل هناك اميز بالمنطقة مطعم حسنو علاء husnu ala قرأت انه قريب من جامع السليمانية يعني قريب من اي منطقة ؟حتى نستطيع ترتيب جدول الرحلة مطعم حمدي ؟ مطعم الملك has kral كم له من فرع انا سمعت انو له فرع باكسراي ؟ وله فرع بفلوريا هل يعني انه قريب من المطار ومن حديقةفلوريا؟؟؟وهل له فروع اخرى اقرب لاماكن التمشيات المعتادة ؟ هل يغني عنه مطعن هاتاي سفرجي ومطعم المدينه؟ مطعم نصرت المميز الي باتريل وين ممكن نحطه بالجدول يعني هو اقرب لاي منطقة انا اعرف انه قريب من بيبيك بس هي مافيها شي للتمشية لو نحط جدولنا اول شي زيارة ميني ترك صباحا ثم الغداء بنصرت لان العشاء زحمة وبعدين التوجه الى تلفريك بيروليتي ومنطقة ايوب ايش رايكم ولا هم بعاد عن بعض؟ الاكواريوم قريب من اي منطقة؟ المطاعم الي ذكرتها فوق اتوقع كلها ماتنفع للافطار ولا لا ؟يعني الافطار هنك يكون بالكافيهات ؟خاصة اذا ماافطرنا بالفندق؟ ممطقة اوتاكوي افضل مطاعمها و مقاهيها المطلة على البسفور سمعت عن مطعم غاليك وكافيه هوكا و عشق ومطعم بلتاش لكن هل هذا قريب منهم ام بعيد لانه تحت الجسر الشارع الحيوي باورتاكوي هو نفسه الشارع المطل ع البسفور الذي به البطاطا والكريب والمقاهي والمطاعم المذكورة امينونو هل فيه او قريب منه مصطفى حافظ ؟ منطقة ترابيا قريبه من اي منطقة متى نستطيع ان نمر عليها وماهي اشهر مقاهيها او مطاعمها اذا كان هناك مايستحق العنوة والزيارة ام ان اورتاوي كافيه؟ |
رد: مطاعم اسطنبول نصيحه ابتعد عن المطاعم المشهوره عند العرب كلها نصب بنصب وو يدبلون السعر عليك .. :yolks00130: |
رد: مطاعم اسطنبول السلام عليكم اسمحي لي أختي الكريمه OLGA ان أسجّل لك كلمة اعجاب لإجاباتك لأنّي من المتابعين لردودك وحيث أني مسافر لتركيا أكثر من ١٥ مرّه وحايسها حوس بالسيّاره ساحلها الجنوبي وساحلها الشمالي ومسافر الى كثير من الدول في عدّة قارّات لذلك أقدّر ردودك وأرى أنها ردود خبيرة سفر |
رد: مطاعم اسطنبول اقتباس:
وانا بعد من محبين بلاد السلاطين وو زيارتي دايمه لها :yolks00290: لوول عاد خبيرة سفر مره وحده .. شكرا بصدق نفسي خبيره الحين :200: |
رد: مطاعم اسطنبول طيب عطيني اختي مطاعم بنفس المستوى مش اي كلام وتكون حلوة :200: وياليت الاجابةة على الاسئلة :(5): |
رد: مطاعم اسطنبول عندك قسم مطاعم تركيا بتجارب الاعضاء مطاعم حلوه وو نظيفه .. :(125): وو برايي هالمطاعم مو بهالمستوى الي متخيله اكلهم عادي ماخذين الشهره عند العرب من المكاتب السياحيه الي تروج لهم طبعا المكاتب ياخذون عموله منهم :yolks00350: يعني بوحده من هالمطاعم ممكن توصل فاتورتك 100 لي 300 ليره ! اذا مو اكثر :yolks00150: طبعا هاذي نصيحه وانت شوف الي يناسبك :(125): |
رد: مطاعم اسطنبول أخوي جكادي أختصر الكلام في أسئلتك من جد لخبطتني :yolks00100: الخلاصة من وجهة نظري أبتعد عن مطاعم الذين يتحدثون العربية واللي يسوقون لها شركات السياحة والتكاسي لأن لهم نسبة : بالإضافة إلى أنه بالأغلب مافي مصداقية في الفاتورة مطعم هتاي سوفراسي مطعم المدينة مطعم الملك محمود كبابجي ------------------ (مطعم حمدي ) اللي بأمينونو جلسته المطلة على أمينونو هي الجميلة أما أكلهم عادي ----------------------- مطعم نصرت - أعمل حسابك شخصين قد يكلفك 600 ريال ----------------------- أطلع أورتاكوي وأستكشف مطاعمها ------------------ منطقة ترابيا - فيها مطعمين مشهورين ( بيق شيف - ومطعم كاسيبي ) وأنا جربتهم أثنينهم وأفضل بيق شيف -------------------------- نصيحة أخوي قبل طرح أستفسارك حاول تفتح قوقل ماب وبتبين لك بعد الأماكن من مكان سكنك أو من أي مكان سياحي https://www.google.com/url?sa=t&rct=...99261572,d.bGg |
رد: مطاعم اسطنبول اقتباس:
|
رد: مطاعم اسطنبول Huqqa - من المطاعم الراقية لكن لا يطل بشكل مباشر على البحر Aşşk Kahve - مقهى - بصراحة زحمة ونفسية العاملين فيه ما حبيتها - ومستواه عادي بس جلسته حلوة http://www.arabtrvl.com/up/uploads/a...8456002421.jpg أنت لو تفتح قوقل ماب - ما راح تحتاج تكتب أستفسارك https://www.google.com/maps/dir/Kuru...7923!3e0?hl=ar |
رد: مطاعم اسطنبول يا حبي لكم قسم تبردون التسبد الله يسعدكم ما بعد كلامكم كلام شخصيا وبعد عدد كبير من الزيارات لم أزر أي مطعم معروف عند الربع لدرجة إن أم غسان تقول لي العالم كلها راحت مطعم المدينة وأنا ودي أشوفه قلت لها ، هل برأيك ندمتي على اي مطعم جرتبيه من قبل قالت لا والله :) ع كل حال ، أنا لي قاعدة في المطاعم لا أقصد مطعم بذاته واختار المواقع الجميلة على البسفور او الجزء الآسيوي او حتى في الإستقلال وبغداد وثانيا أشوف التسعيرة قبل والحمد لله تساهيل من رب العباد ع كل حال مطاعم البسفور جميلة وانصح بالمناطق اللي في الجزء الآسيوي منطقة غير مزدحمة وأسعارها ممتازة واللي على البحر أرخص بكثير من المعروفة وربي يسعدكم ويوفقكم |
رد: مطاعم اسطنبول مطعم المدينة جربته فرع شارع الاستقلال اكله جدا عااادي و سعره مبالغ فيه .. اللي يميزه ديكوره و موقعه بجانب الكنيسة فقط الملك عنده لحم بالجرة لذيذ جدا اما الباقي عادي جدا و الدجاج بالملح استغفرك يارب ما ينأكل و التبولة مش ولا بد ... ارخص من المدينة ... حسنو علاء جربته بس اطلالته حلوة وسعره عادي لا يستحق التجربة ... موجودة طريقة الذهاب اليه في تقريري الثاني عن اسطنبول .. و بالاول عن المدينة والملك حافظ مصفطى للحلويات "اعتقد قريب من السلطان احمد" سعره جيد اما بقلاوته حاليه ... الحلقوم عنده عجيييييييييب ... احلى بقلاوة عند فاروق غلو اغلو له فروع كثيرة منها بتقسيم بجنب حافظ منقطة اورتاكوي و ترابيا وسارير يستحقون الزيارة حاليا هذا اللي يحضرني والاخوان ما قصروا جزاهم الله خير الجزاء |
رد: مطاعم اسطنبول اقتباس:
أما البقلاوة بلا منازع محل Karaköy Güllüoğlu وبعدها في المستوى حافظ مصطفى أما الحلقوم فأن يعجبني koska بس بالكيلو مو المعلب |
رد: مطاعم اسطنبول وأغلب المطاعم المطله على البسفور تقدم خدمة الإفطار لأنه وجبة رسمية --------------------------- بس تعال ما قلت لنا وين حجزت السكن ومتى تاريخ سفرك ؟ |
رد: مطاعم اسطنبول اقتباس:
الناس اذواق ... كوسكا اتذكر عاشق اسطنبول ديما يمدحه باول سفرة شفته ونحن رايحين مشي لسلطان احمد قلت باخذ منه بالرجعه بس ما تذكرت مكانه هههههه خيرها في غيرها ... |
رد: مطاعم اسطنبول ماشاء الله ماقصروا الجميع ربي يسعدهم أنا أأيد كلام خبيرنا ماجد الفهد بالنسبة لمطاعم الجزء الآسيوي وتحديدا منطقة مينا بندك إذا رجعت اسطنبول ما أتوقع بزور مطاعم إلا بالجانب الآسيوي إطلالة تشرح النفس وأسعار معقولة جدا وأكل لزيز |
رد: مطاعم اسطنبول مشكورين جزاكم الله خير لكن الي يمدحون مطاعم الجزء الاسيوي السكن غالبا بالاوروبي فهل تتعنون كل يوم للأسيوي عبر الجسر |
مطاعم اسطنبول مافي تعني ولا شي اما تروحه بالمترو او العبارات شغالة على مدار اليوم من الصباح للساعة المسا بعدها من محطة المترو او المينا تاخذ تاكسي للمطعم احنا سكان القسم الاسيوي وشبه يومي كنا نروح الاوربي أرسلت بواسطة iPhone بإستخدام Tapatalk |
رد: مطاعم اسطنبول اقتباس:
ألا إذا كانت جولتي على قصر بيرلربيه وتل العرايس اللي بالجزء الأسيوي وشارع بغداد - ممكن أزور مطاعمهم |
رد: مطاعم اسطنبول قريت موضوع عن مطعم نصرت المشهور في اسطنبول فقال احد الاعضاء المشاركين ان سبب غلاء الوجبات في المطاعم المشهوره في تركيا انهم ينقعون اللحوم في الكحول او النبيذ كحول العنب المخمر وهذا السبب الذي يعطي لها نكهه وطراوه والله العالم |
رد: مطاعم اسطنبول اقتباس:
و بالمطاعم او الكافيهات يقولولك اذا فيه كحول وو صارت معاي بكافيه باسطنبول طلبت كيكه نبهوني قالولي ترا الي طالبتها فيها كحول هالنظام موجود باغلب دول الاوروبيه |
رد: مطاعم اسطنبول اقتباس:
معروفه وتقدرين تسالين عنها احد الطهاة او القصابين في تركيا وغيرها وهي غير طريقة سكب النبيذ على المقلاه عند الطبخ كما نشاهدها في برامج الطبخ لاشعال النار في المقلاه بل هي وضع مقدار من نبيذ الكحول مع مواد التنقيع للحصول على طراوة ومذاق اللحم واعتقد هذا فقط في المطاعم المشهوره لانه يكلف مبلغ وانا اخبرني قصاب تركي في منطقتنا بهذه الطريقه وتقدرين تدخلين على موضوع الاخ (مكه) في مطاعم تركيا مطعم نصرت باسطنبول وتقرين المشاركات التي تقول هذا الكلام سانسخ بعض المشاركات من الموضوع |
رد: مطاعم اسطنبول اقتباس:
...... اقتباس:
|
رد: مطاعم اسطنبول بالنسبة لمطعم الكببجي محمود عادي مافيه شي مميز لا اكل ولا ديكور الاكل حلو بس كثير مطاعم اكلهم نفس الامستوى مطعم السلطان احمد كفتجي مره مزحوووووم والمكان ضيق ومكتوب ومادخلته مطعم حسنو علا روحي له في اليوم الي راح تروحين للسوق المصري او السوق المسقوف حافظ مصطفى عند محطة ترام سيركجي تماما الاكواريوم في منطقة فلوريا يعني قريب من المطار انتي شوفي الجداول الي في تقريري دليلك في اسطنبول يسهل عليك عناء ترتيب الاماكن |
رد: مطاعم اسطنبول يجب الحذر من مطاعم اسطنبول من تجربه شخصيه كنت في احد المطاعم في اورتاكوي طلبت مشاوي و مقبلات وعصير أحضروا الأكل أولا وبدأنا بالأكل ناديت الجرسون ليأتي لنا بالعصير وأثناء الأكل قمت من مكاني وذهبت الى الحمام مع ابني مريت على المطبخ ولقيت العصير اللي طالبنه على الطاوله والجرسون ينفخ فيه..سألته وش تسوي وهل هذا العصير اللي انا طالبه..ارتبك وقال ان العصير حق العاملين في المطعم وليس للزباءن طيب ليش هو نفس العدد اللي انا طالبه ونفس النوع وحتى لو كان للعاملين انت ليش قاعد تنفخ فيه ؟؟ يعني انت تكذب وذهبت مسرعا الى العائله وطلبت منهم يوقفون اكل واخذت بيبسي على عددنا عشان اهضم الأكل اللي اكلناه.. كلمت الجرسون عشان ينادي صاحب المطعم وبعد 5 دقايق جاني صاحب المطعم يعتذر عن اللي حصل وانا العامل اخطأ وراح يعاقبه ومن هالكلام, قلت انا راح اشتكي للشرطه( طبعا ماراح اشتكي ولا شي انا ماجيت عشان ازور مراكز الشرطه)وراح انصح كل الناس ان يبتعدوا عن مطعمك ولايتعاملون معك كرر الاعتذار بشده واعتبر ان هذا التصرف غبي لايمثل المطعم والعاملين فيه وقال انا مراح اخذ منك ولا ليره....وبعدها صرت ما اكل الا وجبات سريعه المطعم في صفة المطاعم المطله على البسفور ما أذكر اسمه بس هو أصغر مطعم فيهم |
رد: مطاعم اسطنبول هذا الشغل العدل يا غالي ممكن إسم المطعم او وصفه حتى يتجنبه الناس ويا ليت تكتب ملاحظاتك كلها من موضوع واحد عشان الناس تستفيد نحن بذلك نستمتع أكثر ونتلافى مشاكل الغير وأخطائهم بارك الله فيك |
رد: مطاعم اسطنبول اقتباس:
للأسف اقتصرت زيارتنا لمعالم معينة بس في الجانب الآسيوي لكن اللي يستكشف صح راح يجد فيه كل ما يبحث عنه في اسطنبول وخصوصا انه أغلب المسلسلات التركية طلعت مصورينها في الجزء الآسيوي :(125): |
| الساعة الآن 05:43 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO