|
سؤال بخصوص طيران wizz هل تنصحون به ميزات وسلبيات السلام عليكم ورحمة الله وبركاته اخطط للسفر بالصيف إلى أوروبا وبحثن عن رحلات وجدت خطوط ويز wizz أسعار جدًا مناسبة للوجهات إلى أوروبا قرأت عنه أنه ليس له مكاتب في المطارات سؤال: هل تنصحون به ؟ أريد تجاربكم معه ومواقفكم وما سمعتم عنه الأسعار جميلة في موقعهم حتى مع الشنط المشحونة والمحمولة في المقصورة كيف اتعامل مع الشحن في المطار؟ هل هو موثوق في مواعيده؟ هل تقلع رحلاته في موعدها ؟ أم تتأخر وأي نصيحة ترونها مع تأكيدي على أسعاره الخيالية مقارنة مع الخطوط الأخرى رحلتي من جدة والوجهة أوروبا ولم تتحدد هل تكون فيينا ميونيخ فينسيا البندقية بما تنصحون ايضًا ان تكون جهة الوصول أرغب بجولة بين النمسا المانيا سويسرا والشمال الايطالي وفقكم الله تعالى |
و عليكم السلام و رحمة الله و بركاته بشكل عام أصرف نظر عن خطوط ويز wizz لأن اللى يمدحونها بالتأكيد مستفيدين بالترويج لهذه الرحلات للحصول على مشاهدات و متابعين خطوط ويز wizz أقتصادية جداً و تنفع لمسافر خفيف ما عنده إلا حقيبة ظهر و جدوله مرن و يتقبل أي تعديل أو تغيير في الرحلات و من ناحية المواعيد لك عليها .. كثيرين عانوا من التأخير نصيحة .. اذا بأمكانك الحجز على شركة أخرى فأختار الأفضل كي تنعم برحلة ممتعة بعيد عن القلق و التوتر |
عليكم السلام وزير اير خطوط اقتاصادية من الدرجة الاولى لكن لا تنفع للتخطيط لرحلة بعيدة ممكن تنفع لرحلة بعد يوم او يومين او اسبوع كذلك توقع اي شي ممكن تلغى الرحلة او تلغى رحلة العودة وتقع في مشكلة البحث عن الرحلات الخلاصة مسافر لوحدك و قتك يسمح لك بالتعديل بالجدول الفنادق احجز فقط اليوم الاول كذا ممكن تحجز عليها غير كذا اتوقع انها ما تنفع |
تسلموا ما قصرتوا |
طيرن لرحلات قصيرة مثل دبي تقدر تغير او تتستنى الرحلة القادمة لكن رحلات طويلة ووراك حجوزات فنادق او طيران ثاني ماتصلح تم الإرسال من SM-S908E باستخدام Tapatalk |
وجهاتها الأبرز اوروبا وأسعارها جداً ممتازة بالمقارنة بالخطوط الاخرى بل لا مقارنة بتاتا |
مثل ما قالوا الإخوه الطيران ينفع اذا كنت خفيف او سفرة شباب يعني ماعندك مشكلة لو صار تأخير او تغيير في المواعيد بس عائلة او عائلة بأطفال يمكن هالشي يكون مجازفة انا للأمانه منبهر من الأسعار اللي حاطينها لوجهات أوروبا وفي انتظار يفتحون لوجهات شرق آسيا بعدها ممكن أجربها ما تنصحون ايضًا ان تكون جهة الوصول أرغب بجولة بين النمسا المانيا سويسرا والشمال الايطالي وبخصوص جولتك السياحية انا عن نفسي أفضل تبدأ من ميونخ اذا كنت راح تستأجر سيارة لأن أسعار السيارات فيها أرخص من باقي الدول وغير كذا يحكمك عدد الأيام اللي ودك تقضيها اذا كانت قليلة خلها على مدينتين أو 3 بالكثير أما اذا عدد الأيام كثير ممكن ارتب لك جولة تشمل ميونخ كابرون انترلاكن ميلان و فينيسيا او ميونخ كابرون فينيسا ميلان انترلاكن |
ما قصرت تسلم الايام من 15 الى 25 يوم اذا عندك اقتراحات تنورنا وفقك الله |
تجربتي الشخصية معهم ممتازة من الدمام لروما بقرابة 400 فقط شنطة ظهر تزيد 100 تدخل معك 10KG وكل ما تزيد تدفع .. الطيارة جديدة و كلش ممتاز والتأخير حصل نص ساعه فقط رايح راجع .. السعر ماله منافس ، والحين حاجز من الرياض لبودابست رايح جاي ب416 شنطة ظهر. |
حياك الله اخوي انا شخصيا جربتها مرتين من أبوظبي إلى الكويت والى البحرين، أسعارها رخيصة جدا، المقاعد نفس مستوى طيران ناس وفلاي دبي، الحمدلله في الرحلتين ما صارت لي اي مشاكل يمكن لأن رحلات قريبة، بخصوص الباقة اللي تختارها عندك اللي مع حقيبة الظهر وبدون شنطة الشحن هذي الباقة لازم تخلص إجراءات السفر اون لاين، وإذا اخترت باقة 32كيلو تقدر تغير او تتكنسل رحلتك 3ايام قبل السفر بدون اي رسوم اضافية حتى لو في فرق في السعر، وعندهم ميزة حلوة انك لما تحجز لك تذكرة تقدر تحجز حق شخص ثاني وبعدين تضيف الاسم مش شرط وقت الحجز مقابل رسوم بسيطة، رحلة سعيدة |
| الساعة الآن 10:30 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO