عدستي بصحبة عائلتي لتوثيق رحلتي للبلاد الأفرو أوروبية (جنوب إفريقيا 2012 )بقلم محيرهم

[فريق التطوير]

العرب المسافرون

بوابة السفر الى جنوب افريقيا

عنوان التقرير عدستي بصحبة عائلتي لتوثيق رحلتي للبلاد الأفرو أوروبية (جنوب إفريقيا 2012 )بقلم محيرهم



يسعد أيامكم





الحمدالله رب العالمين والصلاة والسلام على أشرف الأنبياء والمرسلين سيدنا محمد صلى الله عيه وسلم.......

بالبداية وقبل كل شي ( من لا يشكر الناس لا يشكر الله )
أحب أشكر من القلب العضوين البارزين في هذا الصرح الرائع ( أبو العصافير (أبو هاشم ) وخبير الزولو ( أبو علي ) )
ولهم في طيات هذا التقرير بصمات سيتم ذكرها....



* جنوب إفريقيا *






( الأفرو أوروبية )

يمكن تقولون ليش كتبتها كذا...؟
بأقول متعمد والإجابة في نهاية التقرير إذا كنا من الحيين


* لماذا تم اختيارها للسياحة ؟ *

أولا أبي وجهه غير معتادة للسياحة عامة و العائلية خاصة ووقع الإختيار عليها وبحثت بالنت حصلت تقارير للأسف تعد ع الأصابع للأخوة سابقي الذكر في الشكر ومن ثم التواصل مباشرة مع أخوي الغالي أبو العصافير اللي جزمني وبقوووة للسفر إليها…


* ظريبة إختيارها *

هو السؤال الأول من كل شخص قابلت بعد ما وصلت من السفر كيف الأمن هناك ؟
لأنها بلد غير معروفة سياحياً أو يمكن بسبب الأحداث اللي صارت بكاس العالم 2010
بس أنا أقول البلد ما شفت منه ما يريب
بلد عادي والشخص هو اللي يبعد نفسه عن مواقع الشبهات الزمانية والمكانية.


* خطوط الطيران *

بدأ البحث عن خطوط طيران بعد إن تم تحديدها كوجهة سياحية والبحث عن أفضل الأسعار والمميزات وجدت الخطوط الأثيوبية هي الأرخص ولكن تقف في أديس ابابا والحمدلله ماحجزت عليها لأن مقاعدها أيضاً تفتقد لللشاشات كما ذكر أخوي الغالي أبوعزوز ووقع اختياري على خطوطنا الغالية ( السعودية ) القصيم – جدة – جوهانسبرغ والعكس التذكرة للكبير 4000 ريال و للصغير 3000 ريال تسليم الشنط بمطار القصيم والإستلام بمطار جوهانسبرغ






* تأشيرة السفر *

جنوبإفريقيا تشترط تأشيرة دخول لأراضيها وموجودة السفارة بالرياض وقنصلية بجدة فذهبت بنفسي للرياض لتخليص التأشيرات وكان يوم السبت 6/11 اللي قبل اليوم الوطني اللي أمر خادم الحرمين الملك عبدالله بأن يكون إجازة أيضاً (يعني إفتكينا من أخذ إجازة دوام) وطبيعي رحت للحي الدبلوماسي ووقفت عند المركز العسكري اللي على المدخل وقلت أبي سفارة جنوب إفريقيا ( من هنا بدأت أول علامات الإستفهام عن هذه الدولة هههههه) وكأنهم مايعرفونها قالو رح قدام فيه لوحة مبين فيها كل السفارات وهذي هي:






ولكن لم أجدها!!!!!!!!!

وبدأت البحث على إن معي قارمن إلا إنه وهقني لما بحثت فيه ودقيت عليهم عاد اللغة عندي ممتازة هههههه وأدخل موقعهم من جوالي وأتك على الخريطة وياما كبرتها وياما صغرتها المهم حصلتها بعد عنا...وحتى العسكر اللي مريتهم الصبح كل شوي أمر عليهم قلت لا يشكون فيني ههههههه
المهم وصلت وأخذ هالأوراق من عندهم وأدخل :





















وحصلت داخل واحد سوداني اسمه أبو أحمد الله يجزاه خير متفاهم ومتسامح بالتعامل طبعاً أخذو جوالي ويوم قعدت أعبي الأوراق الإصور الأوراق مترجمات مصورهن بالجوال من موضوع أخوي الغالي foxx109 قلت أبي جوالي ولم يمانعو وعبيت الأوراق ودفعت الرسوم على كل جواز 237 ريال كاش.....
قال أبو أحمد بعد أسبوع!!!! قلت أنا من القصيم أرجع مشوار ثاني عشان استلمهن ؟
قال تبي تجي والا أي شركة شحن معروفة عادي يستلمون منا ويسلمونك هناك وفعلا بحثت وحصلت DHL اللي قال عادي بـ250 ريال نجيبهن لو إنهم تأخرو شوي





الغريب إن الفيزا مكتوبة بخط اليد ومو كتابة كمبيوتر.....

إحداثية سفارة جنوب إفريقيا بالرياض

على التنسيق التالي

h ddd mm.mmm

N 24 40.101
E 046 39.825





* الإستعداد للرحلة *

لابد من أخذ بعض الإحتياجات الخاصة كبعض المأكولات من معلبات و مكسرات والرز وهو أهم شي ههههههه
وشراء توصيلة كهربائية طولية (هذي لها ممارسات خاصة بالفنادق ههههههه )

وفيش ثلاثي دائري



وهيتر كهربائي

وشطاف الوضوء (لأن حماماتهم تكرمون مافيها شطافات ) وأخذه معكم بالسفر ضروري






وبعض الأدوية الضرورية كخافض الحرارة وغيره

وأهم شي بالرحلة ( القارمن ) شريته من أبو محمد من الرياض الله يوفقه ما قصر شريته من قبل نزول خريطة 2013 لجنوب إفريقيا ولما نزلت تواصل معي و أرسلها لي ع البريد و حملتها و فعلا خدمني كثيييير

والجهاز اللي شريت نوفي 50





# البطاقات الإئتمانية #

بطاقة الراجحي مسبقة الدفع و إستخدمتها أكثر شي




وبطاقة الأهلي مسبقة الدفع استخدمتها مره واحدة




# البطاقات العادية #

بطاقة الراجحي العادية وهي اللي استخدمتها
بطاقة البلاد العادية إحتياط ولم تستخدم
بالنسبة للفلوس الي معي ( مامعي شي ههههههه)
البطاقات اللي معي تكفي
والصراحة ما حصلت راند عندنا لا بالرياض ولا بمطار جدة وما أخذت دولار أيضاً
وتجيكم التفاصيل لاحقاً...


** تطبيقات مهمة للأجهزة الذكية **

أنا مركبهن على الآيفون منها

1-برنامج القبلة



وهو برنامج مهم جداً لمعرفة اتجاه القبلة و مواعيد الصلوات


2- برنامج NAVIGON



طبعاً موجود لأكثر من دولة و حملت الخاص بجنوب إفريقيا

3- برنامج القرآن الكريم



4-مترجم السفر



محمله بس كذا اللغة ززززينه وهذا اترجم لأي أحد يبي ههههههههه

5-كام سكنر



لطباعة الأوراق المطلوبة بدقة عالية جداً وتصديرها كصورة أو ملف PDF

6-برنامج PDF وطبعاً فيه أكثر من برنامج اللي ركبت مايخزن إلا 10 ملفات فقط
لأن أخوي الغالي خبير الزولو أرسلي على بريدي ملفات PDF وحفظتهن بهالبرنامج . وبديت أتصفحهن فيه >> من دون نت




طبعاً ما يحفظ الإ 10 ملفات لإنه مجاني واللي يشرا يحمل أكثر...

* جدول الرحلة *



تم التنسيق مع أخوي الغالي خبير الزولو حجز السكن والسيارات وما قصر معي بإيجاد أفضل الأماكن للسكن بأسعار مناسبة وأيضاً إيجاد السيارات
تم حجز 5 ليالي بولدرنس بالقاردن رووت
و ليلة بهيرمانوس
و 5 ليالي بكيب تاون
و ليلتين بجوهانسبرغ
والسعر للسكن السابق ( اسمحولي هذا عرض خاص من أخوي الغالي خبير الزولو )

وبالنسبة للسيارات كلها من شركة first



الأولي تستلم من مطار جورج وتسلم بمطار كيب تاون لمدة 11 يوم
نيسان تيدا اتوماتيك مع تامين شامل واميال مفتوحة
بسعر 3680 راند جنوب افريقي



والثانية تستلم من مطار نلسبريت تسلم بمطار جوهانسبرغ لمدة 6 أيام
هوندا سفك مع تامين شامل واميال مفتوحة
بسعر 2360 راند جنوب افريقي



وكل سيارة عند إستلامها تدفع تأمين 2600 راند ترجع لك بعد تسليمها وبعد خصم قيمة البانزين إذا كانت مو فل........
يعني انا أخذو مني حول 500 ريال ورجعولي الباقي .
على كل سيارة.

وكان من ضمن العرض الخاص ماورد علي برسالته على جوالي وهي بالصراحة مفاجأه هذي:





نجي للمتبقي من جدول الرحلة وهو بقيادة المايسترو أخوي الغالي ( أبو العصافير ) اللي ما قصر معي وأزعجته وأخذت من وقته الله يجزاه عني خير الجزاء
(( طلعت الفيزا وعطيته رقمها وقلت تصرف )) >>ههههه
اسمحلي أبو هاشم بنقل هذه الحقائق اللي يعجز اللسان عن شكرك عليها…
فلك مني الدعاء… وخدمة لاتنسى لك…
فبحث عن سكن في منطقة مبومالانجا لإنه طلب مني قبل إن ال 4 ليالي المخصصه لهذه المنطقة
هو المتكفل بها وراح يتحمل نتيجة إختياره لهذا السكن إيجاباً أو سلباً...
يعني الوعد يابوهاشم إذا قيمت إختيارك ياويلك >>ههههههه
وتم إختيار السكن في هازفيو التابعة لمنطقة مبومالانجا لمدة 4 ليالي بسعر 6600 راند

وأيضاً قام بحجز الطيران الداخلي

الأولى من جوهانسبرغ لجورج عبر خطوط كولولا



بسعر 4764 راند للجميع


والثانية من كيب تاون لجوهانسبرغ عبر خطوط مانغو



بسعر4050 راند للجميع


والثالثة من جوهانسبرغ لنيلسبريت
عبر الخطوط الجنوب إفريقية



بسعر 4930 راند للجميع



* ما حصل قبل الرحلة *

من الأشياء اللي ما كانت بالحسبان إن قبل شهر تقريباً من الرحلة واحد من العيال الله يهديه جاب العيد وانكسرت إيده.....
لله الحمد على كل حال
وله موعد قبل الرحلة بيومين قلت عل وعسى يفكون الجبس ولكن ...... مافكوه قالو توه......
فتوكلنا على الله ( واليد أحسن من الرجل )





* عدة التصوير *



Canon 5D Mark II
Canon EF 15mm f/2.8 Fisheye
Canon EF 17-40mm f/4 L USM
Canon EF 24-70mm f/2.8 L USM
Canon EF 70-200mm f/2.8 L IS USM
Canon EF 2x II Extender
Carbon Tripod


وما ننسى جهازي العزيز ( الآيفون )
اللي ما قصر أبداً...





# تنويه #

1- المبالغ كتب أكثرها بالراند الجنوب إفريقي
أبي الواحد إذا جزم يشوف وقت سفرته
ويشوف كم يساوي الراند مقابل أي عمله أخرى
ويمكن يستفاد من التقرير عدة سنوات ( واحد واثق ههههههه )

أنا وقت سفرتي

الريال السعودي = 2.13 راند تقريباً

2- الصور اللي عليها توقيعي من تصويري
واللي من دون توقيع مستعين بهن من النت
ربي يوفق أصحابهن
طبعاً السابقات أما اللحقات إن شاء الله كلهن من تصويري



إلى هنا تنتهي مقدمة رحلتي
بإنتظاركم لحجز مقاعدكم
على متن تقريرنا...

والحجز غير مسترد
انتبهووووو لا توهقون
ههههههههههه



دمتم بحفظ الله

</B>

 

Haksa77 و فيصل معجبون بهذا.

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

---

التعديل الأخير تم بواسطة فريق التطوير ; 06-03-2016 الساعة 04:05 AM

[فريق التطوير]

نكمل معكم التقرير

بس لاتزعلون علي بكمله بجزء مو كبير من ناحية الصور

لإني بعتبر هذا الجزء تكمله للمقدمة السابقة

لما فيه من معلومات وأحداث قد يستفيد منها البعض…


رحلتي بدأت يوم الإربعاء آخر دوام قبل إجازة الحج

1 -- 12 -- 1433 هـ

17 -- 10 -- 2012 م


من مطار القصيم تحديداً مشيت له قبل غروب الشمس





وصلنا المطار وعلى طول لتسليم الشنط
وقعد الموظف يقلب بالجواز ويشوف الفيزا ومتى تنتهي
وتقل الوضع ما جازله
يقول متى طلعتها قلت جديدة يمكن أقل من أسبوعين
وهي مدتها 3 شهور
ويشوف العائلة معي
قال وين رايح
قلت سياحة
قال سياااااحة
وش تبي بهالديرة
أو قال مالقيت الإ هالديرة
ههههههههههههههههه
هذا ثاني موقف إستغراب عن هذه الدولة

قلت شف يالغالي
هذي دولة كلااااام ثاني
وبإذن الله أرجع وأنزل تقرير عنها وتشوفه
وتحكم بنفسك…
سكت الرجال
وماااا قصر المفترض لي خمس شنط بس
أو أربع شنط وعربه هو شحن الخمس مع العربة
والوعد جوهانسبرغ الإستلام

وشوي يناديني عبدالله عبدالله
قلت سم
قال يبونك التفتيش اللي وراي
قلت الله يخاااااارجنا وش السالفه
وأروح لمهم قال أفتح الشنطة هذي لاهنت
طبعاً الشنط مقفلهن كلهن ( لإني ما أثق بأحد ) ههههههه
وفتحتها وكان معي الدافور الصغير بس من دون علبة غاز
قال هذي ممنوع
قلت وش دعوى مو إول مره أخذه معي كذا من دون غاز
قال معليش الآن تغير النظام حتى هذا ممنووووع
قلت سم طلعه الشكوى لله
وقفلت الشنطة ومشيت

وبعدها نسيت رقم من ارقام الشنط
ورجعت لموظفي السابق
قال تعاااال تعاااال سجلي إيميلك ووين بتنزل التقرير هههههههه
شكل الرجال تحسف والإ عنده حب استطلاع لهالدولة
المهم سجلت البيانات اللي يبي وعطيته وشكرته ومشيت

( أتمنى من الله تجيبه الأقدار ويشوف هالتقرير )


المهم دخلنا للصالة الداخليه





وهذي طيارتنا الأولى بهالرحلة من القصيم لجدة






وصلنا مطار جدة وطيارتنا الثانية توووووها







ياولد نمشي للهند مكتوب النداء الأخير هههههههههه


ورحت لبنك الراجحي الموجود بالمطار ياولد نبي راند جنوب افريقي قال مفيييييش

رح للبنك الأهلي قدامنا وأروح ونفس الحكايه

قالو فيه دولار تبي قلت لاااا… هههههههه


الوعد مطار جوهانسبرغ إذا كنا من الحيين
نصرف من البطاقة العادية



وهذي الطيارة الثانية من جدة لجوهانسبرغ من الداخل
وهذي لعبه للإطفال يتسلون فيها وزعوها ع الجميع...







والحين مع مناظر للسحب مع نافذة الطيارة

شكل الصور شويات بهالحلقة خل نكثثثثثثر من صور السحاب هههههههههههه














باااااانت جوهانسبرغ هي وخضارها




وصلنا بحمدلله لمطار جوهانسبرغ

وبعد الممر اللي من الطيارة للمطار

الإ هالسنافي بإنتظارنا





كما وعدني أخوي الغالي خبير الزولو

المهم مشى معنا للجوازات

وخلصنا ولله الحمد

وفيه شي بقوله ولاحظته تقريباً بكل مطار مريته عندهم

والصراحة شي مفرررررح جداً

اللي هو: يوم جاء تطبيق جواز المدام

الموظفة قامت من كرسيها وراحت ودخلت غرفه جنب الكونتر هي والمدام

بدقيقة فقط وهي جايه وختمت جوازها وتوكلنا على الله

وإذا الموظف رجل خلاص هو يقولك خل زوجتك

تاخذ جوازها وتروح لأي موظفة تختملها

( صراحة قمة التعامل وإحترام الحجاب الشرعي الكامل اللي للأسف بعض أخواتنا الله يهديهن تخلن عنه هناك !!!!!! )

اللي كنت أسمع ببعض الدول أنت تطلب موظفه عشان أطبق لزوجتك
وهذولا العكس هو يخدمونك ويعرفون وش تبي من دون تقول…


وهذي علامة الجودة بمطار جوهانسبرغ لااااازم تصور عنده هههههههه




المهم خلصنا وباقي لنا الحين رحلة داخلية وباقي معنا وقت زييييين

قلت للمرافق معنا نبي صرافة ياولد ما معي الإ فلوس سعودية ومو كثير بعد ههههههههه

وقايلي أخوي الغالي خبير الزولو دور صرافة بنك ( استاندرد بنك )

هذا فرع من فروعه بعدين أعلمكم وين مكانه
بس عشان أوضح شكله وشعاره



وهذي شكل صرافتهم




وهذي ورقة إثبات إنها سحبت 5000 راند ( اللي فيه ناس يقولون مجازفه سحبت هالمبلغ كله )
وأنا أقول توكل على الله… ومو لازم كلهن معك عط نصهم المدام ( بس لاتنسى تعدهن زين لايخلصن بسوق والا شي ههههههه )
والطريقة هذي لتفادي أي خطر لاسمح الله…




وهذي الرموز اللي ع البطاقات وتقبلهن صرافتهم





بعدها ارتححححت الصراحة لإن ما بقى من الترتيبات القوية الإ عملتهم


رحنا لكونتر خطوط كولولا لإن حجزنا عليها من جوهانسبرغ لجورج اللي هي بمنطقة القاردن رووت

وطبعاً معنا خمس شنط وتونا داخلين الدولة ( أكييييد وزنهن زااااايد ) وخاصة شنطة المووونه ههههههههه

وأنا ما أخذت شنطة عزبه استخدمت شنطة عادية للعزبة وأغراضها ( يمكن تمويه ويمكن لا ) هههههههههههه

قالو الثلاث شناط ذولي أوكي والشنطتين هذولي تدفع عليهم رسوم وزن زائد قلت أوكي

وأدفع 500 راند للشنطتين

طبعاً يعطونك ورقة صغيرة وتروح لنفس مكتبهم وكل خطوط عندهم مكتب خاص لدفع الرسوم

والدفع اللي تبي كاش والإ فيزا

وبعدها ترجع الورقة للموظف ويمشي الشنط الباقية


وندخل للصالة الداخلية بعد رحلتين وباقي الثالثة الله يعييييين

ونريح شوي وإندور بهالمطاعم والكوفيهات اللي بالصالة الداخلية عن الأشياء الحلال

وهذي لازم ينتبه لها الجميع في هذا البلد لازم تسأل قبل تشري عن الحلال

ولاتخاااااف عندهم ثقافة العلم بهالشي ويدرون إن فيه مسلمين وتحصل الإجابة غالباً

وبعض الأكل نباتي ويرمزون له باللون الأخضر وهو حلال


الحين نجي لشبكة الواي فاي

أذكر قريت بأحد المنتديات لأحد الأعضاء إن فيه شبكة دايم تحصلها وتقدر تشترك معهم عن طريق الفيزا

وبالفعل بحثت وحصلتها وبوريكم اسمها و اسعارها والدفع بالفيزا عادي














أنا الصراحة ما اشتركت ترددت شوي هل أحصلها بمكان ثاني والإ لا

على إن الشخص اللي ذكرها كتب إنه حصلها بأكثر من مكان

وأنا بعدين الصراحة بالأماكن اللي بحثت فيهن عن هالشبكة ما حصلتها

يمكن فندق عن فندق ومنطقة عن منطقة...

ووقتها داااايخ شوي بعد من أمس وحنا في سفر وللحين ما قضينا هههههههه

وهذي صورتين من الصالة الداخليه






وهذي طيارتنا في إنتظارنا…






ونادو ع الرحلة وبعدين مدري وش صار وإنتظرنا

وجت موظفه تمشي ع المسافرين تقول اللي يبي يسلم شنطته لنا ويستلمها هناك عادي

حنا معنا العربه هي اللي تضيق وقالت اخذها قلنا اييييه وتحط فيها ورقه وتعطينا النسخة الثانية

قالت الوعد مطار جورج قلنا حلوووووو

وتيسرت الإمور وركبنا الطيارة

ما أبي آحد يقول صورت داخل الطيارة أقوله الوعد بالطلعه اتضارب معك ههههههههه

لإني كنت دااااايخ جداً

ونمت وهي تمشي مع المدرج ههههههههه

طبعاً الطيارة فل والغالبية العظمى سياح والله أعلم يقالي أعرفهم هههههههه

الرحلة مدتها تقريباً ساعتين ونمت نووومه زينه ولله الحمد

وصحيت وأخذت كم صورة من النافذة















ياحلاااااااتك يالقاردن رووت

وصلنا للمطار يشبه مطار القصيم تروح رجلي من الطيارة للصالة الداخليه بس الجو تقل حول بعض هههههههه





ويوم دخلنا الإجراءات سهله وميسره

واخذت الشنط وعلى طول بحثت عن مكان للصلاة عشان أجمع جمع تأخير الظهر والعصر

وللأسف مفييييش

واحصل أحد الجنوب إفريقيين السمر وأسأله قال شف هالإستقبال

والإ فيه هاكالعجوز اللي وجهها ما يبشر بخير هي وشوشتها ههههههه قلت هذي الظاهر لو قلتها بتعصب والإ شي علينا يهالمسلمين الضعوف

المهم طنشتها والإ هالأسمر يمرها وقالها وبعدها شفنا صاله صاده شوي قال تصلح قلت تصلح عادي معي سجادة

وشوي وتناديه العجوز ويروح لمها ويجي بسرعه ومعه مفاتيح قال تعال وراي

ويدف بعد عربه الشنط الثانية لإن معي عربتين للشنط

ويودينا لغرفه خاصة للإسعاف وغرفه حلووووه ونظيفة وقدامها دورة مياة تكرمون للرجال وللنساء

قال تصلح قلت نعم تصلح ونص…

ويجي يروح ويخلينا قال بس إذا خلصتو قفلوها وجيبو المفتاح

ونتوضئ ونصلي ولله الحمد بهالمكان النظيف

ويوم طلعنا منها الإ هو هناااااك واقف بعيد ويجي بسرعه

ويدف العربه الثانية بعد

قال وين تبي قلت مكان إيجار السيارات قال مشيناااا

ويمشي قدامي طبعاً المطار الآن شبه فااااااضي العالم اللي تو مشت بسرعه

وما فيه الإ هاللعبه بعد ههههههه




وهو مطار مو كبير وأتوقع ما عليه زحمة رحلات…

طلعنا من المبني حق المطار للمبنى حق إيجار السيارات الإ المممممطر يالله

وصورت هالصورة الظاهر وأنا أركض وبيد وحده ههههههههه



وهذي لا والله وقفت وركزت عشان لوحة المطار




دخلنا مبنى إيجار السيارات وعلى طول شركة first

والأسمر اللي معي وقف العربة وبلمحة البصر أختفى

ودي لو شكرته شفوي ومالي ( بس أقول مااا قصر وإذا هو مو مسلم الله يرده للإسلام رداً جميلا )


حجزي قدامي ومؤكد فقط عطيته رخصتي السعودية ( وعلى فكرة تقبل عاااااادي وما يحتاج للرخصة الدولية )

وبطاقة الفيزا وتكون بارزة الأحرف والأرقام وأخذ منها التأمين 2600 راند

وطلع معنا للمواقف وكان مطررررر

وكانت بعيد وراح وجابها قدام الباب وساعدني بشيل الشناط وترتيبهم

والسيارة مثل ما ذكرت قبل ( نيسان - تيدا )

ونصييييييحة اللي بيروح هناك يستاجر مثلها خفيفة وإقتصادية والإحلى والأميز فيها

إن شنطتها كبيرة أخذت 4 شنط من أصل 5

طبعااااااً الدركسون يمين عندهم ( الله لااااايحسربنا )

وشايل هم السواقة وهالدركسون اليمين من رمضان وحنا الحين بشهر ذي الحجة لاااااا ومطر بعد ههههههههههه


المهم توكلنا على الله ومشينا بعد ما ركبنا القارمن وحطيت إحداثية الفندق

وجميع السكن مخزنه بالقارمن وأنا بالسعودية عشان أسهل وأسرع للتوجه

وزينة المطار حنا آخر ناس يعني ما عندك احد يزحمك بالمواقف واللي حولها

وبعد كم كيلو تقل راحت الرهبه شوي واطلع الجوال واصور

الصورة مهتززززه طبعاً أسوق ومطر ودركسون يمين

وأنا ودي أصور لوحة ويلدرنس اللي هي بها فندقنا والمتبقي 20 كم



وهذي صورة الغااااالي ع القلب ( القارمن )




ويوم قربت للسكن وأمر محطة بانزين لإن فيها سوبر ماركت وأخذ بعض الأغراض الضرورية

وأتوجه لفندقنا اللي يقع على شاطئ ويلدرنس





وإجراءات الدخول سهللله جداً لإني عطيتهم فوتشر السكن

واعطوني ورقتين أوقع عليهم والمفاتيح

لإني مستاجر غرفتين وبينهم باب











وإلى هنا ناصل لسكننا بالسلامة بعد 3 رحلات

من غروب شمس الإربعاء إلى غروب الخميس


وأسمحولي بناااااام و الوعد إذا قمنا لنكتشف جمال جنوب إفريقيا

وتحديداً منطقة القارن رووت…



دمتم بحفظ الله

 

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

---

التعديل الأخير تم بواسطة فريق التطوير ; 06-03-2016 الساعة 04:02 AM

[فريق التطوير]




نكمل معكم تقريرنا لساحرة إفريقيا ( جنوب إفريقيا )


بعد تعب رحلة الذهاب وأحلى نووووووومة بالفندق


شكلي والله العالم كل أحلومي طيارات رايحه وجايه ههههههههه




قمنا على أجواء فوووق الخيااااال







طبعاً هالبلكووونه مباشرة ع الحديقة

وألعاب الأطفال...






ولازم يأخذون فيها طابور صباحي ههههههههه













أفطرنا...

ومرينا الإستقبال وكعادة أي إستقبال هناك


تحصل عندهم ركن خاص بأهم الفعاليات


وخذ اللي يجوزلك 

والإ تدري خذ من كل نوع وحده 

وروووووق عليهن هههههههه










حنا اخترنا حديقة القرود لييييييه


لإن بجنبها حديقة الطيور و حديقة الفهود الشيتا وإيضاً حديقة للفيلة


يعني أربع أحجار بعصفور واحد 

قصدي أربع عصافير بحجر واحد هههههههههه



وطبعاً وضروري جداااااً القارمن حبيب قلبي

عشان لا تسأل أحد ولا شي

هو دليلتك هناك...


ونحط إحداثية حديقة القرود


على التنسيق التالي



ddd mm.mmm



S 33 57.888


E023 28.995



والقاردن رووت

 ميزتها تسكن مثلاً بولدرنس والإ بنايزنا 

كلها واحد
لإن المزارات قريبة لمدينة وبعيده من آخرى 

يعني أنا إذا طلعت من فندقي أقدر أروح يمين والإ يسار

على حساب مزارك وشو...


وهذي خريطة القاردن رووت


أنا تقريباً ساكن بالوسط بـ



Wilderness










والحين مع صور للطريق 

يااااالله الجنة






















الطرق جميييييلة وفسيحه 

وما فيه أي مشاكل ولله الحمد


بس التركيز مطلوب عشان ما تجيب العيد والدركسون يمين ههههههه



وصلنا لمفترق طرق فيه المزارات واضحة باللوحات







القرود والطيور والفيله يمين والشيتا 12 كم ع اليسار


طبعاً وأنا أصور اللوحة واقف ع اليمين ناااااسي أبوالشباب


المفروض أقف ع اليسار هههههههه


أول يوم أول يوم


وأشوف اللي مرو من عندي وتعدو مستغربين 

طبعاً ما فهمتها على طول ههههههههه



وهذي لوحة ثانية تبين 

حديقة القرود و الطيور يسار والفيله يمين





طبعاً أنا عيييني ع الطيور عشان







وهذولي خيول من النعمة متسدحااااات ههههههه







وصلنا للموقع 

وميزته إن المواقف وحده بين حديقة القرود والطيور


وطبعاً المواقف مجانية كما هو السائد بأغلبية المزارات السياحية هناك


بدينا أول شي بحديقة القرود







دخلنا وقصينا تذاكر للحديقتين

 وهذي ميزتهم تأخذ كل التذاكر من اللي تبدأ منه


تقريباً للجميع ب 400 راند لكلا الحديقتين


 وهذا من داخل استقبال حديقة القرود 

وفيه منتجات للبيع أيضاً









وهذا ممر يوديك من عند المطعم والكوفي حقهم 

لمكان الإنتظار حتى تبدأ جولتك بالحديقة مع المرشدين السياحيين فيها

 ويبن بالصورة أيضاً منشورات المزارات السياحية







وهذا مكان الإنتظار








ونحصل كم قرد جايات لمكان الإنتظار 

شكلهن مشتاقات لشوفتنا قبل ندخل بغابتهن الخاصة ههههههههه





















وهذا خوي العيال 

سبحان الله الصغارين تقل يتعارفون لو ما يعرفون بعض


ولااااا زود اللغة بعد هههههههه








وهذا وده يرحب فينا بس من بعييييد








لا والله ما يبنا هجججج ههههههه











وجاء وقت دخولنا مع المرشدة السياحية



وهنا نودع مكان جلوسنا بالإنتظار














الحديقة فيها أنواع قرود من إفريقيا ومن آسيا ومن إمريكا


وأنواعها مو كثيرة بس مميييزة اللي فيها


ومهيأين لها مكان مناااااسب جداً وكبير


مكانها بالتأكيد طبيييعي بهالغابات


وعمل الإنسان فيها قليييل



هذي شكلها تكملة عدد ههههههه







على منصة الأكل





















توقعووون وش يسوي هالمهبووول



















طبعاً السير ع الأقدام داخل الحديقة



























شكله زعل علي هههههههههه









هبااااااا هيلاااااا جاء جاء يبي ياكل 


















































يااااااازين هالجسر الخشبي ( المتهزهز )












سبحان الله برص هذا ؟







هذي بعد زيادة عدد عند القرود










طلعنا من حديقة القرود لحديقة الطيور
ومرينا سيارتنا العزيزة








وهذي حديقة الطيور


















دخلنا وبنفس تذاكرنا اللي دفعنا بحديقة الطيور


ونفس الطريقة دخول الحديقة السابقة من وسط هالصالة اللي فيها الإستقبال
 ومبيعات

 

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

---

التعديل الأخير تم بواسطة فريق التطوير ; 06-03-2016 الساعة 04:15 AM

[فريق التطوير]

يتبع...







































































شلال صغير وطبيعي داخل الحديقة ( يالله الجنة لنا وللمسلمين أجمعين )















جااااااازلي ياولد تقل ديكنا بس فل كامل ههههههههه













منظر لإسترخااااء العين

















ناااافذة الشلال










ترووووش ترووش ما يشوفك أحد هههههههه


















شكله مريض المسكين وجالس ع الممر ولا يمانع من الإقتراب منه










موظف تابع للحديقة يوزع إكل الطيور














جسور خشبية جميييلة داخل الحديقة
















وهذا أززززين الجسور













لازم صووورة داخل هالجسر والإ وشوله ماااادحه هههههههه















هذا الرسمي حقظم الظاهر

مو صورته اللي بلوحتهم اللي برا ؟

















والآن سبحان الله وحنا مستمممتعين بدأ هطول المطر


( والمطر عند المصورين يعتبر عائق في الغالب )














ياااااااازين قطراااات المطر









ياااااازين هاللون 













خلاص تصوووير زاد المطر


حطيت الكام بالشنطة

 استمتعنا قليلاً بالجو
وبعدها طلعنا للسيارة 

وقلنا نمر حديقة الفيلة قريبة من المكان









قااااامن عقب نومة الضحى هههههههه












هذي البوابة وقررريبه للحديقتين السابقتين













وصلنا للإستقبال والمطر تقل خف 

نزلنا قالو آخر قروب مشى قبل شوي حنا تقريباً وصلناهم 3:30 مساءً


وزيارة الفيلة على شكل قروبات وداخل الغابة مو قريب لمكان الإستقبال

 قالو ما فيه الإ بكر وأعتذرو بكل لطف...


وطبعاً أسعارهم للكبير 425 راند وللصغير 225 راند تقريباً

 

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

---

التعديل الأخير تم بواسطة فريق التطوير ; 06-03-2016 الساعة 03:59 AM

[فريق التطوير]

يتبع...


طلعنا من عندهم ورجعنا جهة ويلدرنس مكان إقامتنا


وبالطريق ونشوف لوحة حديقة أفاعي


ولوحات المزارات السياحة غالباً اللون البني بالأبيض


ومن دون تردد لفينااااا

وهذي اللوحة بعد ما دخلنا جهه الحديقة

وهي يسار الخط للي رايح نايزنا








حصلنا قدامنا سيارة وحدة فقط


وننزل الإ اللي يستقبلنا قلنا ندخل قال تفضلو لإنا حول الساعة 4 عصراً

وهم غالباً من 5 - 6 عصراً كل المناشط السياحة تقفل أبوابها


يعني قبل غروب الشمس بحول الساعة


قلنا كم الرسوم 

قال الكبير ب 100 راند

والصغير ب 60 راند


وصار اللي أستقبلنا هو صاحب هالمزرعة بنفسه


وأعجبني إستغلاله لها...


وأعجبني أيضاً وبقوووة ملازمته لنا

 وشرح كل صغيرة وكبيرة


العيال استمتعووو وبقووووة


وع اليسار فيه مكان كبييير ومستطيل فيه حول 3 تماسيح 

وكل واحد له إسم...



وهذا هو يورينا مكان التماسيح














وهذا موظف عنده وحصلناه يشرح للعائلة اللي قبلنا









هذي منطقة بالوسط ومنخفظة ( تقل حفره وفيها أنواع من الأفاعي )













الأفاعي هذي لها أكواخ خارجية بفناء المزرعة






























والحين دخلنا لصاله خاصة فيها أنواع معينه من الأفاعي








سبحان الله بيوض الأفاعي









































كذا خلصنا من المشاهدة الفعلية للأفاعي


وقلنا نتمشى بالحديقة لو هي صغيرة


بس جميلة ومعتني الرجال فيها

 وفيها ألعاب للأطفال














وهذي دورة المياه تكرمون ونظيفه








وحتى داخل الحمام تكرمون فيه المنشورات السياحية


عشان تختار منهن وأنت تعبر عن شعورك ههههههههه












وهذا إستعراض القوة بين ولدنا وولد العائلة الثانية ههههههه














خلااااص مشت العائلة الثانية وبقينا لحالنا










وهذا بيت راعي الحديقة بالخلف ما شاء الله











وبعدها إستاذنت صاحب الحديقة 

يوم صرنا لحالنا قلت بجلس أتقهوي هنا وبعدها أمشي


قال على رااااحتك

 ودورة المياة ترا ما فيها ماء حار إذا تبون أجيبلكم من البيت


قلت شكراً 

بس خذلك فنجال قهوة عربية مع تمر سكري 

وأخذله فنجال
واستاذن ومشى

 صراحة قمة الإحترام




ونتكي على هالكرسي

 ونتقهوى بعد يوم حاااافل بالمششششي ههههههه









إحداثية حديقة الأفاعي

على التنسيق



h ddd mm.mmm



S 33 57.544

E023 28.455




بعدها وقبيل المغرب مشينا لفندقنا


وما وصلنا له الإ نص المغرب 

والوضع ولله الحمد ماااا فيه شي







دمتم بحفظ الله

 

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

---

التعديل الأخير تم بواسطة فريق التطوير ; 06-03-2016 الساعة 03:58 AM

[فريق التطوير]

اليوم الثاني بالقاردن رووت

وبسميه ( يوم المطر )

طبعاً المطر له لذه لاااااااشك

بس بالغالب يقف عائق بالسياحة وبالتصوير













يومنا راح نبتديه بفطور الفندق اللي كان شامل مع السكن

















ياااااااازين الفطور على هالمنظر





حددنا وجهتنا لهذا اليوم والبداية من مزرعة الفراولة

حطيت الإحداثية على التنسيق

ddd mm.mmm

S 33 57.529
E022 22.949

ومشينا متوكلين على الله

وسلكنا طريق موسل باي

وبعده رحنا يمين من عند مطار جورج
























وصلنا للوحة مزرعة الفراوله









سلكنا طريق غير معبد

بس مو طويل بإتجاه المزرعة








هناك ع اليسار المواقف




طبعاً الغلبه اليوم للآيفون

الجو ما يسااااعد على خروج الكام من الشنطة

وصلنا وترددنا بالنزول المطر ع الخفيف

والأرض فيه وحل شوي...

جزمنا قبل يزيد المطر

ودخلنا وفيه ناس بالمطعم جالسين ع اليمين

حنا دخلنا على طول داخل الصالة الرئيسية

وفيها الإستقبال للمزرعة وفيها منتجات للبيع













وهذا استاند فيه بوشورات المناشط السياحية




المهم المطر ع الخفيف وتقل ما وده ياقف

والوقت ثميييين هناك وما ودك يضيع عليك

أخذنا من عند الإستقبال

علب بلاستك لجمع الفراولة وكل علبه لها سعر

الصغيرة تقريباً ١٥ راند والكبيرة ٢٥ راند

فراولة طاااااازجة ورخيصة

طلعنا مسرعين وفيه صاله إنتظار مفتوحه

قلنا ننتظر فيها شوي عل وعسى ياقف المطر

وانتبه للوحة اللي ع اليسار

يقولك لاااااا تعبي العلبه كثير

يعني ما فيه قاعدة حلل فلوسك ههههههههههه







وفيه جلسات رووووعه بس ما تبي مطر





والعاب أطفال مجانية ( وهذي سمه سائده هناك )






أنتظرنا لحالنا قلنا يالله بس مطر مطر خل ندخل بس




ياولد لاااااا تزلق بس




يااااااااازين الفراولة




ايييييه يكفي كذا

نحترم الإنظمة ههههههههه





وهذي سكة قطار

بس مدري فيه والإ لا

ولوحة ثانية لعلب الفراولة لا حووووووول بكل مكان ههههههههه








رجعنا وودنا نجلس بمحطة إنتظار القطار ع اليسار

بما إنا لحاااااالنا بناخذ راحتنا ما حولك أحد

وودي أطلع الكام أخذ كم صورة





وداعاً يا مزرعة الفراولة







طلعنا الكام قلنا نصوووور ياولد































هدية لعيووووون كل من مر من هنا...

وخاصةً المتابعين بصمت







ارجو عدم الـــرد...

 

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

---

التعديل الأخير تم بواسطة فريق التطوير ; 06-03-2016 الساعة 03:57 AM

[فريق التطوير]

بعدها طلعنا

متوجهين لمزرعة النعام باوتشدرون

بس مااااا زال المطر...





المهم وندخل ديرة ومزرعة النعام ع اليسار

وكل ما جينا منفذ يسار فيه دورية تمنعك تدخل

وورطنا حنا والقارمن والشرطة ههههههه

والعلم عند الله إن منسوب المياه زاد لأن اللي وراهم

تقل ارض نازله وشايف نهر ع اليسار قبل ناصل هالمدينة

المهم راااايحين رااااجعين

أنا قلت بيوقفني راعي الشرطة كل شوي وأنا ماره هههههههه


واتعداااااهم واخلي القارمن يدورلي درب غيره

واحصل درب والظاهر إني عكست الدخله بس دخلنا وما فيه أحد عااااادي هههههههههه




وأخيراً وصلنا مزرعة النعام





واحداثيتها

على التنسيق

ddd mm.mmm

S 33 37.868
E022 09.752


دخلنا وما زال المطر

ويجي واحد منهم وحنا عند السيارة

قال الحين ما فيه تبون تقصون التذاكر

وتنتظرون أقل شي ساعة وبعدها نقرر ندخلكم والإ نرجع فلوسكم وتمشون...

وبعد مشوارات قلنا

يالله سلاااااام

النعام بكل مكان حتى بالسعودية هههههههههه

ونمشي من عندهم

ويجينا طريق يمين اللي جينا معه والإ يسار جهة موسل باي

قلنا نغيييير نروح جهة موسل باي

ومنها نشوف الخط والديار اللي عليه

والوضع ولله الحمد زيييين والوقت نهااااار






















رجع المطر من جديد

والخط مثل منتم شايفين من دون اكتاف

بس مااااا فيه زحمة ولا شي




وشوي ونحصل

هالمننننظر الجنان والطبيعي

بسبب المطر

ومن دون ترددددد واجدع السيارة ع اليسار واقف

صح

صح

صح

نسيت أقولكم تعرفون المرايه حقت السيارة اللي بالوسط

يمكن ما بديت أشوف فيها الإ بعد يوم ونص والإ يومين

ناسيها اشوف يمين ما فيه الإ قزازة السواق هههههههههههههه






المهم جت سيارة وفيها ناس

وكلبين تكرمون بالصندوق

ووقف بعييد شوي عنا

ويوم صورنا وتفرجنا مشينا

وهم اشوفهم ارجعو بسيارتهم للشلال

قممممة الذوق والإحترام












بعدها كملنااااا الطريق لموسل باي

المطر وووقف












كم أنتي ساااااااحرة يالقاردن رووت

وقفت مره ثانية

لتنفس الهواء المنننننعش والنقي
















وصلنا موسل باي

وعلى طوووول لمكان ركوب الهيلكوبتر

اللي ذكرها أخوي الغالي ابوالعصافير

( لإنها من أشد الأشياء اللي شدتني بالقاردن رووت وودي أركبها )





ولكن للأسف مغلق




والحمدلله حصلنا شخص

وما قصر قالنا أنا ما اشتغل هنا

جاي زيارة أو يبي أحد

المهم ويدق من جواله على شخص

وطووول معه وبالنهاية قفل الخط

وقال سجلو هالجوال عندكم ويقول خلهم يتواصلون معي

لإن الأجواء هاليومين مش ولابد...

غيووووم وأمطااااار...

قلنا خير خزنا الرقم

وشكرناه ومشينا


قلنا ننزل لموسل باي المدينة

ناخذ لفتين فيها ونمشي بعدها لويلدرنس مكان إقامتنا








لفينا بالمدينة أنيييقة وجميييلة

ومرينا الكورنيش قلنا نتمشي شوي












أماكن خاصة للشواء








بعدها مسكنا الطريق

لويلدرنس

والطريق طبعاً جميييل جداً وسيدين

ووصلنا فندقنا وباقي وقت ع المغرب

قلنا نطقطق كم صورة له واللي حوله








هذي وحدة من غرفنا

















ياااااااازين هالكراسي

يكفي لو تجلس تمتع عيوووونك وتستنشق الهواء العلييييل








كلن على همه سرا وأنا على همي سريت

اقققققعد ياولد ههههههههههه












لااااااا تعليق













الكرسي هذا

بوسط الدرج الطووويل اللي نازل للشاطئ

كرسي رااااايق وبعيد عن أعين الناس















وهذي آخر صورة

من الشاطئ نفسه








على آمل لقائكم بحلقة جديدة بإذن الله

 

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

---

التعديل الأخير تم بواسطة فريق التطوير ; 06-03-2016 الساعة 03:56 AM

[فريق التطوير]

حياكم الله من جديد

في يومنا الثالث بالقاردن روووت

وتخطيطنا لهذا رحلة سفاري

لأن من أمس خليت الإستقبال يحجزولي على رحلة الظهر

لإن فيه رحلة الصبح بس بدررري وأكيد الجو بيكون بارد

وصحينا على رواق الصبح

وكالعادة لبوفيه الفطور





ووش الأجواء بس

الظاهر بقية سحابة أمس ما بعد قضت

لإن من البارح وهي مره تمطر شوي وتاقف شوي





وهذي الشمس بدت تطلع




مشينا من الفندق بإتجاه

Blettenberg Bay

تجي بعد نايزنا

على الإحداثية التالية

والتنسيق

h ddd mm ss.s

S 33 56 42.7
E023 20 59.8









شواطئ مع طبييييعة يارباااااه




ياااااازين طرقهم ياولد

خلاص تعلمنا الحين ما يحتاج

إذا سقطت ع السيارات ما أشطفهم هههههههه














حصلنا أعمال طريق

بس لهم طريقه حلوووه

يكون فيه مركز ارسال ببداية أعمال الطريق وبالنهاية

يخلونك تاقف حتى تمر السيارات اللي نازله وبعدها يوقفونهم

ويعطونا الإذن بالصعود...

يعني عمليه تفويج للذهاب والإياب














وصلنا للمحمية





وهذي البوابة

وقبلها ع اليمين فيه زر تضغطه وتفتح البوابة





بدينااااا بمناظر المحمية








طبعاً داخل فيه سكن بالمحمية اللي يبي

وتجيك لوحته ع اليسار وأنت مع الطريق الترابي

وإذا تبي إستقبال المحمية طووول من الخط وتقل يمشي فيك ع اليمين





دخلنا الإستقبال وكعادة أي مكان هناك

فيه مكان للبوشرات السياحية




بعدها لقينا حجزنا

ودفعنا حق المحمية للجميع تقريباً 1900 راند


























وهذي سيارتنا

ومعنا عائلة أوروبية رجل وزوجته وبنتهم

ومثلي معه كام إحترافيه يعني صديقي هههههههه





وعطونا لباس خاص ضد المطر لإن الجو ببداية كان فيه مطر

بس من وصلنا والجو حلوووو ( لا أحد يزعل إن ما فيه مطر )

لإن حتى هم يقولون اليوم حظكم اللي جو أمس مطر وحوووووسه

بدينا جولتنا

وهذي سيارتنا الغالية التيدا












































هذا صديقي ياخذ صورة لوحيد القرن
































سممممم فيه أحد يناديني هههههههههه







مطااااااردة من الفسقه























سواقنا ومرشدنا السياحي





كفشني وأنا أصورة وهاتك إبتسامة

















وصلنا لمنطقة الأسود

وهي داخل المحمية وداخل مكان مخصص

ينزل السواق ويفتح الباب وندخل بالسيارة

وبعده يقفل الباب وناخذ لفه داخل

والخروج مع نفس هالبوابة





التفت وخذلك صورة على بال ما يفتح الباب

















تقل فيه أحد بهالصورة

 

فيصلمعجبون بهذا.

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

[فريق التطوير]

رجعنا لمقر الإستقبال


ورحت على أرجولي لبحيرة فيها فرس النهر

وقالي إنها خطيرة جداً

يعني صور وأنت بعيد وتوكل على الله هههههههههه














وهذولي هن بوسط البحيرة








بجنب صالة الإستقبال فيه مكان للجلوس

ومنطقة ألعاب للأطفال











رحعنا بعدها للسيارة ومشينا





يااااااازين الأجواء اللي نودع فيهن هالمحمية























هذي تبي تودعنا بجنب الطريق الترابي المتجه لبوابة الخروج











طلعنا وبنفس الإتجاه اللي يمر الطريق اللي فيه صيانه

لفت إنتباهي هالعلامة





هذا المكان اللي تاقف عنده وتنتظر يقولوك أمش

كان فيه موظفة ووقفت أنا على طول

ويوم شافت الكميرا وتضحك وتختفي تحت هههههههه





رحعنا وبالطريق مرينا مكان فيه تأجير دبابات

العيال أزعجووووني مسك على دبابات ههههههههه

والطريق لهم ترابي بس حلوووو








لكن للأسف الدبابات اللي عندهم كبااااار

تصلح للكبار فقط...

يعني اللي وده يعيش مغامرة دبابات كبار يصلحله هذولي

وع الأحداثية التالية

بالتنسيق

h ddd mm ss.s

S 34 01 28.6
E023 13 32.4


رجعنا أدراجنا من دون هدف

الوعد نايزنا على طريقنا نشوفها عن قرب


وهذا مريناه بالذهاب للدبابات وما صورته

ويوم رجعنا قلنا لازم صورة لو ع السريع





وحصلنا هالإستراحة على الطريق

يااااااالله من فضلك

يمكن تذكرت إستراحات ساسكو ويمكن لا هههههههه





وهذي مطيتنا الأولى ياااااازينها هالتيدا ههههههههه








وشوي ووقف حولنا

تريلة سيارات

ويوم نزل يتأسف بكل آدب

ويقول شوي بريح وأمشي مو مطول

( يا عيني ع الأخلاق )

وجازلي شكلها

حتى راس التريله مستغلينه








كملنا طريقنا لنايزنا

وجاء ببالي نروح للمطل حقها...

















سلكنا الطريق المؤدي للمطل























واااااااو يازين المناظر من مطل نايزنا











فيه أحد يبي من بيوتي هذي

أبيع عليه هههههههههه











عليكم الترجمة عاد ههههههههه




















وهذولي هدايا بسيطة لعيوووون المتابعين











بعدها نزلنا لنايزنا

نلف لف شوي فيها

وأشوف من بعيد شوي تجمع سيارات قلت يمكن مزار سياحي والإ شي

ويوم وصلتهم أثرهم عند كنيسة هههههههههه


وهذا مركز سياحي داخل نايزنا





وبعدها مسكت على مطعم أوشن باسكيت

وبحثتها بالقرامن





بس للأسف ما لقيته

وفيه واحد بعيييد

وعكس إتجاه مقر سكنا بويلدرنس

قلنا ما يحتاج ههههههههههه

خيرها بغيرها...



رجعنا للسكن بعد المغرب بشوي

ويااااالله لحقت على آخر الغروب





ومدام الوقت تووووه بدري

قلت اطقطق ع الفندق روقان على بال ما القهوة تجهز هههههههه












بهذه الصورة

نختم حلقة من حلقات القاردن رووت



دمتم بحفظ الله

 

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】

[فريق التطوير]

نكمل معكم

وما زلنا بالقاردن رووت

وتحديداً بويلدرنس

قمنا الصبح أفطرنا من فطور الفندق الجميييييل

رجعت أخذت الكام قلت اطقطق كم صورة

على بال ما نتجهز للطلعه


هذا للي بايخذ دش قبل وبعد سباحة البحر








تذكرون الكرسي اللي قلتلكم قبل يصلح تجلس فيه

قبل الغروب والإ بعد الشروق

صورتلكم مع المغرب الحين مع الصبح

يكفي لو تجلس هناااااااا

















وهذي العاب الأطفال جميييييلة








وهذا المسبح بس ماااااله سوق الجو بارد ( وبرودة غير مزعجة طبعاً )





رجعت للفندق بنشيل الأغراض

وابوالشباب من الحماس

وده يصور ههههههههههه





طلعنا بعده من الفندق

وقلت بروح اسحب فلوس كاش

من بنك استاندر بنك

وموجود بمول القاردن رووت

ويبعد عن الفندق 10 كم فقط

بحط احداثياته والإ وااااضح مكانه

بين جورج و ويلدرنس

h ddd mm.mmm

S 33 59.131
E022 30.256


مريت البنك وصرفت منهم 5000 راند

وهذا المقصد من هالبنك تحديداً







رجعنا لجهة ويلدرنس

لإن العيال ماااااسكه من أمس على دبابات

وابو يد مكسوره هو الحريص الله لايبلانا هههههههههه

وهذا الخط اللي رايح ونازل بنفس الوقت لويلدرنس

ااااااه للجمال بس...











وهذي لوحة فندقنا على نفس الخط اللي رايح لنايزنا

مكتوبه ازرق بابيض

والعلامة الثانية له فيه محطة بنزين

يعني تدخل قبل المحطة يسار

وطبعاً بجنبه فندق ثاني تروح على رجولك له

بس للأسف ما حفظت ولا صورت اسمه

بس موقع بوكنق طبيعي بيطلعه بالخريطة الخاصة فيه





وهذي المحطة

وطبعاً من مميزات قربها للفندق

إذا بغيت اشياء من السوبرماركت حقتها

أروح على رجولي لها من الفندق

والمحطات تأخر ما تسكر عندهم





بعدها مشينا لمكان الدبابات

ع الإحداثية التالية

ع التنسيق

h ddd.ddddd

S 34.00100
E022.68525








طبعاً مو كلها دبابات عندهم رياضة السكاي

الإنزلاق بين الأشجار

وفيه أكواخ كل كوخ عنده بعض الشغلات يبيعهن

يعني بيئه جميلة للزيارة



















سألنا عن الإنزلاق بين الأشجار قالو اليوم ماااافيه

لإن الجو عقب مطر توه زان الجو

قالو بكرا قلنا مااااااا نقدر بكرا بنودع ويلدرنس وعلى موعد جمييييل آخر

قلنا الصبح يمكن نقدر قال للأسف فللللل الحجز...

قلنا خيره

أهم شي فيه دبابات قالو إيه

قلت اشواااااا هن أهم شي هههههههههه

ومن دون مبالغة كنا حنا اللي فيه بالمجمع فقط

واللي يبيعون بالأكواخ





الله من الحماس محجووووووز ههههههههه





جااااب أوراق إخلاء المسؤليه وقع بس وقع














انطلقنا جميييع بس شكلهم هااااكين ( ضاحكين ) علي دبابي يدخن هههههههههه








طفى دباب ابويد هههههههه من يفكنا منه الحين








صوري بس صوري ما يحتاج تركبين هالدبابات ههههههههه

ما قصرت المدام سلمناها الكام وصورتنا

مالها ومال الدبابات




هذي دعايتهم للإنزلاق بين الأشجار

















بعدها طلعنا جهة

مشاهدة خريطة إفريقيا

ع الإحداثية التالية

ع التنسيق

h ddd mm.mmm

S 33 59.580
E022 33.642

صور من الطريق





















حصلنا اللوحة وتقل مو وااااضحة




الطريق ترابي وتقل بعيد شوي المنظر

بس ما عليكم الجو والمكان يفتح النفس





شكل وده يتعرف هههههههه





ياااااا عيني ع الرومنسية هههههه




وصلنا وهي على نفس الطريق تجيك هاللوحة ع اليمين





وهذا المنظر المقصود سبحان الله








رجعنا والوجهه حديقة
وايدرنس ناشونال بارك

والغريب إنها تقريباً قبال فندقنا وزين جيناها قبل نمشي من القاردن رووت


ع الإحداثية التالية

ع التنسيق

h ddd mm.mmm

S 33 59.599
E022.36.401







يااااازين شوفة البحر من فووووق





شكله منتجع رااااائع











مرينا بداية الحديقة

وجتنا الموظفة وكان سعر الدخول بسيط

بس للأسف ما أذكره لإنها تعتبر حديقة حكومية

وجابت لي هالورقة نسجل الأسماء فيها

لإن تقدر تنام فيها بعد





وأخذت منها نموذج معلومات وأسعار المبيت فيها

ياولد رخيييييصة دبرولنا كرفان والا نستاجر والإ عزابية أكيد فلللللله





وعطتنا خريطة لها وبنهايتها تقل فيه شلال

هي قالت شلال بس

دخخخخخت مشتهي أصور شلال

قلت وينه أول ما نبدأ فيه ههههههههه

ونحصل لوحه وواحد اسمراني

قلت منا الشلال قل منا وتراه كعابي وسكت !!!!










وهذي خريطة تبين مكانه

ومااااا اقول الإ الله لايعمينا ما شفت كم المسافة














هذي مدري وشوله ومدري وش فيها

ترجموها لي ههههههههه








هذا مفترق طرق

تبي تروح يسار وترقى

والإ إطوووول من تحت

طبعاً أنا رقيت قلت والله حلو تشوف الشلال من فوق

 

آخر مواضيع فريق التطوير

- الفوكس في ربوع جنوب افريقيا ..تقرير مصور بقلم الفوكس - جنوب افريقيا بطريقتي (لمحة .. فنادق .. توجيهات) بقلم الفوكس - خريطة جنوب إفريقيا 2013.40 للقارمن للتحميل المباشر بقلم محيرهم - التقرير المصور لرحلة جنوب أفريقيا 2011 بأكثر من ( 100صورة ) بقلم البارق - رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】