|
مساعدة في الفنادق وترتيب رحلتي بعد العد التنازلي السلااام عليكم مساء الخير لجميع اعضاء البوووابه لدي استفسارات عن الفنادق لاني محتار فيهم وهذي اول رحلة لي لتركيا فندق اربوي فندق يوروستار فندق نينا هوتيل وابغى رائكم بتقسيم الايام 3 ايام اسطنبول 2 طرابزون 6ايام ازنجول 2 ايدر 2اسطنبول وابغى رايكم اضيف اوردو ويكون الوصول منها والمغادرة من طرابزون وكيف اسعار ايجار السيارات في اوردو لاني ابحث في الموقع اrentalcars الي شرحه اخوي الغالي ماجد الفهد وماحصلت اي شركه تاجر فيها والتسيلم في طرابزون ودمتم بحفظ الرحمن |
رد: مساعدة في الفنادق وترتيب رحلتي بعد العد التنازلي عليكم السلام والرحمة ... مالي علم بالفنادق المطروحة ... بس حبيت اعلق ع توزيع الايام .. الافضل اخوي تبدأ بالشمال يعني اول يوم توصل فيه لاسطنبول خذ رحلة داخلية لشمال .. يومين طرابزون يومين ايدر يومين اوزنجول يومين اوردو لو العودة من طرابزون بات فيها اخر ليلة بالشمال ومنها لاسطنبول ... 4 ايام إسطنبول والله يوفقكم |
رد: مساعدة في الفنادق وترتيب رحلتي بعد العد التنازلي نفس رأي مشرفتنا الشمال مباشرة والحجز من طرابزون للطيارة والسيارة لإن السيارة لسا ما ظهرت في الموقع ولو حبيت تستاجر في طرابزون وتسلم في اوردو مكتبهم داخل اوردو بينما المطار بالنص بين أوردو وقيراسون التقسيم برأيي كالتالي 2 طرابزون 3 اوردو 2 آيدر 3 اوزنقول كذا صارت 10 والباقي إسطنبول الفنادق أنصحك اكيد بيوروستار أو نورديستيرن يا غالي بالتوفيق |
رد: مساعدة في الفنادق وترتيب رحلتي بعد العد التنازلي الله يعطيكم العافيه ماقصرتوا بيض الله وجيهكم رد كافي وووافي بالنسبه للشمال كنت ناوي انها تكون بالبداية لكن خفت تفوتني الرحله لان وصولي الي مطار صبيحه الساعه 1,45 ومادري عن طيران ناس اول مره اسافر رحلة دولية معهم وخفت اتوهق وتروح علي الرحله الداخلية عموما الطيران عندنا معودينا على عدم الالتزززام بالمواعيد لكن رائكم كم الفترة الزمنية المناسبه بين الرحلة الدوليه والداخلية والسياره اخلي استاجري لها من هناك انتظر ردكم |
رد: مساعدة في الفنادق وترتيب رحلتي بعد العد التنازلي 3 ساعات وقت كافي بين الرحلتين استأجر السيارة من موقع رنتل كار |
رد: مساعدة في الفنادق وترتيب رحلتي بعد العد التنازلي شكرا مشرفتنا الغاليه لكن قصدي بايجار السياره ان اخذها من اوردو واسلمها في طرابزون لكن في الموقع ماهي متوفره هذي الخدمة فاستفساري اذا احد حجز من المطار في اوردو وطلب التسليم في طرابزون في امكانيه ولا لازم ارجعها لاوردو |
رد: مساعدة في الفنادق وترتيب رحلتي بعد العد التنازلي ممكن يا غالي لكن بإتباع طريقة مختلفة شوي تروح مواقع الشركات أفيس وبدجت تحجزها من وسط اوردو والتسليم طرابزون طبعها راح تحتاج تاكسي او باص يوديك إلى اوردو من المطار وبخصوص الرحلة دامك على ناس ريح يوم في فندق قرب صبيحة ومنها تشوف الجزء الآسوي ومن بكرا على الشمال لو ما وفقت في حجز سيارة خلي حجزك على طرابزون بالتوفيق |
رد: مساعدة في الفنادق وترتيب رحلتي بعد العد التنازلي ماجمل حضورك الراقي في استفساراتي لاحرمك الله الاجر نعم اخي الغالي حجزت اول لليله قرب المطار ورحلتي صباح اليوم التالي لكن ماهي الاماكن التي ازورها ولا يضيع علي يووم كامل وحجزت الخطوط التركيه لطرابزون وبعد استلام السياره الي اوردو على طول وبرنامجي الان اوردو ازونجول ايدر طرابزون اسطنبول |
رد: مساعدة في الفنادق وترتيب رحلتي بعد العد التنازلي وعليكم السلام يوروستار افضل من نينا لكن موقع نينا افضل واذا تبي اماكن تزورها في يوم الاول في الجزء الاسيوي عندك شارع بغداد مول اكاسيا تل العرائس كورنيش اسكودار |
رد: مساعدة في الفنادق وترتيب رحلتي بعد العد التنازلي بالظبط زي ما قالت مشرفتنا الله يقويها وكمان لا تنسى تتاكد إنه الطيران التركي يطير من صبيحة لإنها في الغالب تطير من أتاتورك لكن عندهم رحلات من صبيحة تأكد بليز عشان ما تضرب مشوار من الجزء الآسيوي إلى اتاتورك لو هيك ، وصار اللي صار أحجز فندق أول ليلة في الجزء الاوروبي بالتوفيق |
| الساعة الآن 07:32 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO