|
استفسار طيران WIZZ السلام عليكم قبل اسبوع حجزت رحلة من الرياض الى ميلان WIZZ AIR ولكنني متخوف ومتردد لان السفره انا وزوجتي وليست شبابيه قاعد افكر الغي الحجز واحجز في الامراتيه او القطريه ، وش تنصحوني ؟ |
وعليكم السلام ورحمة الله حياك الله أخي محمد يفترض السؤال قبل الحجز أما وانك قد حجزت ودفعت ، الآن أصبح الموضوع صعب شوي لأن قد تكون التذاكر غير مسترجعة أو يكون مبلغ الخصم كبير في حال إلغائها هذا يعتمد على الشروط عند قيامك بالحجز وبما ان عددكم قليل انت وزوجتك فقط دون أطفال أرى بأن تتوكل على الله وتبقى على حجزك وبإذن الله الأمور بخير |
اقتباس:
الله يعطيك العافيه بالنسبه للتذاكر ترجع نص القيمة هي ب 1500، ترجع لي 700 ف اشوف موضوع الكنسليشن بسيط |
اقتباس:
والله يا أخي محمد المبلغ مو بسيط كونه يمثل نصف قيمة التذكرة كما ان موضوع استرجاع المبلغ لحسابك قد يأخذ وقتاً طويلاً ممكن اسبوع اسبوعين أكثر لا أعلم لأن كثير من شركات الطيران وخاصة الإقتصادية منها تتأخر في استرجاع قيمة التذاكر عند إلغائها لذا نصحتك بأن تبقى على حجزك وتتوكل على الله والأمر في النهاية راجع لك |
وعليكم السلام أتفق مع أخي boeing وما قصر ، بما أنك حجزت وبدون أطفال توكل على الله تظل الرحلة الدايركت أفضل من الترانزيت وبخصوص المبلغ المسترجع سيعود لحسابك في wizz air كرصيد صالح للإستخدام لمدة سنة وليس لحسابك البنكي |
شوركم وهداية الله ،الله يعطيكم العافيه وماقصرتو |
رأيي مع الأخوان أبو محمد و أبو كيان بما أنكم زوجين و خفاف خوضوا التجربة و المغامرة المهم يكون لديكم المرونة في تقبل المتغيرات لو طرأت مثل لو ألغيت رحلة يمكنكم السكن يوم أضافي مثلاً بدون ما يؤثر على باقي الرحلة بالتوفيق |
اقتباس:
|
اقتباس:
الله يسهل أمرك نصيحه اخذ معاك سناكس أو مأكولات خفيفة للرحلة لأن الأسعار على الطائرة مبالغ فيها على سبيل المثال الماء أو الكولا ب 12 ريال تقريباً وتأكد من الشنط اللي مسموح لحملها والتي تحتاج لها أيضاً واذا كنت بحاجة لمعرفة أي أمر بهذا الخصوص نساعدك إن شاء الله |
اسعد الله اوقاتكم لي تجربة في بدايتها مع طيران ويز الإقتصادي قبل 3 اسابيع قررنا رحلة انا وأولادي تم اختيار طيران ويز حسب ميزانية السفرة الرحلة ذهاب على مطار فيينا والعودة من مطار ميونخ مدتها 14 يوم بين النمسا وقارمش وميونخ رحلة الذهاب توفقنا برحلة مباشرة سعرها جميييل جداً ومع إضافة حقائب زادت شوي هذا غير مبلغ الرسوم على اختيار المقاعد والعودة فيها توقف واحد في أثينا لمدة 7 ساعات اخترت تذاكر مرنة عشان تبديل الرحلة وتغيير الوجهه ايضا ودفعت رسوم تقارب 400 ريال كل هذا تمام تأخرجنا بموعد الشننقن الألمانية فما حصلنا بالرياض نصحني موظف الشنقن بتأجيل الرحلة او الغائها تواصلت مع المسئولين في طيران ويز وخبروني ماراح ترجع المبالغ الا رحلة الذهاب وكمان 50 في المية اما العودة لانها توقف والمسؤولين عنها شركة خطوط يونانية وماعندهم استرداد المبلغ والعودة السعر دبل 😌 قررنا نبحث عن موعد للشنق وهذي غلطتنا الصراحة في الحجز قبل الفيزة ولا حصلنا الا في منطقة ثانية وذهبنا لدايركت ماقصرو معانا سوو كل الاوراق واستلمناها هناك وروحنا المركز الموحد وتمت البصمة والآن ننتظر توصلنا بإذن الله تعالى في اقرب فرصة قبل 2/ اوقات موعد الرحلة المهم انا ذكرت التجربة من باب الفائدة والعبرة حتى مايقع احد المسافرين في نفس الغلطة الإستعجال سئ ياجماعة دعواتكم تتم رحلتنا على خير وننبسط فيها ونرجع سالمين |
| الساعة الآن 04:31 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO