اوهايو قوزيماس
صباحكم ورد وياسمين

اليوم الاخير من رحلتنا الامبراطورية وراجعين إلى وطن النهار الكــويت الغــاليــة ..

بعد 15 يوم بما يعادل 14 ليلة في ربوع اليابان بنرجع ديرتنا ..
قضينا ايام وايد حلوه في اليابان وتجارب وأحلى وزيارات مدن مختلفة الحمدلله على تسهيلها وتيسيرها من رب العالمين ..

يومنا الاخير في الامبراطورية وتحديدا اوساكا
اليوم الثلاثاء
تاريخ 2025/4/15

درجة الحرارة





الرياضة في اليابان

تُعد رياضة السومو الرياضة الوطنية في اليابان، كما تُمارس فنون قتالية يابانية أخرى مثل الكندو والكاراتيه والجودو كثيرًا، استضافت اليابان الألعاب الأولمبية الصيفية في طوكيو سنة 1964، كما استضافت الألعاب الأولمبية الشتوية مرتين في سابورو سنة 1972 وناغانو سنة 1998، واستضافت طوكيو الألعاب الأولمبية الصيفية لسنة 2020.
كرة القدم هي حاليًا الرياضة الرائجة في البلد، أُنشئ دوري رياضة كرة القدم الياباني في 1936. فاز فريق كرة القدم الياباني بكأس آسيا 4 مرات.



لقينا مطعم نتريق فيه .. وعليه مدح قوي

المكان صغير ولازم ننطر .. نوعهم تحط اسمك وتنطر واذا نادوك وانت مو واقف يروح عليك ..

هذا مطعمنا
maZe nishihorie



شوفوا شلون صغير



نطرنا تقريبا 20-25 دقيقة











واخيرا ريوووق معتبر
اطباقنا





تعرفنا على 3 خوات سعوديات تقريبا رحلتهم نفسنا كانت بس اهما يردون طوكيو يطلعون منها واحنا اوساكا .. ونفكر نسوي قروب ونطلع رحلة مع بعض

الحمدلله على النعمة الاكل واايد طيب حسابنا تقريبا 3300 ين ..

ونكمل مشي عقب الريوق



وصلنا الحي الامريكي ستايل المحلات و اشكال الناس ماخذين طابع امريكي ووايد فيه مهاجرين افارقه ..







عقب قلنا بنروح ناكل بان كيك من هابي بان كيك .



ولا يمه يا الدور زحممة



خليناه وقلنا مره ثانية لما نرجع اليابان ان شاء الله