|
استفسار عن رحلة بحرية ( كروز ) العرب المسافرون الرحلات البرية والبحرية السلام عليكم عندي استفسار وحبيت أخذ رأيكم انا بإذن الله ناوي أسافر بالكروز ومحتار بين شركتين : الرويال كاربيان و النرويجية الرويال كاربيان السفينة HARMONY جديدة وحديثة وكبيرة وسعرها أغلى بحدود 800$ النرويجية برضو كبيرة EPIC لكنها ليست حديثة مثل HARMONY وسعرها أرخص من الرويال كاربيان حبيت استفسر وش المميزات الداخلية لكل شركة وهل يستاهل فرق السعر مع العلم ان مسارهم تقريبا زي بعض طبعا الرحلة بتكون من برشلونة بإذن الله لمدة 7 أيام وهل فيه شركة أفضل من هذي الشركتين بانتظار آرائكم واقتراحاتكم وشاكر لكم |
و عليكم السلام سعيدين بتواجدك بيننا مشرفنا أبو سعد كان في رحلة كروز على سفينة EPIC و أم عيسى مميزتنا كانت على النرويجية ممكن تشوف تقاريرهم و تقارن بين المميزات خاصة أن رحلاتهم كانت قريبة و ان شاء الله ما يقصرون بالرد عليك |
شفت التقارير الخاصة فيهم ممتازة وحلوة لكن بعض الاستفسارات غير موجودة في تقاريرهم وحبيت أستفيد من آراء كثيرة سواء أنا أو أي شخص آخر يرغب بتجربة رحلة كروز أو أي شخص سافر بكروز وما أضاف تقرير لرحلته وشاكر لك |
مرحبا بالجميع بالنسبه لرحله الكروز ابشرو ان شاء الله راح اعطيكم كامل التفاصيل والاجابه على جميع استفساراتكم بأذن الله راجع لكم للشرح المفصل تحياتي |
مرحبا اخوي عدنااا في البدايه ابغي اقولك انا جربت النرويجيه EPIC ومميزتنا هداوه جربت MSC والرويال كاريبيان تعتبر من الشركات الرائده والممتازه جدا يعني تقدر تقول هالثلاث شركات هم افضل شركات من جميع النواحي با الاضافه الى دزني كروز و سفينه رويال كاريبيان باين انها فوق الممتازه وحديثه جدا وبصراحه شدني تصميمها ومكان السبحه عندهم جدا ممتاز نخلي تفاصيلها ندخل فيها وقت ثاني لازم اشوف واقرا واقارن بين الثلاث شركات الحين بدخل لك في الامور الداخليه والي تجتمع فيها كل الشركات تقريبا : 1- الرحله تكون شامله جميع الوجبات ريوق + غدى + عشا ماعدا بعضالمشروبات الغازيه وبعض الكوفيهات والمطاعم ماتكون مجانيه لازم بمقابل 2- التسوق او الاكل او اي شراء داخل السفينه ماراح يكون كاش يعني ماراح تتعامل بالكاش كرت مفتاح الغرفه هو مفتاح للغرفه وهو الكردت يعني تعبي كرت الغرفه فلوس وراح تستعملها بالمشتريات 3- يتم ربط بطاقه الغرفه ببطاقه الفيزا بحيث لو انتهى لمت البطاقه راح تنخصم من بطاقتك البنكيه 4- تتحرك السفينه فتره مابعد المغرب وتصل الى اي مدينه فجرا مابين الساعه 6 الى 8 صباحا والنزول منها والعوده لها قبل الغروب سوف يتم تحديد لك وقت الخروج والعوده في كل ليله التي تسبق اي مدينه راح تنزلون لها الصبح 5- يرسلون لك نشرات يوميا للغرفه بالليل عن النشاطات المتوفره داخل السفينه وبعض المعلومات السياحيه عن المدينه المراد الوصول لها 6- توجد قروبات سياحيه بالتنسيق مع اداره السفينه يعني لو تبغي تروح مع قروب تنسق مع الشركه في موقعهم بعد الحجز وايضا لو بغيت سياره خاصه او تاكسي او مرشد سياحي راح يكونون متوفرين خارج السفينه وقت الوصول ممكن تعطيني رابط او صوره مخطط رحلتك عشان الغي نظره عليها وراجع لك ان شاء الله لأعطائك بعض الامور الاخرى تحياتي |
ممكن اخوي تكتب جميع استفساراتك على شكل نقاط وانا ان شاء الله راح اجاوبك عليها |
لاهنت يابو سعد |
تسلم اخوي ابو سعد ما قصرت استفساري الفرق بين النرويجية والرويال كاربيان حوالي 800$ تقريبا المسار متشابه لحد ما هل يستاهل ادفع الفرق في الرويال كاربيان بحيث ان السفينة جدي ك وحديثة وكبيرة أو انه ما فيه فرق كبير يستاهل واحجز على النرويجية استفساري الثاني لاهنت : سياسة الإلغاء والتعديل هل هي سهلة وبسيطة أو معقدة وصعبة ؟ وشاكر لكم |
وعليكم السلام والرحمه الله يعطيه العافيه حبينا وخبيرنا ابو سعد وهذي ماهي غريبه عليه اعطاك ثلاث شركات سياحيه تمتلك مجموعه من السفن للرحلات الكروز حبيت اضيف شركه اخره للرحلات الكروز هي بريينيس كروز Cruises – Cruise Vacations – Princess Cruises طبعا الرويال هي الافخم في هذا المجال ايضا عندك هناك السيلبيرتي Celebrity Cruises - Cruise Vacations with Celebrity Cruise Line ايضا عندك شركة كونارد كروز على مااضن هي اللي كانت تمتلك التايتنك Cruise Vacations | Luxury Cruises | Cunard Cruise Line ايضا عند سلفر سي كروز Experience All-Inclusive Ultra-Luxury Cruises | Silversea بس ماتتقارن نهائي مع الرويال وفخامت سفنها لو انا مكانك اتوكل على الله واخذ الرويال بالنسبه لسياسة الالغاء على حسب الشروط وانا في انتظار رد حبيبنا ابو سعد لاني بعد ماقريت تقرير هداوه كنها الفكره خطرك في بالي وانا متابع شديد لموضوعك للستفاده ايضا من رد خبير مثل ابو سعد ولاقصور في البقيه .. بس حبيت انبه ع نقطه وهي فترة التوقف بكل ميناء حاول ان تكون الفترة طويله لتستفيد من زيارة المدينة |
ماشاء الله ابو سعد مايدخل موضوع إلا الاجابات حاضره جزاك الله الف خير يابوسعد شخص ثاني بعد ماقصر اضاف شركات اخرى جزاك الله خير رحلة ممتعه اخوي ابونوره |
| الساعة الآن 02:06 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO