رفض للفيزا بعد القبول !!
 

السلام عليكم ورحمة الله وبركاته

يا جماعة الخير انا مقدم ع فيزة دراسة F1 لغة انجليزية وسويت مقابلة في القنصليه في الظهران قبل 3 شهور وتم الموافقه وقتها وقالتلي الموظفه راح نرسلك ايميل فيه شوية معلومات اضافيه نحتاجها ورد علينا بالمطلوب ، قلتلها تمام واخذت مني الجواز + كشف حسابي البنكي وخليتهم معها ومشيت

بعدها ب 3 ايام جاتني رسالة من ارامكس بإستلام الجواز ورحت اخذته ومع الجواز ورقة رفض :8:!!!!!

مباشرة حجزت موعد ثاني بالقنصليه وسويت نفس المعلومات بالطلب ورحت ومن شين حظي جيت ع الشباك الثاني موظفه ثانيه كانت منفسه وقتها بالصباح ورفضتني مباشره من ثاني سؤال ماعطتني اي مجال اتكلم

الكلام هذا قبل شهرين والآن عندي موعد الأسبوع هذا واخاف انرفض وودي ادخل ع نفس الموظفه الأولى واعرف ايش اللي حصل بالظبط
احد عنده خبره بهالأمور ليش ممكن يجيني رفض بعد ماقبلتني ؟
كشف حسابي بإسمي ولكن إسمي لا يطابق الجواز بل يطابق الإقامه (إسم عائلتي في الجواز صحيح ولكن إسم عائلتي في الإقامة إسم جدي) وإسمي في الكشف مطابق للإقامه وهم ما شافوا إقامتي فهل يكون هذا هو السبب ؟؟
ابي نصايحكم والسموحه طولت وانا اكتب لأن الموضوع حيرني

لا اعتقد ان الاسم في كشف الحساب هو المشكلة لانهم متعودين على الاختلافات البسيطة بين الجواز والاقامة
عموما اشرح لنا حالتك اكثر
كيف عرفت انهم قبلوك هل قالت لك الموظفة تمت الموافقة على طلبك ام لمجرد انهم اخذو جوازك اعتقدت انهم قبلوك
هل وصلتك طلباتهم بالايميل ورديت عليها

واهم شي ماذا كان السؤالين في المقابلة الاخيرة وكيف رديت عليها

هلا اخوي لويال

ايه نعم قالتلي لديك موافقه واعطتني ورقه خضراء مكتوب فيها مبروك تم الموافقه على حصولك للتأشيره ... الخ وورقه ثانيه ورديه مكتوب فيها نصايح للطلاب المسافرين لأمريكا
وماوصلني منهم اي ايميل
بالنسبة للمقابله الثانيه سألتني ليش رايح امريكا قلتل ها دراسه
وبعدها قالتلي ليش اخترت امريكا ، جاوبتها بس اعتقد والعلم عند الله انها رفضتني بعد اجابتي بسبب اني تكلمت بالإنجليزي وهي ما اقتنعت اني فعلا ابي ادرس انجليزي رغم اني كنت احاول اتئ تي بكلامي عشان ابين اني ضعيف باللغه لكن الحمدلله على كل حال

ربي يسعدك يا ابو معتز مشكور على ردك ، بخصوص ورقة الرفض اللي جاني مع الجواز كان رفض تحت بند 214 ب (لم تثبت روابط قويه ترجعك بلدك) وهذا الرفض اللي فهمته انه رفض يعطونه اغلب حالات الرفض يعني مايكون سبب حقيقي للرفض ، لأني وقت المقابله تكلمت ان اهلي هنا وسألتني عن شغلي هنا وكذا ف اكيد انها اقتنعت اني راح ارجع والا ماوافقت من الأساس

بخصوص اللي جاهم الرفض بعد القبول هنا في المنتدى ، هل عرفتم ايش كان السبب ؟؟

من النادر جدا ان تقابل نفس الموظفة فيجب عليك ان ترتب نفسك انك سوف تقابل موظف جديد وحين يسالك لماذا تم رفضك سابقا اخبره ماحدث واحضر معك الورقة الخضراء واخبره انهم اخذو منك كشف الحساب واشرح لهم انه اسمك يختلف قليلا في الاقامة ويرجى التاكد من ان كشف الحساب كل شي جيد
يجب ان تعرف ان جميع الرفوضات السابقة تم كتابة ملخص من قبل الموظف وهي تظهر للموظف الذي سوف يقابلك وسوف ياخذ الملاحظات السابقة بعين الاعتبار
ولكن لا تستهين بوجود اسئلة جديدة ايضا ولاداعي ان تدعي انك لاتتحدث اللغة بل قل انك تريد ان ترفع ادائك وتحسن لغتك

شكراً اخي لويال على الرد الوافي ، بالنسبة لمقابلة نفس الموظف انا مقابلاتي الثنتين كانت في الظهران ومن يجرون المقابلات في القنصليه بنتين شقراوتين وقابلت الثنتين كل مره مع وحده فيهم ، أحد الزملاء كان عنده مقابله الأسبوع الماضي في الظهران ويوم سألته عن اللي يقابلون فعلاً اكد لي انهم نفس البنتين ف انا اكيد راح اطيح على وحده منهم وبصراحه ودي اروح للي قابلتني اول مره واعطتني القبول عشان اوضح لها اللي حصل لكن ما ادري كيف اطلب هالشي ؟؟

في مقابلتي السابقة لاحظت تركيز على السؤال : هل أنت متزوج ؟ أو هل لديك أولاد ؟ أو وظيفتك هيا .......

القاسم المشترك بينهم هي معرفة ( هل ناوي ترجع والا لا ؟ ) السؤال تقريباً كان الابرز في المقابلات سواء كان لشاب أو بنت ، كبير أو صغير ....

أعتقد اثبات انك ناوي ترجع هو المهم

بالتوفيق

نصيحة لما تجي للمقابلة جاوب فقط على حد السؤال. مثلا: ليه رايح أمريكا؟ دراسة فقط لاتزيد معلومات مالها داعي.

الشي الثاني وهذا مهم جدا جدا جدا (وللاسف الكثير من الطلاب خصوصا يغلطوا فيه) اذا سألوك عن عودتك حاول بقدر الامكان تبين لهم انك رايح لهدف الدراسة فقط وراح ترجع لبلدك، وأحيانا يسألوك لو جاك عرض في أمريكا هل راح تشتغل؟ دايم جوابك لا (مثلا أنا جاني نفس السؤال وقت مقابلة فيزا F1 جوابي كان الهدف الرئيسي من بعثتي هو الدراسة والرجوع للعمل في بلدي وعائلتي كلها هنا.)

لاترتكب ولا تخاف الموضوع سهل