|
استفسار عن المالديف اول سفر لي. السلام عليكم ورحمة الله وبركاته نحن عائلة 4 اشخاص ( لا يوجد اطفال ) نرغب السفر للمالديف بس عندي شوي اسئلة اولا كيف الجو هناك شهر 7 ميلادي ؟ ثانيا احتاج اسم منتجع تكون الفلل على الشاطيء مباشرة وسعره حلو او عادي يكون باطلاله على الشاطيء المهم يكون سعره حلو مو 80 الف 😂😂😂😂 ثالثا اقدر احجز من بوكنق وبس ولا لازم مكتب سياحي خصوصا انها اول سفره المالديف وماعندي خبرة فيها رابعا وش نظام النقل هناك قريب طائرة مائية وسيكل وقارب ومدري وش مافهمت والله ؟؟؟؟ خامسا واهم شيء احسن جزيرة ماتكون هادئة مرررة مرة يعني تكون حليوة واسم منتجعات للن ماعرفت ابحث وفيه جزر كثيرة دخت والله شكرررررا لكم :e303: |
كيف الجو هناك شهر 7 ميلادي انا رحتها في شهر 4 2014 و كان الجو حلو تجي امطار و تروح تقريبا يوميا طبعا الشمس حاره ( لا تنس واقي الشمس مهم جدا) هي تعتبر تقريبا على خط الاستواء. شهر 7 الى 9 اذا ماني ناسي اذكر اللي في الاستقبال قالت لي تكثر فيه العواصف احتاج اسم منتجع تكون الفلل على الشاطيء مباشرة وسعره حلو او عادي انا كنت ساكن في الفورسيزون اخذته عشان كان فيه مقهى تقريبا سعره 4000 في الليله. الفنادق هناك نظامهم كل فندق على جزيره مستقله ماحولك احد. فيه بعض الفلل في وسط البحر طبعا تكون اغلى و كل فله لها مسبحها الخاص و خصوصيتها. في بوكينق رح تلاقي خيرات اكثر اقدر احجز من بوكنق وبس ولا لازم مكتب سياحي كل حجوزاتي عن طريق بوكينق و اذا كنت من النوع اللي يبي يرتاح مثلي قبل كم يوم من السفره ارسل ايمل للفندق تقولهم انك جاي و هم بيردون عليك وش نظام النقل هناك قريب طائرة مائية وسيكل وقارب ومدري وش مافهمت والله اذا الفندق قريب ياخذونك بقارب واذا بعيد عن طريق طياره مائيه اول ما تطلع من المطار بيكون فيه شخص شايل اسم الفندق تروح له. عند الحجز بيبان معاك في مواصفات الفندق هل هو بالقارب اوطياره مائية واهم شيء احسن جزيرة ماتكون هادئة مرررة مرة يعني تكون حليوة واسم منتجعات كما سبق و ذكرت كل فندق في يجزيرة مستقله و كلها تكون هاديه في الليل عشان الليل بيكون مافيه نشاطات و العالم تنام بدري و الصبح تشوف الناس. جو المالديف جو روقان و استرخاء انا سكنت في منتجع فورسيزون و تم الذهاب له من المطار عن طريق القارب كما قلت لك اختار اللي يناسبك عشان كلها في جزر. الجزيرة الوحيده اللي شفت فيها سيارات هي العاصمه ( لا تسكن فيها ) و تقدر تزورها و تلفها برجولك شعبها طيب لم ازرها الا مره واحده و في عام 2014 لذا اعتذر اذا مشاركتي لم تفيدك مع تمنياتي لك برحله سعيده و امنه |
اقترح تحجزون في فندق ومنتجع Kurumba Maldives تقييمه ممتاز على بوكينج ، وعندهم عدة نشاطات. وأسعاره معقولة (مقارنة بالمنتجعات الثانية)، قريب من مطار ماليه ،، فقط 10 دقائق بالقارب السريع، ممكن تشوفون مميزاته وآراء النزلاء في الرابط أعلاه. ما يحتاج مكتب سياحي، بس بعد ما تحجزون عن طريق بوكينج تتواصلون مع الفندق بالتلفون أو الايميل علشان تتأكدون منهم إن القارب بيكون بانتظاركم عند المطار. والمهم تاخذون الغرفة مع الإفطار والعشاء، لأن ما في مطاعم غير اللي في المنتجع. المنتجعات البعيدة عن العاصمة يكون الذهاب لها بالطائرة المائية. داخل المنتجع ممكن يكون التنقل بالسيكل إذا تحبون. لكن المشكلة إن من فترة بحثت على جوجل عن طقس المالديف في الصيف، طلع إن أفضل وقت لزيارتها هو من شهر نوفمبر إلى شهر إبريل، وأسوأ وقت هو شهر يونيو و يوليو لأن ها الشهرين تكون أغلب أيام الشهر أمطار و عواصف. أما موريشيوس فأفضل وقت لزيارتها هو من شهر مايو إلى شهر ديسمبر. فيمكن الأفضل لكم موريشيوس، مادام بتسافرون في شهر يوليو إن شاء الله. أو تأجلون رحلتكم للمالديف لوقت ثاني. استخيروا والله ييسر لكم اللي فيه الخير. |
الله يسهل امرك |
السلام عليكم نصيحة شوف لك شركة سياحية وهي تعملك الحجوزات كلها بتشوف فرق في الاسعار بالاضافة الى نصائح بحكم خبرتهم .. انا حجزت بعد العيد وكان فرق السعر بينهم وبين بوكنق تقريبا 6 الاف ريال والمدة 5 ايام بالتوفيق |
اقتباس:
|
اعانكم الله ويسر امركم من واقع تجربتي الخاصة مهما كان الفندق مميز يظل امر الخصوصية معلق اقصد قد تأخذ الفلل التي داخل البحر فأذا كانت قريبة من الشاطئ لا يوجد بها خصوصية يجب ان تكون بعيدة في اخر الممر |
Kurumba Maldives ممتاز |
نفسي اجرب كروز دبي لكن ما حصلته متوفر في اكتوبر ونوفمبر او اني ما اعرف |
بالنسبه لكروز دبي تقدر تكلم رويال كاريبيان بالتلفون على رقهمهم الي في دبي وتشوف جدول رحلاتهم وتحجز وفيه شركه ثانيه بس ماجربتها |
| الساعة الآن 06:55 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO