|
اسفسارات لطبيب فلسطيني ارجو مساعدتكم بسم الله الرحمن الرحيم السلام عليكم ورحمه الله وبركاته معاكم اخوكم عمر طبيب متخرج جديد فلسطيني الجنسيه حامل جواز الفلسطيني والوثيقة المصرية (عليها الاقامه) العمر 26 سنه غير موظف السبب لعمل اختبار للرخصه الامريكيه والتدرب في مستشفى عندي مجموعه من الاستفسارات اتمنى مساعدتكم لي فحبدا اشرحلكم وصغي كامل متخرج من كليه هذه السنه وارغب في اكمال التخصص في امريكا وفي اختبارات اجباريه للحصول على الرخصه الامريكيه لممارسه الطب اجمالي هذه الاختبارات 3 اختبارات 2 منها يمديني اختبرها هنا لكن الثالث اجباري في امريكا وعشان ادخل لازم فيزا B1 بعد ما اخلص الاختبارات الثلاثه احصل على شهاده من الهيئة المنظمه اني طبيب مرخص للتقديم على التخصصات وهنا اذا انقبلت هذه المنظمه حتحول الفيزا الى J1 اللي هيا منحه للتخصص. انا حقدم بالجواز الفلسطيني (اسم الاب والجد في الجواز مختصر باول حرف من الاسم مثلا .H. E وشهادة التخرج الاسم كامل زي الوثيقه اسئلتي 1. هل احتاج اعدل الاسم في الشهاده او الجواز الفلسطيني عشان الاثنين يكونوا نفس الشي 2. انا عندي في حسابي 40 الف عن طريق تجاره صغيره بس ما عندي وظيفة لسا فلمن يسالوني مين حيتكفل في مصاريفك لو قلت انا وما عندي وظيفه هل حيرفضوني؟ مع العلم ان اخواني رواتبهم في حدود 10 الى 15 وهما بيساعدوني في مصاريفي 3. اذا سالوني عن هل حاجلس في امريكا او اشتغل بحكم اني مقدم على b1 لازم اقول لا طبعا بس الهدف من الاختبار اني احصل على الرخصه عشان اكمل تخصصي فكذا في تعارض في الكلام فايش المفروض اقولهم هل المفروض اتكلم عن اني حقدم ذا الاختبار عشان اكمل تخصص لو سالوني 4. غالبا حابب اجلس لشهر الى شهر ونص عشان اختبر واحضر للاختبار واتدرب تحت اشراف احد المستشفيات لمدة شهر فكم اقولهم مدة الجلوس؟ علما اني غالبا حاجلس عند صاحبي في امريكا وهوا مو مواطن بس مقيم بشكل رسم على فيزة دراسة 5. لو لا سمح الله تم الرفض بعد كم اقدر اقدم ثاني ؟ اعتذر عن الاطالة واتمنى مساعدتكم |
وعليكم السلام ورحمة الله وبركاته حياك الله اخي الكريم بخصوص اسم الاب والجد المختصر بالجواز انا نفس وضعك بالضبط ولا عدلت عليه بأي مكان والحمد لله اقدم طبيعي فلا تقلق من الناحية ذي ان شاء الله بخصوص التقديم على الفيزا وانك مقدم على اساس تروح تختبر هناك للاسف فيزة الb1/b2 متعلقة فقط بالسياحة والبزنس لكن غرض اكاديمي اتوقع انه صعب تشرحلهم الوضع ذا وانت مقدم على الفيزا b1/b2 ممكن تقدم على زيارة مؤتمر طبي وانه يدعم تخصصك كونك خريج جديد او تاخذ قبول من معهد امريكي وتقدم بفيزا دراسية عىل انك رايح تدرس لغة او بمجالك الطبي كذا تكون الامور واضحة بالنسبة لهم . اثبات القدرة المالية اتوقع المبلغ كافي باذن الله التقديم لو اخذت رفض لاسمح الله ممكن بعدها باسبوع تقدم عادي لكن مافي فايدة من التقديم السريع بعد الرفض لو ماكان هناك تصحيح لاسباب الرفض لاسيما انه كافة المعلومات مسجلة بالنسبة لهم من التقديم الاول وبالتوفيق لك |
اقتباس:
جزاك الله خير على ردك السريع واشكرك على افادتك 1.يعني لمن اسجل في الموقع اكتبهم احرف بدل الاسم كامل في خانه الاسم الاول للاب والجد؟ 2.بخوص اني خريج وغير متزوج ولا اعمل اكيد حيطلبوا ضمانات اني ارجع عشان ما اهاجر او اشياء تبين انه نيتي مو الهجره فكيف اثبتلهم هذا الشي؟ 3.وبحكم نفس الشي هل ينفع اقولهم انا اللي حصرف على نفسي ولا اقولهم اخويا وانا كمان عندي مبلغ في الحسابي ؟ الاختبار هذا الهيئة الامريكيه تعطي ورقه تثبت انك لازم تاخد الاختبار في امريكا واظن هذا الاختبار يندرج تحت المؤتمر والامور العلميه فاقرب فيزا واللي شفته من بعض الزملاء انهم ياخدوها ونقدم ونشوف والله ييسرها واعتذر على الاطاله بس الفيز امورها دايما متعبه واشكر الجميع ولو ما عندك مانع اخويا اسالك اذا فلسطيني وكيف كانت تجربتك مع الفيزا بالذات ان اسم الاب والجد |
قلت لك اخي الكريم تكتب اسم الاب والجد مثل ماهو موضح بالجواز في بداية الابلكيشن الامر الثاني من ضمن فقرات الابلكيشن تكتب افراد العائلة وقتها تكتب اسم الاب مثل ماهو موضح بالكامل مثال ال sure name: alkhaled First name: ahmed Meddle name: m r ووقت يجي تفاصيل الاسماء اكتبها تماما الموضوع بسيط من الناحية ذي بخصوص نعم انا فلسطيني وحصل معي مثل ماحكيت لك بالضبط وبخصوص الضمانات ممكن تثبت لهم وجود عائلتك بالسعودية وانك مولود فيها وبالتوفيق لك |
جزاك الله خير نوافيكم ان شاء الله بالتجربه والله ييسرها |
بالتوفيق يا رب الله يسهل اموركم وبانتظار التجربة وان شاء الله ايجابية |
| الساعة الآن 04:29 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO