|
اتمنى من الجميع يدخل حتى لايتعرض للي صار لي مع الخطوط القطريه يا اخوان السلام عليكم ورحمه الله وبركاته صار لي موقف ماكنت ادري بس لما دريت حبيت اقولكم علشان محد يتعرض للي حصل لي واليكم السرد اصدرت بطاقه امريكن اكسبرس ورحت حجز علا الخطوط القطريه حسبي الله عليهم وكنت حاجز على امريكا طبعن الحجز مبكر ومرت الايام والغيت البطاقه بعد ما انسحب المبلغ وماجا علا بالي ومرت شهرين وجا وقت السفر لما جيت اقص البوردنق قال وين البطاقه الي انت حجزت فيها قلت البطاقه في البيت قال لازم تجيبها قلت الطياره بعد ساعه كيف اجيبها ماراح يمديني قال جبها والا ادفع مره ثانيه كاش وللاسف ماكان معي وقت ورحت ودفعت المبلغ 3400 ريال مره اخرى قالو لي ارسل ايميل بالمشكله الي صارت معك والتاريخ وراح يسترجعون لك المبلغ كامل للامانه ارسلت اكثر من 10 ايميلان وبجميع اللغات بس للاسف ماكان فيه تجاوب فنرجو من اخواني واخواتي في هذا المنتدى وجميع الي يقرا مشكلتي ان يهتم لهالنقطه والله خوفن عليكم وحبا لكم ف انتم زي اخواني كما نرجو من الي عنده حل يزودنا بالحل لاني طالب ومسافر من شهر وفي بالي اني راح ارجع بعد 4 شهور وانزل في المطار واروح للفلبيني الي اخذ مني المبلغ واقول ماوصلني شي اسف للاطاله واالسلام عليكم استغفر الله العظيم واتوب اليه |
رد: اتمنى من الجميع يدخل حتى لايتعرض للي صار لي مع الخطوط القطريه و عليكم السلام الله يعوضك خير أخطأت بالغاء البطاقة قبل استرجاع المبلغ الآن لنفرض ان الشركة بترد لك المبلغ أكيد يرجع بنفس الطريقة اللي اشتريت فيها على بطاقتك و هذي العملية تتم عبر النظام و هي بحاجة لصلاحيات ان اختلفت الطريقة . لابد تراجع فرع لهم لكي يتم الارجاع يدوي بعد التأكد من هويتك الشخصية عبر جواز السفر . غالبية خطوط الطيران تقوم بنفس الاجراء و تدقق على وجود بطاقة الائتمان عند اصدار البوردنق. شكراً لك على التنبيه |
رد: اتمنى من الجميع يدخل حتى لايتعرض للي صار لي مع الخطوط القطريه لا حول ولا قوة الا بالله وش يبغون بالبطاقة دام التذكرة مدفوعة!!! سبحان الله مثل هالمشاكل مالك الا تروح للمكتب الرئيسي وتتفاهم معهم لا تروح الا للمدير التنفيذي لأن الباقيين بستمعون لمشكلتك وبيصرفونك ولا يعطون أعذار وهمية ما لها معنى الله يعوضك خير ويعينك على المماطلة في إرجاع المبلغ ومشكور ع التنبيه |
رد: اتمنى من الجميع يدخل حتى لايتعرض للي صار لي مع الخطوط القطريه شكرا لك اخوي اخر فرصه وعلا مشاركتك بس انا كان معي الجواز وكان الاسم مطابق للبطاقه والتذكره الي حجزت منها ولما ارسلت الشكوى عن طريق الايميل ارسلت لهم بيانات حسابي بس للاسف اذا انا مو عند الموظف ماينفع اخذه عن طريق الايميل |
رد: اتمنى من الجميع يدخل حتى لايتعرض للي صار لي مع الخطوط القطريه الله يحييك النظام واضح و صريح لابد تكون معاك البطاقة و عند الشراء يذكرون لك هذا الشرط يبدو انك ما نتبهت له لكنه حماية لصاحب البطاقة و حماية لحقوقهم ما أتوقع أنك توصل لنتيجة بالمراسلات فالامور المالية تستوجب حضورك للفرع لكي يتأكدوا من اثباتك ولابد تحضر كل الاوراق الداعمة لموقفك الفرع طبعاً ما راح يرجع لك المبلغ لكنه راح يخاطب ادارة المالية رسمياً و يزودوهم بمعلومات حسابك البنكي و اتوقع أن الموضوع يأخذ وقت |
رد: اتمنى من الجميع يدخل حتى لايتعرض للي صار لي مع الخطوط القطريه الله يعوضك بالخير .. يجب ان تكون حريص اكثر اخي الكريم |
رد: اتمنى من الجميع يدخل حتى لايتعرض للي صار لي مع الخطوط القطريه جزاك الله خير اخوي على التنبيه الحمدلله على سلامتك بالنسبه لأجراء الفيزا صحيح لازم تكون معاك وقت المغادره حتى وعند اكتمال الحجز بالنت تحط صح انك احد المسافرين لانك حاجز بفيزتك لكن بالنسبه لهم ان مايردون هذا اهمال وسوء اداره ومسؤوليه حاول انك تتصل فيهم وتقول لهم ماراح اتعامل معاكم با الايميل وبرفع عليكم قضيه وارفع عليهم واخذ من عندهم تعويض الله يكون بعونك اخوي |
رد: اتمنى من الجميع يدخل حتى لايتعرض للي صار لي مع الخطوط القطريه مديرنا اخر فرصة ما قصر بالشرح يجب ان تحضر البطاقة معك لك عملية حجز بالبطاقة من النت و هذا حق لهم و ضمان لصاحب البطاقة قدر الله و ما شاء فعل مثل ما تفضلوا الاخوة راجع مدير مكتب الخطوط القطرية واكيد راح تحصل حقك بس تحتاج الى وقت و صبر وفقك الله |
رد: اتمنى من الجميع يدخل حتى لايتعرض للي صار لي مع الخطوط القطريه اقتباس:
لحفظ حقهم و ضمان لصاحب البطاقة من السرقة |
رد: اتمنى من الجميع يدخل حتى لايتعرض للي صار لي مع الخطوط القطريه طلب البطاقه هو ضمان لك أكثر ماهو فائده لهم وهذا تصرف سليم من الخطوط الله يعينك وتسترد مبلغك ولكن هذا بحاجه لجهد منك لتثبت أنك نفسك صاحب التذكره المجحوزه وصاحب البطاقه وأمولك سترد لك بإذن الرحمن |
| الساعة الآن 10:44 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO