|
تجربتي في الفيزا الأمريكية ( زوجة مواطن ) السلام عليكم جميعاً .. حابه اشكركم جميعاً على المواضيع القيمة افادتني كثير في المقابلة والتحضير لها ، حابه انقل لكم تجربتي كامله عشان افيد اللي راح يمر بنفس التجربة .. فالبداية انا قررت اروح لامريكا دراسة لغة لمدة ٦ شهور ، وضعي مختلف لاني يمنية من مواليد الرياض وزوجة مواطن وام لمواطنه .. فالبداية زوجي اشتغل على الابلكيشن بالكامل وطبعاً زوجي راح يطلع معاي ولكن فيزا سياحية وبنتي الصغيرة راح تكون F2 مرافقه ليا .. بعد تعبئة الابلكيشن بالكامل كان اقرب موعد تاريخ 27 ديسمبر الساعه 8:30 صباحاً .. وصلنا لسفارة الساعه 7:30 وجهزنا جميع الاوراق قبل نطلع بما فيها تعريف بالراتب لي ولزوجي ( زوجي المتكفل بالرحله بالكامل ) بالاضافة الى الاقامه الاصل والصورة وطبعاً بنتي عمرها ٤ شهور ف اخذنا استثناء من المقابله لها . وصلنا وقفنا في صف المواعيد الساعه 8:30 انتظرنا تقريباً لمدة نص ساعه وكان المكان زحمه نوعاً ما وصلنا لشباك الاول قبل الدخول وسلمنا ورقة الموعد وكنت ملاحظة ان فيه عسكري يتابعني بالنظر من دخلت وصراحه وترني كثير.. دخلنا لتفتيش وبعدها دخلنا لداخل السفاره وجلسنا مع مجموعه كان موعدهم معانا رحنا للاستقبال طلب الاوراق من ورقة الاي توني تبعي لكشف حساب البنك والجوازات واعطانا رقمين الاول للتبصيم والثاني للمقابله بعدها توجهنا لصاله واسعه نوعاً ما ( كثرتي من نوعاً ما:14: ) وجلسنا وقدامنا شاشه فيها ارقام وفيه الوقت ولكن مأخرينو ساعه وهذا اللي كان علامة استفهام براسنا لان شفت الوقت قبل ندخل ومستحيل يكون نفس الوقت ماتغير من وقت وصلت للسفارة ( ملقوفه شوي:24: ) .. بعدها بعشر دقايق تقريباً جاء رقمنا ورحنا لشباك التأكد من الاوراق وكان امريكي ولكن بشووش ورايق وجلس يضحك معاناً على صورة بنتي الصغيرة وعلق علينا انو بس وقفتو عندي شميت ريحة البريفيوم وحسيت انو صباح جيد وضحكنا انا وزوجي .. بعدها قال روحو للاين رقم واحد عشان البصمه ،، وصل دورنا كانت امريكية بشووشه وتضحك وقالت صباح الخير حطي اصابعك وهكذا ،، خلصنا قالو انتظرو دوركم بالمقابله جاء وقت المقابلة انا للامانه جاني تبلد غريب ولكن زوجي صار متوتر مادري ليه:24: المقابلة : الموظف صباح الخير انا : صباح النور الموظف سألني ( باللغه العربية ) ليه حابه تروحي امريكا انا : عشان ادرس انجليزي الموظف : ليه حابه تدرسي انجليزي انا : عشان احسن لغتي اللانجليزية وتساعدني بمجال شغلي الموظف : وين تشتغلي انا : اسم الشركة الموظف : ايش منصبك انا : .... الموظف : مين راح يتكفل بالدراسة زوجي : انا راح اتكفل فيها الموظف : وين تشتغل زوجي : .... الموظف : ايش منصبك زوجي : ...... الموظف كم الراتب : زوجي ذكر الراتب بعدها سكت شوي وقال ،، تمت الموافقه على الفيزا الخاصه بكم بس روحو لشباك الدفع عشان الجواز اليمني عليه رسوم ( وهذي نقطة مهمه والحمدلله اخذنا البطاقة معنا ) بعدها توجهنا للشباك الخاص بالدفع وطلعنا ،، مقابلتنا كانت يوم 27 ديسمبر يوم 31 ديسمبر جاتني رسالة من ارامكس بإستلام الجوازات من فرع ارامكس ورحنا واستلمناه مدة الفيزا لجوازي : سنه كامله من تاريخ 27 ديسمبر وحتى 27 ديسمبر 2023 بنتي حسب مدة جوازها تقريبا 5 سنوات زوجي : 10 سنوات هذي تجربتي بإختصار والحمدلله كانت جيدة واستفدت منكم ومن اجوبتكم كثير جداً خصوصا اني كنت خايفه من موضوع جنسيتي لان شفت ناس كثير انرفضو بس ممكن وضع زوجي وبنتي ساعد واني من المواليد وبرضو عندي سجل سفريات كثير لدول اوربية وغيرو ، ولكن ارجع واذكر الشكل جداً مهم بالنسبه لهم الترتيب والملابس وغيرو جداً مهم وهذا اللي شفتو من وقت دخلنا وشكراً لكم جميعا على مواضيعكم المفيدة .. :69::3: |
و عليكم السلام و رحمة الله و بركاته .. ما شاء الله 1000 مبرووووووك .. و شكراً على ذكر و مشاركة تجربتك و نتمنى لك رحلة علمية موفقة |
1000 مبروك الكل ما يقصر هنا بالمساعدة الشكل مهم جدا عند المقابلة لابد اللبس يكون لايق رسمي وغير مبالغ فيه شكراً على طرح تجربتك كثير راح يستفيد منها وان شاء الله ترجعين بلبل بالانقليزي :58: |
الف مبروك الفيزا والف شكر لك على ذكر تجربتك وسفرة سعيدة باذن الله :13: |
ما شاء الله مبرووووووك التأشيرة … امريكا بلد جميل اذا احسن الشخص اختيار الولاية والمدينة رحلة موفقة و اتمنى لك النجاح في دراستك |
اقتباس:
ياهلا حبيبنا الغالي .. اسعد الله اوقاتك بكل خير .. بخصوص اللبس هل ينفع يروح الواحد للمقابلة بالشماغ والثوب او بدله ؟ وبالنسبة للنساء هل بالنقاب او بالحجاب افضل ؟ |
مبروكين وتستاهلين الفيزا و سفرة ممتعة الى بلاد العم سام وان شاء الله تقدمين تقرير جميل عن امريكا .. ولكن السفرة الى اين بالضبط في امريكا وبالفعل سفارة او قنصيلة امريكا بأي مكان لها دائمآ هيبة و تشديد كبير في الاجراءات هذه الامور قد تدخل بعض التوتر للمقدم على الفيزا الامريكية اثناء او قبيل المقابلة بالنسبة لي كانت المقابلة جدآ سلسة ( وهي الثالثة ) لأنني املك تجربتين سابقتين مع الامريكان في قنصلياتهم |
اقتباس:
بالشماغ و الثوب و الغترة و العقال و الكندورة .. عادي جدآ والامور سهالات من هذه الناحية اما النساء فلا علم لدي بخصوص لبسهن .. |
اقتباس:
|
اقتباس:
|
| الساعة الآن 03:54 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO