شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   فيزا امريكا (https://www.arabtrvl.com/vb/f35.html)
-   -   فيزا امريكا - من طقطق الى سلام عليكم (https://www.arabtrvl.com/vb/t15702.html)

مسافر معاكم 12-03-2016 04:30 AM

فيزا امريكا - من طقطق الى سلام عليكم
 
:e50c: فيزا امريكا - من طقطق الى سلام عليكم :e50c:
ياهلا ومسهلا بالجميع ،،،



من فترة طويلة وانا انسان سلبي استفيد من الانترنت ولكن ما ارجع افيد غيري !


وتقتصر مساعدتي لمن هم حولي من الاهل والاصدقاء.


ولا اخفيكم ان هذا الموضوع كان مأرقني كثير واكثر من مرة قررت اني ابدأ بمحاولة تغير هالخصلة فيني لكن للاسف ضغوط الحياة تجبرني ارجع للسلبية من جديد !!



لكن في هذه المرة استعنت بالله وقررت اضع حد واتحول الى انسان ايجابي يخدم الغير مثل ما يحب انه يُخدم.


وكون هذي اول مره انزل فيها شي على الانترنت فلا تدققون كثير لاني اخاف ارجع مثل اول


:32:


ما ابي اطول عليكم ونبدا في الموضوع على طول اليوم بشرح لكم الية التقديم على السفارة الامريكية للحصول على فيزا سياحية للعائلة من النماذج الى الطلبات الى طريقة الدفع الى المواعيد يعني من طقطق الى سلام عليكم



هذا الموضوع اتعبني كثير ولا لقيت موضوع بالنت يفصله بشكل واضح وبالرغم من ان السفارة الامريكية وفرت موقع يحتوي على معلومات ضخمة لمساعدة المتقدم الا ان العملية غير واضحة وفيها تعقيدات كثيرة وتفاصيل استدعتني للتواصل مع السفارة مرات عديدة والبحث بالنت كثيرا حتى توصلت لها فخلونا نبدأ :


علشان تحصل على فيزا الولايات المتحدة الامريكية السياحية يجب ان تقوم بعمل الخطوات التالية :


1. تعبئة نموذج D160 لكل فرد من افراد العائلة.


2. عمل ملف شخصي profile لك في موقعهم


3. تسديد رسوم الفيزا.


4. حجز موعد.


5. الذهاب للمقابلة


6. استلام الجوازات


هذي هي الخطوات اللي لازم تسويها وفي كل خطوة فيه طلبات لازم تكون محضرها فخلونا ناخذ اول خطوة ونشرحها بالتفصيل.



1 - تعبئة نموذج D160 لكل فرد من افراد العائلة.


هنا ماراح اشرح كل خانة من خانات الادخال لانها واضحة لكن الخانات او الامور اللي حسيت انها صعبة او مافهمتها على طول هي اللي ركزت عليها واذا احد منكم وقف عند خطوة اوخانة يسعدني اني اساعدها اذا كنت اقدر.


ندخل على الرابط التالي :




وراح تظهر لنا الصفحة التالية :



ومن هذي الصفحة راح نحدد السفارة بالرياض او الموقع اللي انت حاب تقدم فيه بعدين نظغط على الخيار الاول لبدء نموذج جديد Start An Application
راح يحولنا الموقع الى الصفحة التالية :
http://www.arabtrvl.com/up/uploads/a...5773975633.png


وهذي الصفحة مهمة جدا جدا

فيها رقم الطلب اللي موجود فوق ويبدأ دايم ب AA


وهذا الرقم مهم جدا لانه بيطلب منك في كل مرة ترجع تكمل النموذج وبيطلب منك اذا جيت تعمل الملف الشخصي وتحدد موعد فانتبه له والافضل تطبعه.


وكمان في الاسفل راح تلقى سؤال امني وتجاوب عليه وهــذا ايضا مهم فاذا رجعت تكمل النموذج في وقت اخر راح يطلب منك 4 حاجات وهي :


1- رقم النموذج اللي يبدأ ب AA زي ماشفنا تو


2- السؤال الامني وجوابه حسب ماجاوبته اول مره تعبي النموذج


3- اول 5 احرف من اسم العائلة حسب ادخالك اول مرة


4- تاريخ ميلادك



الحين، بعد ماتجاوب السؤال وتطبع الرقم اضغط continue لاكمال رحلة الطلب.





بيطلع لك الان النموذج وكل صفحة في النموذج مقسمة الى ثلاثة اعمدة من اليسار الى اليمين :


1- هذا العمود يعلمنا حنا في اي مرحلة من مراحل النموذج ،منه نقر نتنقل بين مراحل النموذج


2- خانات الادخال


3- المساعدة وفيها شرح امام كل خانة


واذا دققتو النظر في اعلى الصورة على اليمين راح تلقون اني مختار اللغة العربية ومع كذا النموذج انجليزي لكن اي نص انجليزي او خانة تحتاج تدخلها .بمجرد تحط الماوس عليها راح يظهر لك شرح عربي وافي عنها وهذا راح يسهل علينافهم النموذج



في اسفل النموذج وفي كل صفحة راح تلقى هالخيارات


Back – save – next


كل مرة نضغط فيها next يحفظ النموذج وينقلنا الى صفحة جديدة من صفحات النموذج لكن الحفظ يكون على موقعهم واذا حبيت انك تحفظ النموذج على جهازك اضغط save.



ويتجيك هالصفحة اختر منها save application to file وراح ينزل لك النموذج على جهازك.





مثال على الشرح العربي على كل خانة في النموذج

هذي الصفحة مهمة وهي اللي تحدد فيها نوع الفيزا وفي حالتنا بتكون فيزا سياحية :
http://www.arabtrvl.com/up/uploads/a...7739756588.png

في الخانة الاولى نختار اللي ظاهر في الصورة بعدها راح تظهر قائمة ثانية اللي هي اسمها



Specify ومنها نختار خيار Tourism/Medical Treatment (B2)


يعني فيزا السياحة هي B2



بعد ما نخلص تعبئة كل مراحل النموذج راح يحولنا على صفحة تحميل الصورة وهنا يجب ان يكون لدينا الصورة محملة على فلاش او الكمبيوتر ونضغط على Upload Your Photo


نحمل الصورة وراح يشيك النظام على مواصفات الصورة ويعلمنا اذا هي مقبولة او لا اذا قبلها كمل الى آخر خطوة وهي التوقيع على بياناتك وهنا المقصود بالتوقيع انه راح يطلع لك صفحة فيها سؤال/ هل قام احد بمساعدتك في ادخال النموذج ؟


اذا كنت انت مدخل النموذج جاوب بكلمة لا واذا كان احد ثاني راح يطلب منك ادخال معلومات عنه.


طبعا اذا كان النموذج هو النموذج الخاص فيني راح اقول لا واذا جيت اعبي نموذج زوجتي او احد ابنائي راح اقول نعم وادخل بياناتي لاني انا اللي ساعدتهم في ادخال بياناتهم



بعد كذا بيقول لك ادخل رقم جوازك ويطلع لك الحروف والارقام اللي تغث ويقول لك اكتبها بعدها اضغط موافق



مبروك .....


انتهيت الآن من تعبية اول نموذج وراح يطلع لك تاكيد مثل الصفحة التالية :



وهذي الصفحة مهمة جدا لانها لازم تحضرها معاك للسفارة يعني لازم تطبعها.


وفيه 3 خيارات :


طباعة التأكيد – ارسال التأكيد على بريدك – طباعة النموذج كامل وهذي انا اشوفها ضرورية علشان تساعدك في تعبية النماذج الثانية لباقي الاسرة .


ملاحظة : هنا فيه لفة اذا كنت تعبي النموذج بدون عائلة انتقل الى المراحل الاخرى اما اذا كنت مثلي تراك مطول J

اللفة اللي قلت لكم عليها انه لازم تضغط على طباعة النموذج بشكل كامل Print Application




وتطبعه طبعا انا ماطبعته على ورق طبعته على ملف PDF لانه بهالطريقة راح يحولك على الصفحة اللي راح تكمل معها طلبات العائلة بحيث تك،ن طلباتكم مترابطة والا راح تبدأ كل طلب بشكل منفصل !!


طبعا الصفحة اللي راح يحولك عليها اذا اخترت الطباعة هي هذي



ومن هذا الرابط تبدأ طلب الزوجة وبعدها الابناء لحد ما تخلص كل الطلبات.



ملخص الحكي الاشياء المهمة بعد تعبية النموذج هي :


· رقم التأكيد اللي هو نفسه رقم النموذج واللي يبدأ ب AA زي ماقلنا وهذا رقم مختلف لكل فرد من العائلة


· نسخة مطبوعة من تأكيد النموذج لكل فرد










وبكذا نكون خلصنا الخطوة الاولى وموعدنا مع قريب مع باقي الخطوات


اخوكم ‍ : مسافر معاكم
:69:




مسافر معاكم 12-03-2016 04:55 AM

2- عمل ملف شخصي profile لك في موقعهم



بعد تعبئة النماذج صار عندنا الحين ارقام النماذج ( ارقام التأكيد ) وايصالات التأكيد مطبوعة والنماذج كاملة لكل فرد مطبوعه وانا افضل ان نطبع النماذج الكاملة على PDF لانها ماهي مطلوب انك تحظره للسفارة المطلوب فقط ايصال التأكيد. وكمان راح تحتاجها لعمل قص ولصق للمعلومات في الخطوات التالية يعني لو كانت pdf بيسهل عليك الشغل.



الحين ندخل على الرابط التالي ‍: لانشاء ملف شخصي


https://cgifederal.secure.force.com/?language=Arabic&country=Saudi_Arabia


طبعاً لحد يغلط غلطتي هذا الرابط خاص باللي راح يقدمون طلب الفيزا على السفارة الامريكية في السعودية.


انا بحثت على النت ولقيت رابط ودخلت عليه وسجلت فيه معلوماتي وعملت بروفايل وتوهقت


:15:


طلع الموقع للي بيقدمون طلبهم في السفارة الامريكية في المغرب !! وتواصلت مع الدعم الفني للسفارة و قامو مشكورين بحل هذه المشكلة.


المهم ،، مالكم في هالتفاصيل ‍ المملة ،،، :32:



اذا دخلنا على الرابط راح تظهر لنا هالصفحة :



http://www.arabtrvl.com/up/uploads/a...7747405271.png



نضغط على اسم المستخدم علشان نسوي بروفايل جديد وراح يحولنا على الصفحة التالية :


http://www.arabtrvl.com/up/uploads/a...7747560631.png



نعبي بياناتنا ونضغط submit


وبكذا نكون سوينا ملف شخصي.




معلومة مهمة جدا جدا :


اذا كان معاك عائلة سوي ملف شخصي واحد لك انت بس ومن داخل الملف الشخصي حقك راح نظيف افراد العائلة وبنشوف هذا الشي في الخطوات التالية .


وبكذا نكون خلصنا الخطوة الثانية وموعدنا قريب مع باقي الخطوات



اخوكم ‍ : مسافر معاكم
:e01d::69:

JAKALL 12-03-2016 10:49 AM

وعليكم السلام ورحمة الله وبركاته

ماشاءالله عليك هاذي اول مره تنزل موضوع ع الانترنت وبالطريقه الاحترافيه هاذي

الله يسهل امرك والله يعطيك العافيه الاعتراف بالحق فضيله

والحمدلله انك تغلبت ع نفسك و نزلت شرح طريقة الحصول او التقديم ع الفيزا الامريكيه

الله يجعلها في ميزان حسناتك وان شاءالله نشوف مواضيع اكثر في الايام الجايه

تحياتي

PrinceOfPersia 12-03-2016 11:26 AM

كفيت ووفيت الله يبيض وجهك

تروح وترجع بالسلامة

مسافر معاكم 12-03-2016 04:31 PM

اقتباس:

المشاركة الأصلية كتبت بواسطة JAKALL (المشاركة 210190)
وعليكم السلام ورحمة الله وبركاته



ماشاءالله عليك هاذي اول مره تنزل موضوع ع الانترنت وبالطريقه الاحترافيه هاذي

الله يسهل امرك والله يعطيك العافيه الاعتراف بالحق فضيله

والحمدلله انك تغلبت ع نفسك و نزلت شرح طريقة الحصول او التقديم ع الفيزا الامريكيه

الله يجعلها في ميزان حسناتك وان شاءالله نشوف مواضيع اكثر في الايام الجايه

تحياتي


هلا ومرحبا بـك JAKALL
الله يجزاك خير ويرفع قدرك .


اقتباس:

المشاركة الأصلية كتبت بواسطة PrinceOfPersia (المشاركة 210191)
كفيت ووفيت الله يبيض وجهك

اقتباس:

المشاركة الأصلية كتبت بواسطة PrinceOfPersia (المشاركة 210191)


تروح وترجع بالسلامة


هلا ومرحبا بك PrinceOfPersia
الله يسلمك ويجزاك خير وعساك سالم يارب

ياخي اسمك رجعني ورى كثير
:24:


مسافر معاكم 12-03-2016 04:34 PM

حياكم الله من جديد ،،


اليوم بنعرف كيف نحدث معلوماتنا في الملف الشخصي User Profile اللي تكلمنا عنه في الخطوة السابقة


ادخل على الرابط :


https://cgifederal.secure.force.com/?language=Arabic&country=Saudi%20Arabica


وسجل دخولك على ملفك الشخصي اللي سويته حسب الخطوة السابقة


بعد الدخول راح تظهر لك صفحة فيها قائمة بالروابط على اليسار اختر منها


تحديث الملف التعريفي :

http://www.arabtrvl.com/up/uploads/a...7789203981.png




بتطلع لك الصفحة التالية عبي البيانات المطلوبة :


http://www.arabtrvl.com/up/uploads/a...7789204012.png

http://www.arabtrvl.com/up/uploads/a...7789204063.png



لاحظ ان في خانة بيانات الجواز جاب لك رقم الجواز ولا تقدر تغيره لانك ادخلته يوم جيت تسوي ملف تعريفي في البداية!!


وكمان طلب منك رقم تاكيد الاستمارةD160


وهو الرقم اللي قلت لك اختفظ فيه ويبدأ بـ AA0


عموما نعبي بياناتك ونحط حفظ


وبكذا تكون بياناتك مكتملة بافتراض انك انت رب الاسرة .


في الخطوة القادمة ان شاء الله راح نكمل اضافة افراد الاسرة و جدولة المواعيد والدفع


نراكم قريبا

آخـــرفـــرصـــة 12-03-2016 06:43 PM

ما شاء الله الشرح رائع و مرتب

رغم انه اول مشاركات لك على الانترنت

التحول للايجابية أمر مهم و سينعكس على نظرتك للاشياء

سعيدين بتواجدك بيننا و بمشاركاتك الايجابية

يا هلا و مرحبا

و بانتظار باقي الخطوات

tab_el 13-03-2016 06:09 PM

ماشاء الله عليك

شرح ممتاز وسهل

تسلم يدينك

MG3 13-03-2016 08:44 PM

شرح ممتاز
استمر يا بطل

ابو ناصر المسافر 14-03-2016 07:30 AM

شرح متعوب عليه
يسلموا الأيادي ويعطيك العافيه

فعلاً متعة الشي تسويه بنفسك
والفيزا خطواتها جداً سهله بس يحتاج لها شوية صبر


الساعة الآن 02:38 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO