|
تجربتي في السفارة الأمريكية - الرياض - الأجراءات الأدارية السـلام عليكم ورحمة الله وبركاته مساء/صباح الخير للجميع راح أذكر لكم تجربتي بخصوص موعدي للفيزا الأمريكية (سياحية ) التي كانت بتاريخ 8-9-2019 الساعة 10 صباحا.. أولا أحضرت معي التالي للسفارة: 1- نموذج DS-160 2- ورقة الموعد 3- 4 صور شخصية مقاس 5*5 4- كشف حساب اخر 6 شهور 5- تعريف بالراتب 6- الجوازات القديمة + الفيزا القديمة + صورة بطاقة الأحوال + صورة من بطاقة العمل في بوابة السفارة طلبو مني فقط رقم 1 + 2 أثناء الدخول عطوني رقم وانتظرت لين جاء دوري والأسئلة كالتالي: رحت قبل لأمريكا؟ نعم هل الفيزا لازالت سارية؟ لا وين بتروح بالسفرة القادمة بامريكا؟ نيويورك طلب مني صورة شخصية فقط من ضمن الأوراق المذكورة ثم وجهني الى اخر كونتر للتبصيم مرة اخرى. الكونتر الثاني طلبت مني التبصيم فقط وبعد ذلك قالت لي رح انتظر دورك للمقابلة الأخيرة. الشباك الأخير مع القنصل كانت كالتي: عالطول ذكرت اسم عملي واكدت عليها ثم هل ذهبت الى امريكا ( وانا) رحت عام 2010 بفيزا طالب لمدة سنة. سالتني اذا اعزب او متزوج ثم وين بروح في امريكا من الي بيتكفل بالسفرة وكنت تسال وقتها وتكتب بالجهاز؟ هذي كانت الأسئلة ثم حطت استيكر على الجواز ووضعته مع صفة الجوازات وبدات تطقطق بالجهاز لمدة 30-40 ثانية بدون اسئلة، ثم اعطتني ورقة صفراء وأشرت على اخر فقرة الي هي معلومات اضافية قلت بنرسل لك ايميل اليوم ونبيك ترد علينا. سالتني متى بتروح قلت ب 20 سبتمبر قالت اوكي الاجراءات ما راح تطول ، بلغتها باني شريت تذاكر قلت بحط نوت وان شاء الله الامور تمام. وبس. دخلت الان على موقع تشييك الفيزا حصلت كالتالي بان: مو كن التاريخ بدري ؟ Case Created:03-Sep-2019Case Last Updated:08-Sep-2019 |
** تــحـديـــث ** اليوم الأثنين 9-9 وصلني ايميل منهم لتعبئة نموذج DS-5535 النموذج 3 صفحات وزبدة النموذج هي كالتي: 1- تذكر السفرت لأخر 15 سنة يبونها بالتفاصيل ( طبعا ) أنا طلعتها من خدمة أبشر بالتورايخ والمدة وبخصوص المدن ذكرت المدن الي زرتها لكل بلد ومن كان متكفل بكل سفرة 2- أرقام الجوازات السابقة ومكان اصدارها 3- أسماء الأخوان والأخوات مع تواريخ الميلاد 4- العنوان ومتى سكنت فيه مع جميع الأرقام التي حصلت عليه خلال اخر 5 سنوات 5- تذكر جميع الايميلات التي تملكها + ايميلات العمل + الدراسية الخ 6- حسابات التواصل الأجتماعي 7- الوظائف التي اشتغلت فيها مع ذكر مهام الوظيفة واسم الشركة وعنوانها الخ ارسلت لهم النموذج اليوم وأن شاء الله اي تحديث راح اكتبها هنا عشان تعم الفايدة. |
بالتوفيق ان شاء الله |
إن شاء الله تتيسر أمورك وتطلع الفيزا قبل الرحلة |
الله يسهل امرك |
** تــحـديـــث ** الأربعاء الموافق 11-9 وصلني ايميل منهم باستلم نموذج DS-5535 وطلبو مني اشيك على الموقع عن حالة الفيزا ولا زالت تحت الأجراءات الأدارية |
** تــحـديـــث ** ارسلت ايميل للسفارة يوم 12-9 وابلغتهم باني حاجز على نيويورك يوم 20-9 فهل في امكانية باستلام الجواز قبل الموعد هذا؟ وتم الرد علي في يوم 15-9 وابغلوني بانه لايوجد موعد محدد وابلغوني بانهم ينصحون المتقدمين بان لايحجزون الرحلات الى في حالة اصدار الفيزا واستلام الجواز.. والغيت حجزي والخيرة فيما اختاره الله :63: |
موفق ان شاء الله اجراءات روتينية لكن لا موعد محدد لها لذا حلو أنك الغيت حجوزاتك وان شاء الله تحصل على الفيزا شكراً على طرح تجربتك بالتفصيل لأن كثير يمر بهذي الاجراءات الادارية التصرف المناسب الآن هو انتظار ردهم دون مراسلتهم بشكل مستمر الله يسعدك يا غالي |
** تــحـديـــث ** الحمد لله تم تحديث حالة التاشيرة الى ISSUED يوم 3 أكتوبر وتم استلام الجواز بالتاشيرة لمدة 5 سنوات يوم 5 أكتوبر. |
ماشاء الله الف الف مبرووووك اليوم كانت مقابلتي انا وخطيبي وقلنا في المقابلة انه بنسافر شهر العسل لامريكا نهاية اكتوبر وبعد الأسئلة قالت انتي وافقنا لك على الفيزا بس خطيبك بنرسل له ايميل نحتاج معلومات اضافية الصراحة ضيقت صدري حسبي الله عليها لانه بضطر اغير حجوزات الزواج اذا بتتأخر الإجراءات:31: الله يفرجها علينا |
| الساعة الآن 01:59 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO