تجربتي بتجديد الفيزا: معفى من المقابلة.. وليتهم ما أعفوني..!
 

معي تأشيرة امريكية من 2017 وانتهت في شهر فبراير
واستغلالا للميزة الجديدة لمن هم أكبر من 50 سنة بالاعفاء من المقابلة..
قدمت طلب التجديد..
وتمنيت انهم فارضين علي المقابلة افضل من الشحططة اللي مريت فيها...!

بداية لازم ارسل الجواز من خلال ارامكس..
وفيه ثلاثة فروع فقط : في الرياض وجدة والدمام

يعني لازم اركب سيارتي من بريدة الى الرياض علشان اسلم جوازي في ارامكس السليمانية..!!

سملت الجواز في 15 مارس
يوم 20 مارس اول تحديث في حالة التتبع بالسفارة الامريكية.. وكانت application received
وتشير الحالة الى طلب مقابلة .. وانه سيصلني ايميل خلال يومين..!
اسبوع .. اسبوعين.. ثلاثة .. اربعة .. والحالة لم تتغير.. !
ارسلت ايميل لهم وردوا علي يطلبون رقم الجواز والاسم.. بعد 4 ايام ردوا علي
وطلبوا رقم الجواز والاسم
رديت عليهم ومر اسبوع .. اسبوعين .. ولا وصل رد منهم..
وارسلت ايميل ثالث بعد اسبوعين.. وايضا بدون رد

كنت مرتبط بسفر بعد العيد ومحتاج الجواز.. وابي الجواز حتى لو الغيت التأشيرة
بنصف رمضان اتصلت على رقم لهم حصلته في قوقل ماب وقال لي موظف انهم يبي يرسلون جميع الجوازات بارامكس علشان اللي يبي يسافر
واذا ماوصل خلال يوم خمس ايام لازم اراجع السفارة استلمه..

اتصلت ثانية قبل خمس ايام
ورد علي موظف وحولني على ثاني.. وقال انهم يبوني اعبي نموذج DS5535
وارسل لي النموذج بالايميل وطلب اعبيه اليوم واجي لهم من بكرا

سويت المطلوب..
رحت لهم من بكرا الساعة 10 وكان العدد كبير .. ووقفت على الشباك عند الموظفة الساعة 11
الجو كان حار وصالتهم حارة.. فكرت لحظتها اقول عطون جوازي هونت..!

الموظفة سألتني ليش رايح
ووش خطتك للسفر
وكم تبي تجلس في نيويورك

واعطتني ورقة صفراء فيها طلب ارسال نموذج DS5535
وانهم يبي يتصلون علي من اسبوعين الى 4 اسابيع..
وهو نفس اللي ارسلته امس... ولان جوالي ليس معي.. وما انتبهت انه نفس النموذج اللي ارسلته امس
حاولت ارجع بعد استلام الجوال لكن رفضوا..

واتصلت على رقم السفارة ورد علي موظف.. وهذه الميزة الوحيدة في الفيزا الامريكية.. انك تقدر تتصل عليهم وتستفسر عن وضعك..
وشرحت للموظف الوضع..
قال لي ارسل لهم النموذج مرة ثانية.. واطلب منهم الرد عليك عند الاستلام..

صراحة .. ماتسوى هالبهذلة..
وميزة الاعفاء من المقابلة صارت وبال علي..!!
لاني لو اني حاجز موعد.. كان رحت للسفارة مرة وحدة
لكن وضعي الان رحت للرياض مرتين.. مرة تسليم الجواز لارامكس والثانية للمقابلة.. والانتظار حاصل حاصل..

اعدت ارسال النموذج
ومادققت كثير بالدول اللي زرتها خلال ال15 سنة الماضية عند تعبئة النموذج.. وحطيت لهم حتى عام 2015 لانها وصلت اكثر من 34 دولة..!
فقط كتبت اسم الدولة والمدينة وعام الزيارة...
والله يستر ماتعجبهم.. لانهم طالبين كتابة الاماكن اللي زرتها في الدول..

الله يسهل ويكون للهالتعب والبهذلة نتيجة طيبة.. ويوافقون..!

ياساتر وش هالبهذلة الله يعينك يخوي والله مالك الا تصبر الصراحة انا بس قريت القصة اتضايقت عموما وسع صدرك انشالله مابقى الااليسير