|
كشف حساب 3 شهور فيزا المملكة المتحدة السلام عليكم ورحمة الله وبركاتة الاخوه الاعزاء اانا قدمت على الفيزا البريطانية وبصمت من اسبوع تقريباً واموري تمام الحمدالله لمدة 6 شهور لكن للاسف مع الشغل والارتباطات كنت احول بين حساباتي من حسابي الاساسي الي حسابات فرعية ونسيت امر الفيزا اطلاقاً راح عن بالي المهم سويت كشف حساب 3 شهور اتوقع الحساب مافيه شي يسوي صراحه لكن راتبي ينزل فيه وسويت كشف للحساب وارفقته بدون حتى انتبه ان الحساب مافيه مبلغ محرز متأكد اقل من 5 الاف تتوقعون يرفضون ؟ او يسبب لي مشكلة والتأخير علماً ان سفرتي 7 فبراير :(38): |
رد: كشف حساب 3 شهور فيزا المملكة المتحدة اهلا ريلاكس مان جهز كشف أو 2 من حساباتك الفرعيه الأخرى وحاول تقدمه لهم ولو جوازك به تأشيرات قديمه سياحيه وليس شرط تكون بريطانيا وسافرت وعدت وأمورك تمام بإذن الله تعدي وتآجي تبشرنا |
رد: كشف حساب 3 شهور فيزا المملكة المتحدة هلا وغلا يسعدلي ايامك يالغالي المشكلة انا بصمت وانهيت لي اسبوع تقريباً وفجأة تذكرت امس اني جايب العيد :yolks00430: اقدر اعطيهم كشف جديد ؟ بعد ما خلصت تبصيم وراحت اوراقي ؟ |
رد: كشف حساب 3 شهور فيزا المملكة المتحدة هلا عزيزي لا مشكلة على الاطلاق هم ينظرون للدخل الثابت اللي هو راتبك أو أي دخل آخر أما رصيد الحساب يعتبر أمر ثانوي دام دخلك الشهري ممتاز لا تشيل هم بتحصل على الموافقة ان شاء الله |
رد: كشف حساب 3 شهور فيزا المملكة المتحدة لاتشيل هم ماعليك هل عطيتهم تعريف بالعمل موضح فيه الراتب ؟ اذا ايه خلاص هم بيشوفون راتبك ينزل في كشف الحساب وخلاص انا اذكر قدمت قبل 4 شهور ورصيد حسابي كان مافيه الا حول اربع الاف ريال وخوي مثلي بعد هم مايشوفون رصيدك بكشف الحساب بيشووفك حركه الحساب مثل ماتفضل وقال مديرنا شي ثاني خذ احتياطك ترى الفيزا البريطانيه تطول ويمكن ماتخلص الا بعد 20 يوم انا قدمت في وقت ماكان موسم ولا فيه اجازات ومع ذالك ماخلصت ولاجاني ايميل منهم الا بعد 17 يوم |
رد: كشف حساب 3 شهور فيزا المملكة المتحدة إن شاء الله بتعدي الأمور لا تقلق .. طالما هناك حركة بالحساب ومعروف راتبك الشهري كما قال لك الأخوة إن شاء الله الأمور بتعدي بدون مشاكل.. بالتوفيق :) |
رد: كشف حساب 3 شهور فيزا المملكة المتحدة الله يبشركم بالخير يارب والله يا كلامكم يسر الخاطر فبيض الله وجيهكم جميع انا قدمت تعريف بالراتب مثل ما طلبوا وان شاء الله تتم الموافقه بالنسبة للوقت عاد انا قدمت وبصمت قبل اسبوع وان شاء الله ربي يسهلها الشكر وجل التقدير لكم استاذتي يا عصابة راسي |
رد: كشف حساب 3 شهور فيزا المملكة المتحدة انتظرها هالاسبوع القادم يا غالي ما فيه زحمه حاليا عليها |
رد: كشف حساب 3 شهور فيزا المملكة المتحدة نقول ان شاء الله يافيصل وراح ابشركم بحول الله اول ما تصدر لاعدمناكم يارب وان شاء الله تخلص الاسبوع الجاي عشان ارتب جدولي |
رد: كشف حساب 3 شهور فيزا المملكة المتحدة الحمدالله ابشركم يالربع طلعت الفيزا بدون مشاكل والفتره كانت 3 اسابيع بالضبط اشكركم من الاعماق |
| الساعة الآن 08:25 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO