ترتيب رحله الى المانيا والنمسا

alawe2006 · 19-03-2017, 03:40 PM

السلام عليكم ورحمة الله وبركاته

رحلتي بتكون تاريخ 17 ابريل الى 30 ابريل العدد شخصين خط الرحله بيكون :

الدمام فرانكفورت
وبعدها الى بادن بادن
وبعدها الى انسبورك
وبعدها زيلامسي
وخط الرجعه الى ارض الوطن من ميونخ

ياريت احد عنده خبره في هذه المواقع يرتب لي جدول حلو

وعندي كم استفسار بسيط كيف الجو راح يكون في هالوقت مع العلم انه من خلال بحثي لقيت انه اكثر الفعاليات راح تكون مغلقه في هالوقت هذا .

وانا طلعت رخصه دوليه وحاب اسوق بنفسي وابغى اعرف اعتمد على شنو في السياقه خصوص انه النفقيشن الى معي بالجوال للخليج فقط والأوربي غالي جداً .

ووين افضل مكان اطلع لي فيه شريحة نت قلت ممكن استخدم قوقل ماب افضل حل على النت ودقيق القوقل ماب .

واخر استفسار بالنسبه الى بادن بادن قريت كثير انه في مشاكل بالنسبه لأصحاب عقار التأجير هناك لما تسجل خروج كثير صادهم مشاكل مادري ايش الموضوع ؟

ياليت احد يفيدنا ويرتب لنا جدول بالاماكن السياحيه الي اقدر ازورها وشكرا مقدماً .

وجهات أوروبيةمعجبون بهذا.

عاشقة المطر · 20-03-2017, 07:40 AM

الجووو راح يكون بارد بس محتمل

اشوف انك تأخذ قارمن افضل من انك تعتمد على البرامج بالجوال فيه اجهزة قارمن رخيصة وتؤدي الغرض

وجهات أوروبية و majed7 معجبون بهذا.

alawe2006 · 22-03-2017, 09:23 AM

هذا ان شااء الله موضوعه بسيط بس قلنا ناخد من اهل الخبره والي مجربين بس الحين ابي جدول بالمناطق وكيف ترتيب الأيام مافي رد ؟؟

وجهات أوروبيةمعجبون بهذا.

هدوء العالم · 24-03-2017, 03:03 AM

وعليكم السلام ورحمة الله وبركاته

الوصول فرانكفورت والعودة ميونخ
14 يوم 13 ليلة

الجدول
من مطار فرانكفورت إلى بادن بادن 4 ليالي
كونستانس ليلتين
انسبروك ليلتين
زيلامسي 3 ليالي ( مع العلم النشاطات في زيلامسي مو مفتوحة تفتح 15 مايو )
وميونخ ليلتين

رحلة موفقة بإذن الله

وجهات أوروبيةمعجبون بهذا.

وجهات أوروبية · 30-03-2017, 06:35 PM

وعليكم السلام

ياهلا ومرحبا

جدول الاخت هدوء ممتاز

واذا ماتبغي تنقل كثير ولا تبغي المناطق السويسريه
ممكن تلغي كونستانس وتضيف يوم في انسبروك و يوم في زيلامسي

بعض النشاطات مثل ماقالو مقفله
لكن في بعض النشاطات مفتوحه مثل قمه كيتز هورن
وزحليقه كابرون تفتح بنص ابريل

بالنسبه للقارمن انا بالعاده استخدم غوغل ماب
وتقدر للقارمن وفي نفس نفضله

شريحه النت اخذ لك شريحه اتصال 3 موبايل
يعطيك نت مفتوح تقريبا 40 يورو مده شهر
مثلا اخذت الشريحه من المانيا لك فيها نت مفتوح
وطلعت من المانيا الى النمسا لك 6 غيغا تقريبا بنفس الشريحه ونفس المبلغ
اذا خلصت ال 7 غيغا يقفل التلفون
وان ارجعت المانيا يرحع يفتح مره اخرى نت مفتوح الى ان تكمل الشهر

S7sultan7s · 06-04-2017, 11:35 PM

اذا تبي تعتمد على شي بالسياقة انصحك بالقارمن مايحتاج نت و يشتغل بأي مكان و فيه امكانية الحفظ الاماكن و كل شي و بالنسبة للشريحة النت اشتر من هنا بالسعودية و تكون تجوال افضل لأنك بتروح المانيا و النمسا و سويسرا ٣ دول مو دولة وحدة و بالنسبة الى بادن بادن مافهمت ايش مشكلتك معها لكن انا سافرت لها و هي بلدة جميلة ريفية فيها الغابات السوداء و ضباب في السماء و مزارع تفاح لذيذ .. و جبال و اشجار و مسطحات خضراء و حيوانات مثل الماعز و الحصان و اكواخ و نظافة و فيها مزارع فراولة و فيها اماكن للتزحلق عبر الجبال الصراحة كانت جميلة انصحك فيها

اتمنى اكون افدتك شوي و اتمنى يفيدونك باقي الاعضاء

أوربي · 10-05-2017, 08:15 PM

ياهلا ،،
شخصياً زرت المانيا - النمسا ،
والصراحة نفسي ارجع لها من جمالها ،، فأني اخذت جولة أوروبية جميله ،
مابين ( المانيا - النمسا - سويسرا - ايطاليا )

المانيا ، ميونخ كافية لها 3 ايام ،
تزور الحديقة الأنجليزية ، والحديقة الأولمبية ،
وكمان متحف مرسيدس . وملعب الارينز أرينا ، وشارع العرب ،
بالأضافة إلى ساحة بلاير .

ومن ميونخ على سالزبورغ ، مدينة صغيرة حلوه جبليه ، وفيها أماكن تقدر تقرا عنها كثير .
ومن سالزبورغ إلى زيلامسي ، قرية جنبها كابرون وفيها العديد من الفعاليات هناك .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى المانيا وفرنسا وسويسر والنمسا	Fahad Mandi	بوابة المانيا	122	19-07-2019 03:09 PM
تخطيط رحله لباريس والنمسا	عاشقة السفر	بوابة النمسا	29	09-01-2017 05:21 PM
استفسار عن طقس المانيا والنمسا	مازن1991	البوابة السياحية	3	15-08-2016 06:33 PM
رايكم في مدينة بين المانيا والنمسا تقع في الوسط	ام رزان ح.غ	بوابة سويسرا	5	17-08-2015 01:39 PM
ساعدوني في ترتيب رحلتي لالمانيا والنمسا	أم سارونة	بوابة المانيا	14	23-02-2015 08:43 AM