- النظافة : الفندق نظيف بشكل عام ولكن ماكان يتم تنظيف الغرف يومياً إلا بعد الطلب

- الموقع: الموقع أو الحي أو المنطقة اللي يوجد فيها الفندق أهم شيء في فنادق اسطنبول، أول شي موقع الفندق على خط سريع والمنطقة هادية جداً يعني مو حيوية فاللي متعود على السكن في منطقة شيشلي والسلطان أحمد راح يحس بفرق كبير ، إذا أنت ماعندك مشكلة في ده الشي وأخذ الفندق بس للنوم ممكن تسكن فيه أما إذا من الناس اللي تحب تكون منطقة الفندق حيوية أكيد ما أنصح فيه ، بس كمان حاجاتك الأساسية متوفرة حولك صيدلية وسوبرماركت وكافي صغير وأهم شي محطة الترام فاي تبعد 5 دقائق مشي عن الفندق وتوصلك لأغلب الأماكن السياحية في اسطنبول ، وكمان الفندق قريب منه مول مرمرة فورم يعني بالتاكسي تقريبا 10 ليرة وإذا مشي بعيد شوي أخذ ساعة معانا بالرغم إنه مو بعيد 3 كلم تقريبا عن الفندق بس عشان خط سريع لازم تلف لفة طويلة عشان توصل للمول ، وكمان أشهر أوت لت في اسطنبول أوليفيوم قريب من الفندق تقريبا 15 ليرة بالتاكسي ، وكمان قريب من مطار أتاتورك ممكن تخليه آخر يومين منها تسوق في أوت لت أوليفيوم ومول مرمرة فورم ومنها تكون بمكان قريب للمطار بس حبيت أقولكم رأي وبكل وضوح وصراحة في الموقع ، أنا بالنسبة لي ما ناسبني لأنه متعودة على السكن في شيشلي واحب المناطق الحيوية ولكن بنفس الوقت ما اتضايقت لأنه كنت بالترام فاي أقدر أروح أي مكان أبغى أزوره في اسطنبول وهذه صورة لمحطة الترام فاي :


- المرافق: متكاملة (سبا وحمام تركي ، ونادي رياضي ، ومسبح ، مطعم ، مركز اعمال ، مواقف سيارات ، تحويل عملات ، نقل من وإلى المطار )

- طاقم العمل: من وجهة نظري خدومين بس غير بشوشين أبداً بس أغلب اللي نزلوا الفندق معنا بنفس الوقت أبدوا استيائهم بالنسبة لطاقم العمل بس ايش الأسباب ماعندي خلفية عشان كده دايما أكرر على أنه تقيمي لأي مكان أروحه من وجهة نظري فقط!

- القيمة مقابل المال: أشوفها مناسبة لفندق 5 نجوم وحجم غرف مناسب مقارنة بفنادق اسطنبول

- الانترنت : يوفر واي فاي مجاني

اختم معكم تقريري بهذه الصورة :

http://www.arabtrvl.com/up/uploads/a...0476591951.jpg



:iukiu:

دمتم بود أنتم ومن تحبون