لنكــاوي ..!!

بدوي راقي · 02-05-2016, 01:28 AM

السلام عليكم اخواني

البارحة وصلت الى لنكاووي الجمييلة
وكان وقتها الظهر وصول طيارتنا
ونحن رايحن للفندق مريت على مول الفير وتغدينا في مطعم الفيشاوي
اللي سمعت عليه مدح من بعض الاعضاء الله يوفقهم
واكتفيت بالتمشية واكتشاف الفندق في هاليوم

وباجر ان شاءالله راح اروح رحلة المانقروف على الظهر كذا
ف اريد خبرتكم تسوون لي جدول او تنصحوني بالاماكن اللي صدق تستاهل الزياره في لنكاووي
وبقولكم انا شو حاط في بالي اروح

اول شي التلفريك خلاص ركبته في جنتنج احس ماله داعي في لنكاوي اعيد نفس التجربة
وناوي ازور حديقة الفواكه بعد وعالم تحت البحار وبس هذا اللي في بالي حالياا
اريد نصايحكم في اماكن ممكن زيارتها بعد

وشو الاماكن الاقرب الى فندق ذا ويستن جزاكم الله خيير ..

وبغيت اعرف شو المطاعم الاخرى غير فيشاوي اللي تتصحون فيها؟؟
وهل يوجد ماكدونالدز و كنتاكي يوصل لفندق ذا ويستن ولا لا ؟؟ افيدوني رجاءاً

قصة حبمعجبون بهذا.

ام ريمو · 02-05-2016, 02:31 AM

المطاعم
جربت مطعم السلطان قريب من القريه الشرقيهمرتب ونظيف
وعندك مطقم صقر الهندي ومطعم ايطالي مره حلو للعشا بس وين مكانه مادري لانه صدفه رحناله
ومطعم ماك موجود بمجمع الفير بس التوصيل ماعرف ادا عندهم هالخدمه

حديقه ليجندا قريب من فندق الويستن ومعلم النسر
وعندك القريه الشرقيه ركوب الفيل والدبابات وباص برمائي وتلفريك طبعا
سيارات الفورمولا رهيبه قريبه من المطار

قصة حبمعجبون بهذا.

أوكسير · 02-05-2016, 02:42 AM

وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ

يا عزيزي في تلفريك لنكاوي [emoji606]

فيه مطعم ايراني
اذا ما خانتني الذاكرة اسمه
( ليالي ) او ( ليالينا )

كذلك عندك في لنكاوي
جولة الهيلوكبتر [emoji576]

تحياتي

أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )

أوكسير · 02-05-2016, 02:43 AM

ايييه صح
وحلبة السباق للسيارات [emoji964][emoji469][emoji614][emoji616]

تحياتي

أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )

أمجد ناصر · 02-05-2016, 05:09 AM

انا موجود ف لنكاوي حاليا

ركوب دباب مزارع الارز
رحلة جميلة فيها 6 جولات.. اكتفي ب اول خمس
لان الاخيره تروح ل الجاموس عزك الله وتاكلهم.. وهم اصلا تشوف كم واحد ف الطريق
نهاية الرحلة شلالت تنزل لها تحت ب الدرج مكان جميل
بترافقكم مصورت بداية الرحله واخر شيء بيعطوك السيدي فيه صور وفيديو ب 100 رينجت او تبعي طباعه فيه ب 5 رينجت

المكان الثاني
رحلة الى جزر ب القارب ب 400 رينجت 3 ساعات ونص من ضمنها الحامل والخاصه وجزيرتين ينزلك فيهم
اول جزيره جدا جدا جميله الدخول ب 12 رينجت للشخصين
بعد م تدخل تمشي مع العالم وتصعد بتوصل بحر اخر شيء
ناس تسبح وناس تجدف وناس تاخذ القارب الصغيى فيه مكينه تمشيك قيمته30 رينجت لا يطوفك
للجزيره الخاصه احيان يكون فيها قرود والبحر القريب من الشاطيء فيه حصى صراحه شكله يخوف جدا فما رحت لها واسترجعت 50 ريجنت

اذا انت راعي بحر.. ف اخذ لك الجت سكي ب 700 رينجت لنفس الجزر لكن والله غغير الجو انا تندمت ما اخذته..
اما المطاعم.. عندك مطعم اتنلنتس.. عججيب جدا جدا
فيه مطعم عربي 24 ساعه اسه باب للحاره
اكله حلو لكن مو الى درجة انك ترجع له وغالي مقارنة ب الطعم والكمية

محمد ابو سيلين و قصة حب معجبون بهذا.

بدوي راقي · 02-05-2016, 06:05 AM

مششكورين اخواني

وبخصوص الجولات كم ساعه تحتااج؟؟ اللي على الدباب؟
والفورميلا وين مكانها

Turki1407 · 02-05-2016, 08:47 AM

الدبابات موجوده في كم مكان

الفورميلا قريبه من شاطئ سينانج بالتحديد بعد مدخل فندق ريباك من جهة اليسار

و انصحك بزيارة القريه الشرقيه و التلفريك و الجسر المعلق و ركوب الفيل و دخول سينما ٦ دي

محمد ابو سيلينمعجبون بهذا.

محمد ابو سيلين · 02-05-2016, 08:56 AM

ماشاء الله ما قصرو الاخوان

روح
سباق السيارات عند المطار
مغامرات سكاي تريكس تسلق الاشجار و طريقها وانت رايح للقريه الشرقيه و التلفريك
ولازم تروح التلفريك و تطلع للقمه و تروح الجسر المعلق ما اعرف اذا عندهم صيانه الان ام لا
القريه الشرقيه وفيها عده العاب و سينما الدوم و سنما 6D وفيها مطعم ليلى الايراني و اكلهم ممتاز بعد الفيشاوي و السلطان

قصة حبمعجبون بهذا.

محمد ابو سيلين · 02-05-2016, 08:59 AM

اقتباس : المشاركة الأصلية كتبت بواسطة أمجد ناصر

اما المطاعم.. عندك مطعم اتنلنتس.. عججيب جدا جدا
فيه مطعم عربي 24 ساعه اسه باب للحاره
اكله حلو لكن مو الى درجة انك ترجع له وغالي مقارنة ب الطعم والكمية

فين مكانه مطعم باب الحارة؟ و اتلانتس؟
ولو فيه صور لهم رايت تفيدنا
ورحله موفقه ان شاء الله

بدوي راقي · 02-05-2016, 09:45 AM

من شوي خلصت من ركوب الدبابات والجولات
صراحه تجربة جميله بس الطريق شوي مكسر ولازم الواحد ينتبه ومايسرع

والان متجه الى رحلة المانقروف ان شاءالله
وبكرا ان شاءالله ناوي ازور عالم ماتحت البحار والتلفريك والقرية الشرقية

مشكورين كثييير اخواني ساعدتوني كثثير جزيتم خيرا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطبـــات في ღღღ لنكــاوي ღღღ بقلم EmpEradoR	أبوعبدالله (الاسفار )	ماليزيا	9	24-01-2016 09:19 AM
₡Ϡ الفنــدق الاقتصــادي ... Best Star Resort بـ لنكــاوي ₡Ϡ بعدسة الاخ سراج	أبوعبدالله (الاسفار )	ماليزيا	16	17-01-2016 04:28 PM