|
استفسار بخصوص المستندات المطلوبه السلام عليكم موعدي بالسفارة بعد اسبوع بإذن الله انا و والدي و المسوؤل عن تكاليف السفره والدتي ( ما راح تسافر معانا ) والدي قبل سنتين تقريبا طلع من الشركه اللي كان يشتغل فيها فحاليا ماعنده شغل بس عنده بزنس محل تفصيل أثاث لكن الربح اللي يجيه كل شهر يختلف و غالبا ماهو ربح عالي لهالسبب آمي راح تتكفل بالسفره راح اجيب تعريف اني موظفه و كشف حساب والدتي , والدي ايش مفروض يجيب ? وهل يحتاج اجيب مستندات أخرى ؟ |
مايحتاج تجيبي تعريف لك ولو ماتذكرين انك موظفة بعد احسن خلي امك تتكفل بالمصاريف وتوقع نموذج التعهد وتجيب تعريف براتبها وكشف حساب يكفي لمصاريفكم اثناء السفر شخصين لايقل كشف الحساب عن 25-30 الف وشرط مايكون المبلغ تو داخل الحساب كل مازاد المبلغ في الحساب يكون افضل |
اقتباس:
و اذا ممكن اعرف ايش نموذج التعهد وين الاقيه؟ و ابوي يحتاج يجيب شي مثل السجل التجاري او شي غيره؟ شكرا لك الله يسعدك |
اقتباس:
طالما أنك كتبتي في الأبليكيشن أنك موظفة جيبي تعريف أفضل ... و الوالد حسب المهنة إذا كنتوا كتبتوا أعمال حرة مثلاً صورة من السجل التجاري و كشف حساب المؤسسة و أن شاء الله الأمور سهالات .... مع السفارة الأمريكية من الأفضل الواحد يكون صريح جداً جداً |
اليوم كانت مقابلتي في السفارة الامريكية في المقابلة سألتني أسئلة جدا بسيطه ، و أبوي سألته عن البزنس تبعه و سألتني عن تاريخ السفره وقلت لها آخر المقابله قالت لي فيزتك مقبوله لكن الوالد اعطته ورقة صفراء و بيكون تحت الاجراءات الاداريه و قالت له بيرسلون له هاليومين ايميل يعبي فورم معين ، جوازي و جوازه معاهم بس سألت ابوي اذا يبي جوازه هالفتره ولا تخليه مع جوازي صراحه ضاق صدري ما ادري هذي الاجراءات بتطول ولا لا :( الغريب ان من شوي شيكت على حالة فيزتي و حاطين اني انا بعد تحت الاجراءات الاداريه مع انها قالت لي فيزتك مقبوله |
اقتباس:
الأمور سهالات أن شاء الله ... هذا الأجراء فقط زيادة معلومات ... و بيرسلون له أيميل يطلبون منه مثلاً وين سافر خلال السنوات الماضية و بعض الأسئلة من هذا القبيل ... و موضوع أن الفيزاا تحت الأجراءات الإدارية ... دائماً كل الطلبات في البداية تكون تحت الإجراءات الإدارية الله يوفق .. و تطلع لكم الفيزا أن شاء الله |
:60::60::60::60: |
| الساعة الآن 05:31 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO