|
تجربتي واستفسار فيزا دراسة ( مقيم ) السلام عليكم ورحمة الله وبركاته الله يكرمكم ياجماعة الخير انا قدمت على فيزا دراسة لغه في شهر فيراير في الظهران ورحت المقابله واخذو البصمات ونموذج i-20 وكشف الحساب وانتظرت دوري عند المقابله ونادو علي رحت عند الموظفه قالت لي كم عمرك جاوبت قالت باي سنه بالجامعه جاوبت قالت ليش تدرس لغة في امريكا جاوبت وجلست تطقطق بالكمبيوتر وعطتني ورقة بيضاء وقالت انت غير مؤهل 214b ورجعت لي كشف الحساب ونموذج i20 ولا شافت اوراقي ولا تعريف الجامعه ولا سالتني غير هالثلاث اسئله المهم اخذت اوراقي وانا مو مستوعب وطلعت وقلت باخذ موعد اخر اقرب موعد لان اللي صار مو طبيعي مو معقول اخذت موعد بالرياض وعبيت الابلكيشن من جديد وباقي الاوراق نفسها وكان الموهد بعد 10 ايام من الموعد حق الظهران ورحت السفارة بالرياض وبعد التفتيش واحذ البصمات وكشف الحساب ونموذج i-20 وورقة السيفس قالو بننادي عليك عشان المقابله انتظرت دوري ونادت على الموظفة صباح الخير ليش رايح امريكا قلت دراسه مين بيتكفل بمصاريفك قلت بابا انت باي سنه في الجامعه جاوبت قالت ليش تدرس لغه جاوبت قالت هل عندك احد في امريكا قلت لا قالت كم بتدرس قلت 3 اشهر قالت ماعندك اقارب بامريكا او معارف يحملون الجنسيه الامريكيه قلت لا عطتني ورقة صفراء اشرت على الاجراءات الاداريه واخذت الجواز ورجعت لي باقي الاوراق جيت البيت بعد ساعيتن لقيت في ايميل منهم بنموذج ds5535 عبيت النموذج وارسلته لهم وجاني ايميل انهم وصلهم النموذج هذي كانت تجربتي وعندي كم استفسار وسؤال ليش في الظهران رفضوني مباشره علما ان نفس البيانات في الابلكيشن ونفس اوراقي قدمتها في الرياض ثانيا وهذا السوال الاهم بعد المقابله مباشره دخلت على موقع اشوف حالة الفيزا توقعت مكتوب تحت الاجراءات الاداريه كما يحصل مع الاعضاء لكن مكتوب عندي مرفوض ولما وصلتي ايميل نموذج ds5535 عبيته وارسلته لهم وباقي في الموقع مكتوب (( مرفوض refused )) ليش مكتوب مرفوض ومو متكوب تحت الاجراءات الاداريه وطبعا جوازي معاهم والدراسه تبدا في نهاية شهر ابريل كم ممكن يستغرق وقت الاجراءات هل في فرق بين احراءات الفيزا السياحية واجراءات الدراسه من ناحية المده واخر سوال هل تموذج i-20 له صلاحيه وكيف اعرف صلاحيته واسف على الاطاله |
و عليكم السلام و رحمة الله و بركاته ... حياك الله أخوي Khaled742 ... التقديم على الفيزا الأمريكية و القبول و الرفض يخضع و يمر بخطوات تعتبر معقدة و يتحكم فيها القنصل الذي يجري المقابلة غالباً ...!! رفض طلبك مباشرة بالظهران كان عن طريق القنصل التى أجرت معك المقابلة ... و قبول طلبك في الرياض أيضاً تم عن طريق قنصل أخر أختلفت مرئياته بشأن طلبك و أحال أوراقك للأجراءات الأدارية ... في كلا الحالتين أي طلب يحال للأجراءات الأدارية لا يستطاع الجزم بالمدة التى يستغرقها ... و عليك الأنتظار لحين الرد على الطلب .. و بالتأكيد أحراءات الفيزا السياحية تختلف من كل النواحي و حتى المتطلبات عن الفيزا الدراسية ... و من ناحية بداية الدراسة حاول تتواصل مع المعهد و أشعارهم بأحتمالية التأخر في حصولك على الفيزا الدراسية مما قد يترتب عليه أحتمالية عدم قدرتك على الأنظمام في الوقت المحدد لبداية الدراسة ... تمنياتنا لك بالتوفيق ... |
شكرا لتجاوبك السريع يا ابومعتز الله يسعدك على التوضيح بس ايش تعليقك على حالة الفيزا مرفوض في الموقع الاستعلام رغم انه جوازي معاهم وتحت الاجراءات الاداريه ؟:e437: |
اقتباس:
العفو أخ Khaled742 ... أعتقد أن (و الله أعلم) قرب الفترة بين التقديم الأول و الرفض و التقديم على الفيزا مره أخرى بعد فترة قصيرة جداً و عبر مكان مختلف عن مكان التقديم الأول .. لا يزال الوضع بالنسبة لهم بأنه مرفوض ... و لكن تم جدولة جوازك للأجراءات الأدارية فقد يتغيير الرأي ممن سيقومون بتدقسق أوراقك مره أخرى ... و للمعلومية تدقيق و فحص المستندات المقدمة يتم خارج السفارة و عن طريق أدارة الهجرة في أمريكا في ولايات مختلفة ... و مالك إلا الصبر و أن شاء الله تحصل على الفيزا .. |
السلام عليكم اولا اخي الكريم بالتوفيق ثانيا التحديث الجديد الان بخصوص الاجراءات الاداريه يتم كتابه مرفوض وهذا للجميع وليس في حالتك فقط وليس كما في السابق اجراءات اداريه تابع الموقع وان شاء الله تلاقي الحاله اتغيرت بعد انهاء الاستعلام من قبل السفاره بالتوفيق يارب |
سبحان الله توقعت موضوعك قبل كم سنة بس طلع توه قريب انا نفس حالتك بالظبط قدمت ققبل خمس سنوات لغة ورفضوني 3 مرات بعدين خلصت جامعه في ماليزيا وجيت اقدم ماجستير وقدمت في شهر واحد ورفضوني مباشره بخلال 3 دقايق شي ماتستوعبه حاولت اطلع من الرجال تبع السفارة اي سبب طفشته 3 مرات اساله ببالاخير قالي بالحرف الواحد انت ذكي افهمها طبعا الي فهمته اني يمني المهم رحت غيرت الاي توني لانه خلاص يعتبر مخلص وفي يوم 2 شهر 3 يعني قبل 6 ايام قدمت ثاني مره وكنت اول شخص وتخيل مين طلع لي نفس الرجال تخيل سالني سؤالين وقبلني وقال بتاكد من كم معلومه دفعت حق الفيزا وقالت لي الموضه يوصلك جوازك بعد كم يوم الي عرفته اني مازلت تحت الاجرائت الادارية بعدها بكم ساعه رسلوا نفس الملف DS5535 عبيته كامل رسلته رسلوا لي انهم استلموه بعدها بيوم جاتني رسالة ارامكس رحت استملت جوازي تخيل طلع وسط الجواز ورقة حمراء مكتوب فيها تم الرفض للحاجه الى اجرائات ادارية تصل الى مدة 6 اشهر زعلت ولكن مُيقن ان الامل موجود الان افكر اروح الرياض وماعرف هل تظبط او لا مع ان صاحبي السنه الي فاتت نجحت بالرياضض بعد رفض مرتين في جدة والله يسهل لنا ولك يارب وطبعا خطتي اروح الرياض اذا يسر الله ان شاء الله مشيت اكمل دراستي ماظبطت بقدم بجدة لين ينتهي الاتوني لو 40 مره ماعندي مشكلة لانه صار لي قرابه السنه عشان يجيني قبول الجامعه الغير مشروط وتعبت فيه تعب مو طبيعي |
حاب اهديك هذا المقال الي دورت عليه ويشرح فيه شخص كان يشتغل في سفارة من السفارات طبعا يكتب بعد ما طلع من السفارة وكان قنصل هناك يتكلم بختصار رؤية السفارة للبشر الي يقدمون بعين الاستحقار وبعين الدونية وانه القنصل هو مسؤال عن دخولك او رفضك بدون رقيب او حسيب ويتكلم عن قد ايش كان يتعاطف مع الطلاب ويساعدهم وكان رئيس السفارة يقوله انت زودتها صاير تعطي طلاب كثير الفيزا الخ اقراء وشوف ورح تعرف قد ايش في خفايا عجيبه https://markashwill.com/2014/03/27/f...ut-the-window/ وبالاخير ياغالي حاب اقولك اكثر من الاستغفار والتوكل على الله بنية صادقه لانه مهما كانت اوراقك كامله وكل شي كامل القبول ماله اي دخل بورقك بفلوسك باي شي ادع الله وانت موقن واكثر الاستغفار لانه والله هو السلاح الوحيد الي كان يفرج همي والا الان هو السلاح الوحيد لان الله سبحانه هو الي يكفينا هذه الهموم اسال الله لي ولك التوفيق |
| الساعة الآن 11:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO