|
شعر رآق لي . . العرب المسافرون البوابة العامة قصيدة الأميرة نوره آل رشيد رحمها الله طبعآ كلكم سمعتوا البيت اللي يقول:- تكفا ترا تكفا تــــهز الرجــاجيل لولا ظروف الوقت مـــاقلت تكفا لكن أغلبكم ماقرا القصيده كاملة تمتعوا بقوة القصيدة النارية ــــــــــــــــــــــــــــــــــــ مـن ذاق حـر القايلـــه يعشـق الليـل ومـن شـب ضـوه ليلــــة البـرد يـدفـا امســـيت في جيلٍ ولاهوب ذا الجيل و اصبحـت والا ديـرتي شـبـه منـفـا واللـــي حمـا بيتـه بطيــرٍ ابـــابيـل ماجيت ادور كـل مـن صـد واقفـــــا ولا جيـت ابشحـذ يانمـا دلـــه وهيـل جيتـك وجـرح الظـلـم غــاديه يشفـا جيتــك بكلمـه كــنهـا صعــقـة الويـل وان قـــلـت تكفــــا لاتهــاون بتكفــا تــكفا تراها كلمــةٍ تقــطم الحيـــل لا بـــالله الا تـــــنسف الحــيل نسفا تكفا تـرا تكفـا لهـا هــــدرة الســيـل فـــي صدر حرٍ ينــتف الطيـب نتـفا تكـــفـا تـرا تكفـا لـها تِسرج الخيـل ان كــان لك في مجمع الـخيل عسفا تكفــا تـــراني من قرومٍ مشاكيل حمـــــاية الــسـاقـه بـــسيفـٍ وشــلفـا تكفــــا تـــرى تكفـا تهـز الـرجاجيـل لولا ظروف الوقــــت ماقلت تكفا هذي القصه حدثت للاميره نوره آل رشيد من شمر عندما وقعت الحرب في حايل خرجت نوره مع عبدها وعندما اتاها خبر مقتل اخوانها حزنت حزن شديد وزاد ذلك ان العبد كف عن خدمتها بل اصبح يامرها وفي يوم من ايام شافها تبكي واول مره يراها العبد تبكي فاستغرب لان نوره كانت شديده وكانو اخوانها ينتخون بها ودمعه نوره غاليه جدا؛ فسالها لماذا تبكين فقالت هذه القصيدة : أبكـي هلـي هــل العـلـوم المليـحـه ولا ألوم عيني لو بكـت دمعهـا دم إخوانـي أبكـي والقصـور الفليـحـة إخـوانـي الـلـي لا بـغــو لازمٍ تـــم ياما إنتخو بإسمي ليا حـل صيحـة اليـا انتخـو بـي كافـر الجـن يسلـم إسمي كما نجـمٍ ضـرب قـاع بيحـة أو الصواقـع يــوم للضـلـع تـرجـم نـورة أنـا بنـت الشـيـوخ الفليـحـة أبوي حاكم وإخوتـي صفـوة الجـم يا حيف حايـل فارقـن ريـح شيحـه بذيك الشغايا تقل ما قيـل لـي سـم محمـد طـلال اللـي جـرح للقريحـة وناسٍ بنا خانـو ونـاسٍ بنـا نـم يالعبـد عقـب العـز كبـدي جريـحـة حب الوطن يالعبـد مـن عصـر آدم يالعبد ماهي مـن حكايـا الفضيحـة خل السهر لي وإنت يالعبد قـم نـم مـن أولٍ نأمـر تجـيـب الــذبيـحـة واليوم ياعبد الندم صرت لي عم. أرسلت من SM-N910C بإستخدام تاباتلك |
رد: تكفا ترى تكفا تهز الرياجيل الله يرحمها .. مالي بالقصايد بس عجبتني القصيده مؤثره :yolks00640: شكرا هولمز |
رد: تكفا ترى تكفا تهز الرياجيل قصيده رائعه وكلمات مؤثره تسلم هولمز |
رد: تكفا ترى تكفا تهز الرياجيل مـن ذاق حـر القايلـــه يعشـق الليـل ومـن شـب ضـوه ليلــــة البـرد يـدفـا كأنها تعيش معنا .. بوركت مشرفنا الغالي/ شارلوك هولمز |
رد: شعر رآق لي الله يرحمها وتسلم على النقل الجميل |
رد: شعر رآق لي بعد اذن المحقق هولمز والظاهر اننا كما اجتمعنا على حب السفر ايضا يروق لنا الشعر أضع بين يديكم رائعة من روائع الشعر النبطي للمرحوم محمد أحمد السديري يقول من عدى على راس عالي رجمٍ طويلٍ يدهله كل قِرنـاس في راس مرجومٍ عسير المنالِ تلعب به الأرياح مع كِلِّ نسناس في مهمهٍ قفرٍ مِن النَّـاس خالـي يشتاق له مِن حسِّ بالقلب هوجاس قعدت في راسه وحيـدٍ لحالـي كنِّي براس الرِّجم مذهب وحرَّاس متذكِّرٍ في مرقبي وش جرا لـي وصفقت بالكفين ياسٍ على ياس أخذت أعد أيامها والَّليالـي دنياً تِقلَّب ماعرفنا لها قياس كم فرَّقت مابين غالـي وغالـي لو شفت مِنها ربح ترجع للإفلاس يقطعك دنياً مالهـا أول وتالـي لو ضحكت للغبن تقرع بالاجراس المستريح الَّلي من العقل خالي ماهو بلجَّات الهواجيس غطَّاس ماهوب مِثلي مشكلاتـه جلالـي أزريت أسجلهن بحبرٍ و قرطاس حملي ثقيـل وشايلـه بإحتمـالِ وأصبر على مُرّ الِّليالي والأتعاس وارسي كما ترسي رواس الجبالِ ولايشتكي ضلعٍ عليه القدم داس لاخاب ظنَّي بالرِّفيق الموالي مالي مشاريهٍ على نايد الناس لعل قصرٍ مايجيلـه ظـلالِ ينهدِّ من عال مبانيه للساس والبوم في تالي هدامـه يلالـي جزاك ياقصر الخنا وكر الأدناس لاصـار ماهـو مدهـلٍ للـرجـالِ وملجا لمن هو يشكي الضيم والباس حسناك يامنشي حقوق الخيالي ياخالق أجناسٍ ويامفني أجناس متـى تربِّـع دارنـا والمفـالـي وتخضر فياضٍ عقب ماهيب يبَّاس ونشوف فيها الديدحـان متوالـي مثل الرِّعاف بخصر مدقوق الألعاس وينثر على البيدا سوات الزوالـي يشرق حَمَاره شرقة الصبغ بالكاس |
قصتها تكسر الخاطر يعطيكم العافيه |
من اجمل واحلى القصائد اللي قريتها |
دوام الحال من المحال كل الشكر لطرحكم الراقي |
رائع ياعمار والبيت الاخير هو اللي اشتهر من القصيده |
| الساعة الآن 08:29 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO