|
تجربتي مع المقابلة في السفارة يوم 2 اغسطس مرحبا،،،، طبعا قبل 4 شهور تقريبا حجزت موعد في السفارة يوم 2 اغسطس وعبيت الابلكيشن قبل المقابلة بيوم اللي هو 1 اغسطس جا موعدي اللي هو 8 ونص الصباح كنت عندهم 8 تمام و دخلت على طول طبعا انا كنت خايف من الرفض لان سجل السفر حقي فيه الهند و تركيا وماسبق طلعت شنقن جا رقمي و رحت للشباك الاول خذت البصمات و سالتني اول مره تروح امريكا؟ قلت لها ايه قالت اوكي جميل ثم مباشرة على طول رحت للشباك حق المقابلة و كان شخص اسمر شباب و محترم سالني اول مره تروح امريكا؟ قلت ايه ثم سالني وين سافرت اخر خمس سنوات؟ قلت له الهند و تركيا وكم دولة خليجية قال وين بتروح في امريكا ؟ قلت له خطة السفر ( طبعا نفس الخطة اللي كنت مسجلها في الابلكيشن ) سالني وش تشتغل؟ قلت له انا صاحب مكتب ….. قال جميل. هل فيه اي شي يثبت كلامك قلت طبعا و عطيته السجل التجاري مترجم قال جميل. ثم قال لي طيب عندك اي كشف حساب؟ قلت نعم لدي كشف حساب لحسابي الخاص و حساب الخاص بمكتبي اي واحد تبي؟ قال حسابك الخاص و عطيته مباشرة خذ عليه نظره ثانيتين ثم قال اوكي انت مقبول وخلال 5 ايام حيوصلك جوازك عن طريق ارامكس قلت اوكي شكرا طبعا طلعت و بعد الظهر شيكت على حالة الفيزا حصلتها مكتوب تحت الاجراءات الادارية ثم شيكت بعد المغرب لقيت مكتوب( رفض ):10: والان مر يومين عالمقابلة و الحالة نفسها ( رفض ) و جوازي عندهم و لا ارسلو لي ايميل ولا شي وبس هذي تجربتي و ببلغكم بالمستجدات ان شاءالله |
حاوله اتبع طلبي يظهر لي Your search did not return any data ما اعرف السبب |
يارجل توك عملت المقابلة باقي وقت كبير غيرك يجلس 6 اشهر و3 اشهر ولايحصل خبر اهم شي لاتتصل عليهم كلها وقت وتجيك ان شاء الله بالموافقة وخلي في بالك اقل شي 14 يوم |
شكراً على طرح تجربتك يا غالي لا تشيل هم ان شاء الله يجيك القبول لكن يأخذ وقت للمراجعة في ادارة الهجرة زي ما تعرف الصيف زحمة وقد يأخذ الموضوع وقت لذا ريلاكس لأن ما حصل طبيعي جداً الاجراءات الادارية تختلف من شخص لآخر وحالياً الغالبية يمر فيها :e306: |
تحديث وصلني اليوم ايميل منهم فيه نموذج ds5535 الواضح ان القنصل قبل الفيزا و لكن اذا رفع الاوراق عالنظام يوجد من هو يعطل الفيز و يحولها اجراءات ادارية يعني الموظف قال لي مقبول و راح يوصلك جوازك خلال 5 ايام و اتفاجا انهم محوليني اجراءت ادارية؟ صراحة شي ينرفز |
القنصل يعطيك القرار المبدئي لكن القرار النهائي بيد ادارة الهجرة |
الاجراءات الادارية تمر على الكل. انا حالة الطلب عندي بعد المقابلة كان الاجراءات الادارية بعدها بيوم تغيرت الى issued. ماله داعي التخوف الزايد انت اهم شي سويت اللي عليك |
| الساعة الآن 12:16 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO